قمر**ورة منزلنة اني وغدير ودخلنة للصالة اول واحد اجة يعيني هوة محمد وشكللكم علكشخة الجان بيهة شنو من قاط لابس يجنن وشعرة الكفشة شلون مسوي وريحتة الترست المكان واولهم قلبي من شفتة ضليت صافنة بوجهة وتمنيت لو يكون هوة الي ديخطبني مو ذاك اللاخ الي كطع هللحظة الرومانسية اول مشافني اجة هاي شنو شهلجمال معرفتج وضل يشاقة بحجي سخيف واني كل فكري يم محمد ومن ديريد يلبسني الحلقة صدمت الكل بشغلة سويتهة......
احمد:هاي شنوووو؟؟؟؟؟شون نجرح اصبعج!!!
قمر:جنت دا اثرم بصل وبدون مادري جرحتة...
احمد:يلة ميخالف موشرط تلبسين الحلقة اليوم
قمر**من كال مو شرط تلبسين الحلقة اليوم فرحت فرحة مصايرة لان اني حاطة ابالي ومن قبل مالبس حلقة احد غير الي احبة وهاي طبعا قبل لاافقد عذريتي وينتهي هلحلم،،،هو صح انتهة بس اني اليوم حاولت احافظ علة اخر شي بقة من عندة...
محمد**من شفت ايدهة مجروحة حطيت ايدي علة قلبي خفت لايطلع شي خطير بس ورة مكالت جرحت ايدهة هية وتثرم باوعت بعينهة حسيتهة دتكذب اصلا محد يفتهمهة بكدي وعرفت هلحركة سوتهة حتة تفلت من الحلقة الصراحة بها لحظة حسيت اكو باقي حب بداخلهة الي وفرحت بس وراها تذكرت شلون هانتني من وافقت علة احمد وطارت الفرحة،،،،وراها اجة دوري البس غدير الحلقة وضليت احاول افكر شلون اكدر اخلص من هلورطة وفجأة جتني فكرة انو اسوي روحي تخربطت وفعلا سويت روحي تخربطت ومداكدر اكمل وبهل حالة اني وقمر ملبسنة الحلقات....
قمر**من محمد تخربط من صدك خفت عليه وجان مبين علية هلشي بس وراها حسيت انو كذب لامتخربط ولاشي بس بنفس الوكت ضليت قلقة عليه وطبعا ثنينة ملبسنة الحلقات وخلصنة من هلحفلة السودة وصعدت لغرفتي وجتي شهد...
شهد:شفتي شلون يحبج ومقبل يلبس هاي الحية الحلقة!!!
قمر:لا مااتصور علمودي يجوز صدك تخربط...
شهد:كل عقلج تخربط؟؟؟ترة مبين عليه ديكذب محمد مثل الاسد ميصير بي شي
قمر:اسم الله غير اذا يصير بي شي اموت!!!
شهد:ههههه يمة الحب يمة لعد اذا تحبي هلكد ليش دتسوين كل هذة....
قمر:شهد تردين اعيد نفس الحجي؟؟؟الف مرة كتلج ماريد اظلمة وياية
شهد:لعد الدتسوي هذة مو ظلم؟؟؟من هوة يحبج ويموت عليج وانتي تخوني كدام عينة!!!تتوقعين ليش خطبهة لغدير؟؟؟حبا بيهة مثلا لو بس حتة يغورج ويحسسج بلي هوة ديحسة،،،،ترة لو جاهل زعطوط هم جان افتهم وانتي مدتفتهمين ليهسة انو كل الي ديسوي هوة حب بيج مو كره لو انتقام!!!الله عليج فرحانة انتي بلي دتسوي فرحانة من تشوفي وية غيرج ومن تكونين وية غيرة؟؟؟فرضي اليوم انتي ويا لبستو الحلقات من ايد ناس متحبوهم جان زين لو صاير هيج؟؟؟؟ترة انتو دتلعبون لعبة مال زعاطيط غيرج وحدة بس تتمنة تلكة شخص يحبهة بكد ما محمد يحبج انتي صح نحرمتي من كومة شغلات بس الله ديريد يعوضج بمحمد ولتكولين اظلمة لو شي ترة الي خلا يتحمل كل الي ديصير هسة اكيد يخلي يتحمل سالفة انو انتي موعذراء والصار جان غصب عنج مو بارادتج وجنتي صغيرة ومتفتهمين بس هسة كبرتي ولازم تنسين الماضي وتبدين من جديد!!!!
قمر:انتي رأيج هيج؟؟؟
شهد:طبعا وهوة هذة عين العقل....
قمر:ميخالف لعد رح اصلح كلشي بس لازم انتظر يرجع من السفر حتة يكمل شغلة وميلتهي بغير شي.....
اتمنة يكون عجبكم هذة البارت💛
اعتذر اذا جانت احداثة قصيرة بس والله صار عندي ظرف وبلكوة دالكي وكت حتة اكتب بارت ومااتاخر عليكم😘
اكتبولي توقعاتكم للبارتات الجاية❤
أنت تقرأ
اين...طفولتي؟
Storie d'amoreطفلة لاتزال تحلم وتسرح بخيالها الواسع وتتمنى ان تعيش كباقي الاطفال....ولكن! كان للقدر منحنى اخر حينما اغتصبت في طفولتها فضاع شرفها وضاعت طفولتها واستفاقت من خيالها البريء الى واقعها المظلم? فماذا سيكون حاضرها وكيف سينتهي بها المطاف......
