بيوم من الايام اني وداروحلة للغرفة مجنت ادري اكو احد ديراقبني وين داروح وورة مرحت لغرفة علي وكملت القذارة من داطلع انصدمت بلي لكيتة واكف كبالي.......
اني:شهدددد!!!!!!(كلتهة واني مصدومة من الكدامي)
شنو جنتي دتراقبيني؟؟؟
شهد:شجنتي تسوين بغرفة علي كل هلوكت؟؟؟
اني:لتجاوبين السؤال بسؤال اكو احد غيرج جان ديراقبني؟
شهد:لا راقبتج بدون مااحد يحس وهسة تعاي وياية واحجيلي كلشي...
من كالت احجيلي كلشي تذكرت كل الصار بيني وبين علي من ذاك اليوم الاسود لحد هسة تجمعت الدموع بعيوني بدون ماحس وكعت بلكع واني ابجي اخيرا اكو احد رح احجيلة ويسمعني اخيرا احد رح اكدر افضفضلة الصار وياية اشكيلة الهم العشتة طوال هلسنين اخيرا احد انشمر بحضنة وابجي اوصفلة ولو ربع الالم الحسيتة كل هلسنين تجمعت علية العواطف واختلطت المشاعر ومصحيت منهة الائن كالت شهد...
شهد:هششش اسكتي لااحد يسمعج وتعاي وياية واحجيلي كلشي.
رحت وية شهد لغرفتهة وحجيتلهة كلشي من يوم عيدميلادي ال13 ولحد هليوم،،،احجي لشهد واوصل لموقف واسكت وابجي وهية تبجي وياية وتهديني حتة مابجي وضلينة الائن نمت بحضن شهد وهية دتهدي بية صح هية اصغر مني بسنة بس هية الوحيدة الحست بية والسمعتني والي وكفت وياية ووعدتني تخلصني من هلحيوان ماعرف شلون اوصفلكم حبي لشهد صدك من كالوا(الصديق وقت الضيق)،،،،شهد نصحتني انو اضل وياها وماكون وحدي ابد حتة مانطي مجال لعلي يحجي وياية طبعا اخر مرة جنت ويا كلي تعاي ورة يومين فشهد كلتلي سوي روحج تمرضتي حتة مترحين وبعد متنطين مجال الة وطبعا مشيت بنصايح شهد وهوة حاول اكثر من مرة انو يحجي وياية لو يتقرب بس شهد معافتني ابد وهوة الف حمد وشكر نساني ومكام يتقربلي بس لعبالكم نحلت العقدة اني اول وتالي خسرت عذريتي يعني ماكدر اتزوج بعد وهوة عندة صور الي من يوم عيد ميلادي ال13 بس اني بديت اتحسن وتعلقت بشهد بشكل مصاير ونور اختي هم رجعنة مقربات مثل ايام زمان وكمت اجتهد بدراستي وعلي نساني كمنة حتة اذا تصادف نجتمع وحدنة ميتقربلي المهم مرت سنين وصرت صف سادس اعدادي يعني من نجحت من الخامس وبدت العطلة واهلي مقبلوا اسجل يم مدرس وكالوا محمد ابن عمي هوة الي يدرسني لان هوة طبيب وبلسادس طلع ٩٩.٤ فهوة بدة يقريني طبعا لو شكد مااوصف هذة الشخص شكد محترم وطيب ماكدر انطي حقة يعني فرق شاسع مابينة ومابين ابن عمي علي صح همة مو اخوان ومجرد ولد عم بس فرق بيناتهم كلش جبير طبعا اتوقع تذكرون من كتلكم محمد اكبر مني ب٩سنين فمن بدة يدرسني مواد سادس تقريبا اكثر الوقت مال اليوم اكضي ويا وهوة دائما يحاول ميحسسني بملل بلدراسة فنوبات يتشاقة وياية او يجيبلي هداية اذا قريت زين يعني من صدك مجنت اتوقعة هيج صح احنة عايشين بنفس البيت بس كل واحد عايش بعالمة الخاص ممختلطين كلش بحيث مجنت احجي ويا الة نادر وعلة كد السلام ومجنت اتوقع اكو ملاك بعائلتنة الكشرة هاي ويا كمت احب الدروس والمواد مجنت احس بلوقت وكمت احس بمشاعر ماعرف شنية ومادري شون اوصفهة بس جان شخص ارتاح حيل من يكون موجود وافرح وانسة كل الالم تقريبا بديت اتعلق بي وجنت احس يبادلني نفس الاحساس بس ابد متجرأت اعترفلة او اعرف مشاعرة اتجاهي شنو جنت دائما اعتبرهة مجرد قرابة او صداقة بين ولد العم خصوصا الفرق بيناتنة ٩سنين يعني مو قليل ابد بس بيوم جنة دنقرة مثل كل يوم وجنت دااكتب بلدفتر شلت راسي لكيتة صافن بوجهي ونصدمت من كلي......
هسة اخيرا طلع شخص يخلص قمر من الي هية بي وينسيهة الالم اتمنة يكون هلبارت عجبكم
كتبولي توقعاتكم للبارتات الجاية💛🥀
أنت تقرأ
اين...طفولتي؟
Romanceطفلة لاتزال تحلم وتسرح بخيالها الواسع وتتمنى ان تعيش كباقي الاطفال....ولكن! كان للقدر منحنى اخر حينما اغتصبت في طفولتها فضاع شرفها وضاعت طفولتها واستفاقت من خيالها البريء الى واقعها المظلم? فماذا سيكون حاضرها وكيف سينتهي بها المطاف......
