طفلة لاتزال تحلم وتسرح بخيالها الواسع وتتمنى ان تعيش كباقي الاطفال....ولكن!
كان للقدر منحنى اخر حينما اغتصبت في طفولتها فضاع شرفها وضاعت طفولتها
واستفاقت من خيالها البريء الى واقعها المظلم?
فماذا سيكون حاضرها وكيف سينتهي بها المطاف......
محمد**مثل مكلتلكم قمر مكمت اشوفهة هواية وكمت اهتم بلشغل مال شركات جدي واني استلمت ادارة شركة من الشركات وبديت اكضي كل وكتي بلشغل حتة مارجع وتجلب بية غدير اللزكة وحتة ماشوف قمر وينحرك قلبي من الشوگ بس بيوم من الايام جان لازم اسافر ال لندن مدة ٣شهور علمود الشغل وجنت مضطر ابتعد عن قمر والبيت كل هلفترة......
من كلت للاهل عن سفري قرروا انونقدم حفلة الخطوبة حتة تصير قبل السفر وطبعا احنة انتظرنة كل هلفترة لان لازم العريس يجمع مصاريف الزواج بنفسة ويحظر حتلو لجزء بسيط او علة كد الخطوبة وطبعا بعد مرور يومين رحنة اني واحمد وغدير وقمر دنشتري الذهب والحلقات،،،رحنة للصايغ طبعا غدير ماقصرت شكو شي ثكيل وغالي راحت عليه والمشكلة دتختار اشياء محلوة وكل اليهمهة الثكل والسعر الغالي اني مو قصة داابخل بس كلشي الة حدود اما قمر فنتبهت عليهة اختارت اشياء بسيطة كلش ونازكة مثلهة وانتبهت بلبداية عجبهة خاتم كلش حلوة بس جانت خفيفة ورخيصة يعني مو فدشي جبير واحمد مقبل يشتريهة لان مثل اختة يدور بس مناظر،،،،ورة مكملنة ورجعنة للبيت ضلت صورة الخاتم ابالي وصورة قمر شلون عجبهة ومن مقبل احمد ياخذة شلون تجمعت الدموع بعيونهة مثل الطفل من يريد شي وميجيبولة وعلمود هاي رجعت مرة لخ للصايغ واشتريت الخاتم منة وكتلة يحفر بي من الداخل اسمي واسم قمر....
هاي صورتة👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قمر**من عرفت محمد حيسافر قلبي نقبض ومن عرفت يروح ٣شهور وماشوفة كل هلمدة تاذيت كلش بس هوة هذة حظي ميتغير واليقهر اكثر من رادوا يقدمون حفلة الخطوبة(حفلة الاعدام مثل ما اسميهة)وفعلا ورة يومين من قرار محمد للسفر رحنة واشترينة الذهب وجنت مقهورة كلش لان غدير دتختار وية محمد واني وية هذة وعجبني خاتم يجنن بس احمد مقبل يشتري ومن صدك تجمعت الدموع بعيوني وكلت بقلبي لو محمد جان جابليا بس هذة كلة يدور اشياء غالية ومالهة معنة بس منظر المهم وراها صارت حفلة الخطوبة ولبست فستان بسيط لونة وردي فاتح وقصير ومن جوة عريض مثل مال الاميرات
هذا👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وسويت شعري تسريحة بسيطة كلش ومكياج خفيف،،،اما بلنسبة لغدير فلبست فستان كلة خرز وشرايط وكلش مبالغ بي ومكياج كومة بحيث ملامحها اختفت يعني اذا تعطس يطير المكياج من وجهة وتسريحة هم مبالغ بيهة صراحة جانت طالعة محلوة موقصة غيرة اوشي بس صدك طلعت محلوة
محمد**من صارت حفلة الخطوبة وفاتت قمر وغدير عيني رئسا جتي علة قمر شحجيلكم علة الجمال الجانت بي عيني رادت تطلع من مكامهة تمنيت اخذهة واشرد ومحد يشوف هلجمال غيري صح تخبلت علجمال الطالعة بي بس بنفس الوكت كلش صرت اعصاب وغرت عليهة ومتحملت احد يشوفهة هيج هية صح ملبست شي كلش مكشوف مثل ما الاخت غدير سوت بس مجرد طلعتهة بهل جمال خبلتني اما الاخت غدير فماحجيلكم عل شكل الطلعت بي طالعة جنهة مهرج شفتهة لزمتني الضحكة بلكوة سكتت،،،،واجة وكت نلبس الحلقات وطبعا من احمد راد يلزم ايد قمر ردت اكسر ايدة بس نصدمت من شفتهة.....
قمر**ورة منزلنة اني وغدير ودخلنة للصالة اول واحد اجة يعيني هوة محمد وشكللكم علكشخة الجان بيهة شنو من قاط لابس يجنن وشعرة الكفشة شلون مسوي وريحتة الترست المكان واولهم قلبي من شفتة ضليت صافنة بوجهة وتمنيت لو يكون هوة الي ديخطبني مو ذاك اللاخ الي كطع هللحظة الرومانسية اول مشافني اجة هاي شنو شهلجمال معرفتج وضل يشاقة بحجي سخيف واني كل فكري يم محمد ومن ديريد يلبسني الحلقة صدمت الكل بشغلة سويتهة......
اتمنة يكون عجبكم هلبارت💛 رح احاول انزل بارتات اكثر حتة اكمل هاي الرواية وابدي برواية جديدة🌷 اكتبولي توقعاتكم للبارتات الجاية😘❤
