اين...طفولتي؟

الم الصمت

نزلت للغدة واني منزلة راسي ماريد اباوع بوجه احد خوفا من انو اشوف علي كدامي كعدت واكلت بلكوة وكل لكمة احسهة دتخنكني ومداكدر ابلعها كملت الاكل وكمت داغسل وجنت وحدي بلحمام وفجأة احس احد واكف وراية.....

مجنت اعرف منو بس من سمعت صوتة اهتز كل جسمي!!!!جان علي هوة الواكف وراية بهل لحظة ماكدر اوصف كمية الخوف والرجفة الصارت بية تذكرت كل الي صار البارحة بلتفصيل وتجمعت الدموع بعيني تمنيت اتبخر بهاي اللحظة واختفي حتة ماكون ويا بمكان واحد زادت مشاعر الخوف والقلق من سمعت حجية...

علي:(حضري روحج اليوم تجين لغرفتي بدون مااحد يحس لو يشوفج وديري بالج اذا مجيتي افضحج وانشر الصور الاخذتهة الج بدون متحسين واكللهم هية جتي وقدمتلي نفسهة وانتي اختاري لو تنفضحين لو تجيني بلليل بس الاحسن الج تعاي حتة متموتين وانتي صغيرة ومن تجين لتلبسين كومة ملابس لان اصلا مرح يبقة بيهم شي)

من سمعت هلحجي مثل السهام ودخلت بقلبي والدموع بدت تنزل مثل المطر الخوف والرجفة راسي راد ينفجر تمنيت من صدك بهاي اللحظة اموت ولايتكرر الي صار البارحة معرفت شلون افكر ولاعرفت شاخذ قرار واني طفلة او الاصح جنت طفلة يعني ماعرف شلون افرق بين الصح والغلط طلع علي من الحمام وضليت وحدي قفلت الباب علية وداحس روحي بعالم ثاني حسيت دماغي تحجر مداكدر افكر ومداسمع ومداشوف غير الي صار البارحة وحجي علي قبل شوية تمنيت لو الكة اي شي ممكن يخلصني من هلمشكلة ضليت ممستوعبة الي ديصير  ومصحيت غير علة دكة الباب لان ديردون يفوتون يغسلون ايدهم اني هم كمت غسلت وجهي حاولت شكد مااكدر مابين لون الاحمر الصار بعيني من البجي ضميت نص وجهي بشعري كلت بلكي محد ينتبه علة تعابير وجهي فتحت الباب وطلعت بهدوء حتة مابين روحي قلقة من صرت بعيدة شوية عنهم ركضت لغرفتي ووغصيت وجهي بلبطانية وكمت ابجي واشهك مر وكت طويل واني علة هلحال لحد ماغفيت من التعب علة صوت شهد ونور ديصيحوني علمود العشة حسيت جسمي مديحملني حتة اكدر اكوم كمت واني عيوني مورمة متمنيت انزل خفت لايطلع علي هم موجود نزلت بس همزين ملكيتة وياهم؛؛؛؛
باوعت عل اكل مداكدر اكل ومالي نفس اضطريت اكل لكمتين بعد الحاح من امي ضلت تكول صحتج وتتاذين واني اكول بقلبي اخخخخ يايمة لو تدرين بحال بنتج شصاير
اكلت لخاطرهة وسكتت بس هناك واسمع صوت كمت كلما اسمعة دمي ينشف،،،،اي هوة صوتة صوت علي
اجة حتة يتعشة اني كمت رئسا حتة ماشوفة غسلت ومن داطلع من الحمام اجة هوة حتة يفوت وصار بوجهي وكال،

علي:(لتنسين اليوم انتظرج يالعبتي)

كل حرف طلع منة حرك روحي حرك، انتفض جسمي من مكانة اول مسمعت هلحجي مشيت بخطوات ماعرف اذا جانت بطيئة لو سريعة كل الاعرفة جنت بس اريد اروح حتة مابقة يمة وميضل قريب علية رحت لغرفتي وضليت اباوع علساعة مادري اروح لو ابقة وشميصير خلي يصير زين اذا ابقة هسة يفضحني شسوي اني شنو الحل،،،،
ضليت علة هلحالة الائن صارت ساعة بل١بليل ونام الكل ومحسيت علة روحي غير واني كايمة حتة.......

شنو رأيكم بهذة البارت؟؟💗
اتمنة يكون عجبكم💜
ياريت تتفاعلون وتحطون لايكات حتة استمر بتنزيل الرواية💕