اين...طفولتي؟

خطوبة غصب

قمر**طمنتني شهد وكالت مرح تحجي شي بس ضليت بحيرة ومكدرت انام والتفكير هلكني بس بعد وكت طويل وتفكير طويل قررت انو اعوف محمد.....

ورة هلقرار حسيت الدنية كلهة طلعت من عيني وانو مستحيل اعيش بسعادة وكلة بسبب ذنب مو اني الي ارتكبتة بسبب ذنب ارتكبة ابن عمي الي المفروض يكون اكثر واحد يخاف علة شرفي لان شرفي من شرفة بس هوة اصلا عديم الشرف وانتهت طفولتي ورح ينتهي شبابي واني حالي حال الاموات لا من حقي افرح ولامن حقي احب ولامن حقي اتزوج مثل كل البنات ورح ابقة هيج لحد ما يجي الموت وينقذني بس انشالله موتي ميصير علة ايد اهلي صح همة مهتمولي بس ماريد يعرفون وينكسرون مثل مااني نكسرت....
بهل فترة تغيرت وية محمد كلش حتة ابتسامة مني ميشوف وجنت اتغيب عن الدروس واقرة وحدي وقررت اركز بشهادتي وبس وماريد غير شي عل اقل الشهادة مرح تحاسبني علة ذنب مو اني ارتكبتة،،،وراها لاحظت انو محمد حبة الي منقص بلعكس ديزيد يوم ورة يوم صح اني مدانطي وجه بس هوة جان كلش متعلق بية فقررت انو كدام محمد اكوم اتقرب ل احمد اخو علي حتة محمد يكرهني وفعلا بديت اتقرب لاحمد لو احاول افتح ويا مواضيع واسولف لو اجيبلة مي لو اجيبلة اكل المهم حاولت اتقربلة بكل الطرق وهو هم استجاب وبدة يتلوك صح اني اكرهة حيل بس جنت مضطرة حتة ماجرح محمد بحقيقتي بس بيوم صار شي مستحيييل اتوقعة....

محمد**تغيرت علية قمر بشكل مو طبيعي حاولت هواية افتهم شنو السبب بس ملكيت الجواب وكلما جنت اباوع بعيونهة اشوف حزن والم حاولت هواية احجي وياها بس هية ابد منطتني مجال الائن بدت تتقرب لاحمد ابن عمي هنا من صدك بديت احتقرهة انقهرت من تصرفهة وكمت احسهة رخيصة لان فضلت واحد ميحبهة علة واحد جان مستعد يضحي بكلشي علمود يشوف فرحتهة والائن بيوم صار شي ابد متوقعتة....

قمر**اجة احمد وكال اريد اجتمع بكل افراد العائلة وخبر مهم اريد اكولة وفعلا اجة الكل واجتمعوا واني ومحمد من ضمنهم وحتة علي جان موجود،،،

واحمد كال:اليوم جمعتكم حتة اكول كدام الكل اني اريد احب قمر واريد اخطبهة!!!!!!!!!

هنا اني حسيت مثل الصعقة الي اخترقت كل جسمي وروحي وكلشي بية تمنيت اتبخر بهل لحظة ولااسمع الي كالة احمد صح اني بديت احجي ويا واتقربلة حتة محمد يكرهني بس مو لدرجة يريد يخطبني!!!
طبعا العائلة كلهة رحب بلفكرة ماعدة ثنين بس همة الجانوا ديحتركون بهل لحظة،،،اني ومحمد💔
والي زاد الطين بلة من احمد سالني،،،

وكال:شنو رأيج قمر تقبلين تتزوجيني؟؟؟

بهاي اللحظة معرفت شحجي حسيت لساني نبلع ومداكدر اكول شي وتلقائيا وبدوه تفكير،،،،

كلت:اي موافقة!!!!!

باوعت لمحمد جانت نار ودتطلع من عينة نار رادت تحركني وكره عمري متمنيت اشوفة بس والله موبيدي ماريد يعرف حقيقتي وينظلم وياية مردت اخدعة بس متوقعت توصل الامور لهل حد...

محمد**ورة ما اجتمعوا العائلة واحمد كال اريد اخطب قمر هنا صعد الدم براسي وباوعت لقمر ردت الكة اي اجابة منهة تبرد قلبي الي ديحترك بس للاسف شفت بس صدمة ومشفت رفض والي كسرني وكسر قلبي اكثر من سالهة تقبلين تتزوجيني وهية رئسا جاوبت اي اقبل!!!!
بهاي اللحظة كرهتهة من كل قلبي وتمنيت احركهة حرك وكرهت نفسي لان حبيت هيج وحدة رخيصة وماعدهة وفة لعد وال احبك شنو جانت؟؟فرحتهة من عرفت اني احبهة شنو جانت؟؟؟كلة كذب كلة كذبببب؟؟؟؟؟؟طلعت وعفتهم مكدرت اتحمل اكثر من هيج وضليت لتالي الليل الائن قررت اسألهة بنفسي يجوز متريدة ومن الصدمة قبلت!!
حاولت اقنع روحي انو هية مو متقصدة وقنعت روحي وانتظرت لليل حتة اسألهة

قمر**من شفت محمد طلع والكل بدو يباركولي علة غلطتي الجبيرة تمنيت روحي تطلع من جسمي وتوكفة وتكلة هية تحبة ومتحب غيرة ولا احمد ولاغيرة يكدر ينسيهة حبهم وضليت لليل سهرانة بلحديقة الائن حسيت احد جر ايدي قوي ودفعني بمكان مابي احد.....

شنو رأيكم بهذة البارت؟🌷
ولتخافون ترة بعد العسر يجي الفرح يعني قمر مرح تضل بهل حزن بس بلبارتات الجاية تعرفون شحيصير😘
كتبولي توقعاتكم للبارتات الجاية💛