امي تبحث عن عريس

البارت السابع

#امي-تبحث-عن-عريس

البارت7

بقلم ازهار ذابله

*القصه من وحي الخيال*

وكفت علي جانت مرعبه بالنسبه اليه وجان متوتر وقلقل ...
واكف بشكل مائل ع الباب وهو طويل بس وسط مو فارع الطول وشعره عالي و مو مرتب ولحيه خفيفه وعيونه كبار ويشعن بنظره واثقه دائما واثق من نفسه وهذا الشي الي ينقصني واريد اتعلمه منه فعلا الشخصيه مو بالعمر اني اكبر منه بس مااملك ربع من معرفته وثقته بنفسه ..نزلني كريم وركن السياره وصرت وجه بوجه ويه علي مااحس بشي بس رعشه قويه بدت بجسمي مااعرف خوف مااعرف شوق مااعرف شنو السر بس اني اقل من اوجهه ماكدرت حته اردله السلام بسرعه دخلت وركض ع غرفتي مااريد اعرف شي عن احساسي اتجاه علي يمكن بديت احبه ويمكن لا لا اكيد لا مستحيل احبه هو اصلا ميحبني بس يعطف عليه وحب يساعدني واخته جبرته يحجي وياي لا لا مااحبه ...
اول شي رحت ركض ع الموبايل وشفت مسج من علي كاتب بي ..

*انين مااعرف شلون ابدي ولا اعرف شلون اكولج الكلام الي متحجر وسط حنجرتي مااكدر انطقه دائما خلف كل وداع اريد اكوله وبعدين اتوقف والسبب خجلج وتحفظج مني بس بعد نفذ صبري وبعد لازم احجي ..
انين احبج اي اني احبج واهوايه
ومااعرف انتي شنو اتحسين اتجاهي اخاف من ردت فعلج واخاف اخسر انين الصديقه الي تسمعني واسمعها اخاف اخسرج بطريقتي وبشخصيتي المختلفه عن شخصيتج الهادئه والمتواضعه ...
مااريد اطول عليج ولا اريد اجبرج مثل ما جبرتج شهامة تحجين وياي بس اني انتظرج بـ ابابكم ومن تشوفين رسالتي ردي ومااريد احرجج ردي بكلمه وحده بس اي او لا واني اكون اكيد بهذا الوكت يم كريم ومن اشوف ردج احجي وياه بموضوعنا ..

قرأيتها لرساله بس مو رساله عاديه جانت تعتبر قرار مصيري لازم اتخذ قرار بسرعه اي او لا والخوف سيطر عليه وردت ارد لا وفكرت لا مو اخسر علي هو بس يفهمني ومقدر وضعي وهو يكدر ينقذني من غضب امي واذا انخطبت اتسامحني اكيد
نفس الخوف نفس الشي قرار سريع وبدون اي احساس لكيت نفسي كاتبه اي ودازتها ...

بعد ما طلعت ولا تحركت ولا كدرت اتنفس احس نفسي مخنوكه خنكه راحت بس بهاي اللحظه رجعت اتشجعت وبصعوبه كدرت اوصل للعلاج واخذ حبايه وشويه حسيت براحه وخفت الخنكه ونمت بدون مااغير ملابسي الجنت طالعه بيهم ..
فزيت الفجر و اول شي خطر ابالي علي
شفت الموبايل لكيت مكالمات اهوايه كلهم من علي ...
وداز مسج ..
اني سويت العليه بعد الباقي عليج لازم اتواجهين كل الخوف وتبقين مصره ع الـ (اي) الي صنعت بكلبي فرح عظيم..

شنو يقصد علي وليش هيج يحجي لازم البارحه صاير رفض واني نايمه وماادري بشي ..

طلعت بعد ماكملت صلاتي وماكيت احد

طلعت بعد ماكملت صلاتي ومالكيت احد كاعد الكل نايم بس شفت امي بالحديقه جانت واكفه وحدها وهاي مو عادتها هي تكعد تتريك بالمطبخ وبعدين ترجع لـ الصاله. .
فتت من يمها وخفت احجي وياها وترفض او تتعصب واني اخاف عليها.
بس هي بدت وحجت وياي بس كالت ونين عرفت اكو كارثة لان هي من ايصير شي بسببي اتسميني ونين ...
ـ نعم يوم"
ـ ماعدج نيه تحجين وياي وبعدج مغتاضه عليه مو ..
ـ حضنتها بكل قوتي احس روحي خنكتها
بس بعدني اريد اشبع من ريحتها صار شهرين او اكثر محرومه منها وهي كدام عيني ...
ـ يمه ونين طك كلبي عليج بس انتي تعبتيني وحجيج ابد مايروح من راسي صدك اني ظلمتج يمكن اني اتشوفيني اريد بس اخلص منج بس انتي ظالمتني اني شعندي هو بس انتي بس اريد ارتاح اريد من احط راسي ع المخده مااحسب احساب اتشاهد وانام واذا ماصحيت من النوم عادي اموت ماكو وراي شي بس انتي اذا متت واني ما مزوجتج ومخليتج امانه بركبة رجال شلون ارتاح شلون انام واتشاهد واني ادعي ربي مايخذ امانتي هسه الا اخليج بيت رجلج وحته لو اموت بعرسج هم ميخالف.

ـ اسم الله يمه شنو هذا الحجي فدوووه اروحلج من عمري ع عمرج.
ـ خلي اكلج شي البارحه اجيت وشفتج نايمه وما كدرت اكعدج ...
اخو شهامة رايدج  بس اخوانج اثنينهم طردوه واني بلكوه حميته منهم وهم هو جاي بروحه لا ام ولا اب يمكن اهله رافضين والبيت انكلب كلب ع راسي وانتي يونين نايمه وماتدرين ..
ـ يعني شلون اني.... شنو ...يعني لازم شسوي ...
ـ شتسوين سوي بس لا تخلينهم يذلونج ولا تخلين ع روحج لزمه لان همه شاكين بيج تحجين وياه فلا تخلينهم ايلزمون عليج شي ..
ـ لا لا شنو اني ....

ـ اي يبزر بطني انتي بس عفتج لعبتي لعب وانطيتهم مجال يدوسون راسج الي خلصتي عمرج مرفوع بينهم واني هم رافعه راسي بيج واكول اني امج يا انين مدرسه واربع سنوات كليه وما صاحبت ولا حبت ودومها رافعه راسي .....
اي ونين تالي ما تله اتحبين هذا الجاهل الي البارحه صار وتنزلين راسي ..

ـ يمه بس اسمعيني فدوووه هاي المره لا تظلميني.
ـ وشلون مااظلمج يعني الحجي الكاله علي البارحه جذب ..
ـ شكال هو ..?
ـ كال اصخام وجه كال ظيم ..
ـ يمه بس احجي شكال مو كلبي خلص.

يتبع
تصبحون ع خير حبي 😘
ح