اين...طفولتي؟

التعريف

اهلا بكم...💜
اني اسمي قمر، اسكن في بيت جدي مع ابوية وامي واختي الصغرية نور وباقي افراد العائلة كان بيت كبير ميخلو من الزيارات المتكررة من الاقارب، كنت مثل باقي الاطفال احلم واتأمل بحياة تغمرها السعادة بس للاسف صار الي صار...💔ابوية كان اصغر اخوانه فكان هستوة بدة يستلم اعمال الشركات واملاك جدي الاكبر فصار دائما مشغول ونادر مانشوفة اما امي فكانت تحب تشتري ملابس كومة وتهتم بنفسها حتى نست انو احنة بعدنة موجودين بحياتهة واختي نور فهي اصغر ب٣سنوات كانت مرحة واني كنت مثلها فمكانت تمر دقيقة وحدة بدون ماتسمع ضحكنة، وبنفس البيت كان يعيش اعمامي ايضا وهم:
عمي طارق:الولد الاكبر لجدي، واولاده:احمد وعلي، وبناته:رهف وغدير.
عمي خالد:الولد الوسط في العائلة،وولده محمد.
وعمتي فاطمة، وبنتها شهد.
شهد اصغر مني بسنة واحدة وكانت دائما تلعب ويانة وهي بنية طيبة جدا اما رهف كانت اكبر مني ب٤سنوات وغدير اكبر مني ب٦سنوات وهما مغرورات كلش حاولنا هواية نلعب وياهم بس همة كانوا ميرضون لان زوجة عمي(امهم)كانت تمنعهم وتحذرهم انو يحجون ويانة لانها ابنة اخ جدي الاكبر فهي من العائلة وكل الي تزوجوا سواء من اعمامي او اولادهم فكان لازم انو يتزوجون من العائلة بس ابوية فهو الوحيد الي تزوج امي عن حب ومكانت من بنات العائلة صحيح كان والدها غني بس مرت عمي تكرهة حيل لان خالي قتل اخوهة علمود بنية حبوهة ثنينهم،وعلي كان اكبر مني ب١٣سنة واحمد كان اكبر مني ب١١سنة ومحمد كان اكبر مني ب٩سنين، كانت حياتي طبيعية مثل اي طفلة عمرها ١٢سنة حتى صار الي صار وانتهت طفولتي امام عيني.....

طبعا هاي بداية الرواية ومجرد تعريف عن شخصيات وابطال الرواية وانشالله الاجزاء القادمة رح تكون احلة ومشوقة وهاي اول مرة اكتب رواية ف اكيد محتاجة دعمكم الي حتة اعرف اذا تحبون استمر بلرواية او اتوقف💜