اين...طفولتي؟

النهاية❤

قمر**حسيت سيوف وفاتت بسعادتي سيوف وذبحت قلبي وروحي وكلشي بية وتاكدت انو الحزن جان لابد انو يرجع وجنت بس اريد استوعب حجيهة ومر علية شريط ذكرياتي من يوم عيد ميلادي ال١٣ولحد هل لحظة تذكرت شلون اغتصبني وشلون تعذبت من ورا وتذكرت شلون حبيت محمد وشلون ابتعدت عنة وبعدين رجعتلة وتذكرت انو علي جان ديباوع لنور نفس النظرات الي جان يباوعلي بيهة بس متوقعت توصل بي النذالة انو يضحك علة اختي ويريد يتزوجهة!!!!

بدون ماحس طلعت الكلمات مني وهاي الكلمات هية الدمرت كلشي!!!!

قمر:علي الي اغتصبني!!!!!!!!!!!

ماعرف شلون طلعت مني هاي الكلمة والكل توجهت انظارة علية ورادو ياكلوني بعيونهم اكل ومادري شلون بدة العياط والصياح والاسئلة الي جتني من كل مكان وشهد حضنتني وصاحت انتظرو خل نفتهم منهة وباوعتلي بنظرة رجاء انو ماحجي شي لان انذبح بس اني بهل لحظة خلص اريد احرر نفسي من السجن الي اني بي اريد علي يتعذب اريد الكل يتقبلني مثل مااني وماحس روحي مسوية شي غلط وهم ياريت لو صدك اني الي مسويتة موشي مجبورة عليه حجيت بكل صراحة....

وكلت:اي علي اغتصبني من جان عمري ١٣سنة بيوم عيدميلادي وانتو كلكم رحتو وعفتوني افتح الهداية ومحد حس بلعذاب الي صار بية محد حس بلنار الجانت تشتعل بية كل يوم وانتي ياامي الي مفكرتي بنتي شبيهة وليش تغيرت وشديصير وياها معلمتيني يعني شنو بنية ينخذ منهة شي غصب وابوية الي ملتهي باشغالة ميسأل لو يفكر بناتة شونهم لو شديصير وياهم وانت ياعلي يلي دمرتني ودمرت كل حياتي بسببك اني ضليت سنين اتعذب ومحرومة من كل كلشي ماكدر احب وماكدر انحب ماكدر اتزوج وحتة طفولتي البريئة اخذتهة مني بسبب وساختك وقذارتك واني ساكتة هلسنين كلهة ماكدر احجي شي بسبب تهديداتك الي حسبي الله ونعم الوكيل بيك.....

الكل مصدومين من حجيي ومن كل الي كلتة واني مصدومة من جرأتي بلحجي وحسيت روحي غلطت لان حجيت لان اكيد محد رح يرحمني بس رفعت راسي ودعيت بقلبي...

وكلت:اللهم لااسألك رد القضاء وانما اسألك اللطف فيه....

شهد حضنتني وتبجي وابوية وعمامي لزمو علي رادو يذبحو وسألو هلحجي صح لو غلط...

علي:كلة غلط وابدال متلزموني شوفو بتكم ويامن زنت وجاية دتشمر غلطتهة علية!!!!!!

انفتحت كل عيني مداصدك الي داسمعة....

قمر:لك انت شنوووووو!!!!!شهل جذب هذة فوك كلشي تنكر السويتة بية!!!!!

علي:روحي لج حيوانة شوفي منو لاعب بيج وجاية تشمرين علية اني مالفي كحاب امثالج.....

تجمعت الدموع بعيني وغصة بصدري...

وكتلة:لك انت..!!!

مخلوني اكمل لان كلهم حولو علية ولزموني دك كتل وضرب جسمي تملخ من الضرب مضل بية ولا مكان سليم كلة ضربو وكل ضربة منهم تذكرني بلسوا علي بية اصلا ماكو فرق كلهم نفس الشي...بس!!!محمد محمد وين من الي ديصير؟؟؟؟
بلكوة كدرت ارفع راسي واباوع وينة رغم جنت داتكسر من الضرب بس استجمعت قوتي ورفعت راسي دادور عليه لكيتة واكف صافن علية دموع تنزل من عيونة وحقد وكره ونظرة صدمة وعدم تصديق للي ديصير!!!!