امي تبحث عن عريس

البارت الخامس

مسائوووووو 😘

#امي-تبحث-عن-عريس
تكملة البارت 5
بقلم ازهار ذابله

*القصه من وحي الخيال*

ـ امشي كدامي احسابج بالبيت ..

اول مدخلنا البيت صرخت امي ولمتهم كلهم علينا وخبصت البيت ..

كريم: شكوو شصار وياكم وين جنتوا وليش اتصيحين يمه بس خلي نفتهم ..?
ـ ام كريم :اريد احمد اريد اليوم اموته اليوم مايظل بالبيت اليوم لو اني لو هو ..

ـ انين : يمه كافي خلي هسه وين يروح وانتي تعرفين هو شغله مو هلكد ..

ـ ام كريم : وانتي لا تحجين اريد هذا هذا الهذاك اليوم صار وهسه يريد يكبر براسي والله الخلقه اليوم اعلمه وارد اربي من جديد هاي تربيتي هاي جزاتي كسرت ظهري عليكم هااااا مااعرف اتزوج مااعرف اشمركم حالي من حال هاي النسوان مااعرف ولو ادري بيكم هيج اطلعون لا اشمركم واتزوج بس لا حاربت ع مودكم ...
يجي عمكم اتعارك وياه واطرده و اخذكم بحضني و شكد سهرت وداريت واشتغلت وخليتكم اثنين زلم  ومراة ...
مو هذا الصار وشنو سويتولي جاوبوا شنو الي اخذته منكم احجووووو.
ـ كريم : يمه كافي مو زين عليج ضغطج يرتفع بس اهدئي وارتاحي وخلي نفتهم شنو احمد شمسوي والله اني اطيح حظه ولا تضوجين نفسج ..

ام كريم : كلكم روحوا من وجهي مااريد اشوفكم وانتي ونين بعدين احسابج وهذا احمد مايظل بالبيت هاي الحيه مرته سمعتني وهسه اتخابره وتكله مااريد اشوف وجه.

ـ كريم : انين شنو صار وين جنتوا وشبيها امي ..!
ـ انين : خليها ترتاح بعدين هي ترضه وسالفة احمد مااعرف شلون احجيها والله اخجل منك بس ..  هي ....ماااا..
كريم : خلص انين احجي .....
انين : احمد .. اا..  احمد جذب علينا وسمير خوش رجال بس هو جذب ..

كريم : ليش ليش هيج يسوي وامي شلون عرفت ..?

ـ انين : وحده تعرفهم اسمها ام سالم هي كايله لـ امي والرجال طلع حته ام ماعنده ورجال مدرس كيمياء ومستقل عن اهله بس هو منفصل عن زوجتة لان  ممتفاهمين ..

كريم : خلي بس يجي واني اعلمه هذا الحقير ليش هيج ميخاف الله ..
انين : يعني انسكت امي ترجع انت بس اذكر الله وارتاح مو زين هيج اتعصب خلص بعد هو هذا نصيبي وكل مره لازم يصير شي وتخرب الخطوبه قبل لا تصير بعد اتعودت هو اول مره ..
كريم : ليش مسلمه امرج لـ الناس ليش هذا الخضوع ..?
انين : اني مسلمه امري لله ..

تركت كريم ودخلت يم امي خطيه اليوم ضوجتها وهي متتحمل بسرعه تعصب ويرتفع ضغطها ...
يمه اني اسفه فدووه سامحيني بس والله تعبت تعبت من كل هذا ..
ـ مااريد اشوف وجهج ولو ما ابنيه طردتج ويه اخوج بس كلبي ماينطيني ..
ـ يمه سامحيني والله مليت مليت تدرين من كد الضغط والتفكير ومن اتجبريني اروح لـ هذني السحارات تعرفين شنو جنت اسوي من اول يوم جبرتيني اروح وياج جنت اشرد من الواقع وامشي وياج بس جسد بس جنت اتعمد اتخيل اتخيل اي اتخيل نفسي بمكان اريده اني اتخيل نفسي بغير مجتمع بغير عالم وكل مره اطلع وياج لهيج اماكن اني ماجنت انتبه الهم ولا اعرف شنو يحجون  جنت مسويه لـ نفسي عالم خاص .....
بس الكارثه هسه مااكدر اطلع من عالم الخيال جنت اتخيل بـ ارادتي بس هسه لا لا يمه هسه اتخيل غصب عني يمه اختنك ونفسي ينكطع يمه اروح بالخيال بدون مااحس اتحسين بيه اني ضعت اني انتهيت والسبب هو الزواج الزواج لازم اتزوج ولازم اتكون عندي عائله اطفال ورجال يكون سند الي مو. مو هيج تفكيرج مو مو هيج ..... زين شكد رحتي لـ هذني. شكد اجوني ناس ورادوني من صدك وانتي بعينج شفتي شلون جانوا بـ اخر لحظه ينسحبون او احنه نرفض او او الخ ... انتي تذكرين كل شي ..
ماما تعبت مااريد اتزوج مااريد خليني يمج خليني انام جوه رجليج اعتبريني حيوان ومربيته اني اظل جوه رجلج واخدمج ومااعترض ع شي ابد بس انسي موضوع الزواج وخلي احمد يبقه بالبيت ..

ـ خلصتي هذا حجيج وادموعج بعد طلعيني ظالمه تبجين وتحجين اني مرت ابوج مو امج ... واحمد اني اعلمه خلي بالبيت خلي وانتي هم ظلي بدون زواج ظلوا هيج اني بعد ماادخل بس اتشوفون شلون  اعلمكم انتي واحمد بعد ماادخل بيكم ويله وخري من وجهي مااريد اشوفج.

يتبع