اين...طفولتي؟

عودة محمد

قمر:انتي رأيج هيج؟؟؟

شهد:طبعا وهوة هذة عين العقل....

قمر:ميخالف لعد رح اصلح كلشي بس لازم انتظر يرجع من السفر حتة يكمل شغلة وميلتهي بغير شي.....

قمر**من ديسافر محمد جان حزن كلش جبير بداخلي ردت اروح واركض عليه واكلة احبة وشتاقيتلة وليتاخر بس مكدرت ضلت مشاعري متجمعة بداخلي ماكدر اطلعها من داشوفة هوة وديركب السيارة حسيت كلشي بية صار ويا كلشي بية ديصرخ باسمة وهوة هم جان ديباوعلي بنظرة محد افتهمهة غيري جانت نظرة عتب وشوك وحسرة نظرتة حرگت قلبي تمنيت اطمنة واكلة انو رح اصلح كلشي صار ورة ميرجع بس مكدرت لان الكل جان موجود ومن تحركت السيارة جبيت مي ورا ودموعي نزلت بس محد انتبه عليهم غيرة....

محمد**اجة يوم السفر وجان لازم اروح بس كل بالي جان يم قمر خايف عليهة وادري بروحي مرح اتحمل فراكهة بس شسوي شغلي جان مقيدني واضطريت اروح بس من داصعد للسيارة ضليت اباوعلهة بنظرة عتب تمنيت لو مسوت كل الي سوتة وخفت لاماكدر ارجع مرة لخ واشوفهة نظراتي الهة جانت مو مجرد نظرة وبس باوعتلهة وكأنما دارسم صورتهة ابالي داحاول اشبع عيني من شوفتهة بس شسوي احبهة وماشبع منهة للموت صعدت للسيارة وضلت عيني عليهة هية ودتجب المي ورة السيارة حتة ارجع وماغيب وشفت دموعها بدت تنزل وعصرني قلبي بهل لحظة متتوقعون شكد صعب الم الفراق خصوصا من اشخاص نعتبرهم كلشي بحياتنة!

قمر**ورة مسافر محمد الدنية صارت ظلمة ومحد هون علية هل ايام غير شهد جانت دائما بصفي وتحاول تضحكني وتطلعني من الحزن الشي الوحيد الي جان يفرحني من يخابر العائلة ويطمنهم عليه جنت افرح كلش علة الرغم جان يخابرهم الهم مو الي بس مجرد انو هوة بخير اني افرح.....
مرت ايام واسابيع وجنت اكثر اغنية اسمعها مال(علة المحبوب ودوني لحسام الرسام:علة المحبوب ودوني علة المحبوب ياناس حبيبي وغيبتة طالت وانا المشتاك ياناس)اسمعها وكل كلمة جانت تعبر عن احساسي وخصوصا من يكول(عليك الناس تسألني حبيبك وين ماوين جوابي دمعة بعيوني واكلهم ساكن العين)شكد احب هل اغنية لان من صدك تعبر عني وعن شوگي لمحمد،،،،خلصت المدة وقرب وكت رجعتة وجنت اكثر شخص فرحان لان ضليت اعد ايام رجعتة يوم يوم واخيرا بقة يوم واحد ويرجع واني كل هلفترة جنت دافكر شلون اوضحلة كل الي صار.....
طبعا هذة اخر يوم جان عبالك اطول يوم اريد بس يخلص الوكت ويجي بس احس الساعة وكفت مدتمشي وضليت حتة نومة معرفت انام بس اخيرا صار الصبح وندكت الباب وجنت اول من دينتظر يشوفة.....

محمد**من يوم ماسافرت واني كل تفكيري بقمر شدتسوي وشصار وياها حاولت هواية الهي روحي بلشغل بس مكدرت صورتهة هية ودتبجي ودتذب المي من تحركت السيارة وداروح مفارقت بالي وكلما اتذكر هلمنظر ينعصر قلبي وضليت اعد الايام شوطت تخلص وارجع للبيت واملي عيني بشوفتهة وفعلا خلصت المدة وصار وكت العودة تحضرت وتكشخت حتة تشوفني بشكل حلو ورة كل هلمدة واول مدكيت الباب طلعت قمر بوجهي وحضنتني...