ضلينة لليل وصار وكت العشة ف اخذني لمطعم كلش حلو بس مابي احد اظاهر جان حاجز المطعم بس النة وطبعا الجو ما اوصفلكم الورد والعازف الي يعزف علكمان جان مكان يجنن وراها عفت كلشي وراية وصفنت بعيونة السود الناعسة وبدون ماحس كتلة.....
احبك!!!!!!!!
ورة مطلعت مني هاي الحجاية ماعرف شلون هوة نصدم وانب نصدمت من الحجيتة معقولة كدرت اكولهة؟؟زين خاف يكول علية ممرباية او مصدكت؟؟؟خفت حيل ورة مكلت هاي الحجاية بس بنفس الوكت فرحت لان حسيت جبل ونزاح من علة قلبي اما هوة فماحجيلكم الصدمة والفرحة الي نرسمت علة وجهة...
محمد**ثاني يوم ورة ماكتلهة احبج قررت انو لعتذر الهة وفعلا اول مجتي اعتذرت منهة وهية كالت عادي بلعكس من كالت بلعكس حسيت انو هية متقبلة الحجاية ويجوز تبادر نفس الاحساس زين اذا تبادر نفس الاحساس ليش ماحجت؟؟؟
وراها فكرت انو اخذهة ونطلع حتة هم هية تغير جو وكتهة كلة دراسة واكيد تعبت وحتة هم اطلع وياها وحدنة واكون قريب منهة واني طبعا حالف ماتقربلهة غير بلحلال لان حرام علية ممكن بعدين تطلع ابنتي واني ماريد اسوي شي ويجوز تصير ظروف تمنعني استمر وياها وانوبة تدمر نفسيتهة واني كلشي ولا اشوفهة متأذية،،،،المهم طلعنة اني وياها وحجزتلهة علعشة مطعم مال صديقي وكعدنة جانت اجواء رومانسية وحلوة وطول الوكت حسيتهة فرحانة وهذة الشي سعدني بشكل مينوصف الائن كالت احبك!!!!!!
هنا الفرحة كامت تقرة الف لان واخيرا تاكدت من شكوكي انو هية تحبني،،،،اني اعترف اول شي نصدمت وشفتهة هية هم نصدمت بس صراحة جانت لحظة متنوصف من كمية السعادة تمنيت تعيد هاي الكلمة ولو مرة بعد بس حتة يبرد قلبي اكثر بس هية نفسهة جانت بحالة صدمة من الكالتة،،،اني هم محجيت شي بس ابتسمت ومن هليوم زاد تعلقنة ابعض اكثر من قبل بكووومة بس كل فرحة وجان الهة نهاية غير متوقعة💔
قمر**طبعا ورة مكتلة احبك وهاي المشاعر الصارت بداخلي الماعرف شنية ابتسم ابتسامة عمري مرح انساها احسهة لطشت ابالي وبقلبي هلكد ما ابتسامة تطير العقل وصرنة حيل مقربين من بعض....
بس يوم من الايام لاحظت شي غريب،،،،لاحظت نظرات علي اتجاه اختي نور!!!!!
جانت نفس نظراتة الجايفة من جان يباوعلي قبل!!!!
هنا انتفضت من مكاني واختلط ابالي الافكار وتذكرت انو اني ميحقلي احب لو اتزوج لان فاقدة عذريتي وميحقلي استمر وية محمد وبنفس الوكت لازم احمي نور من بشاعة علي حتة ميصيرلهة الي صار بية!!!!زين هسة اني مين ابدي شلون ابعد محمد عني ورة معترفتلة بحبي وشلون احمي نور من شر علي؟؟؟؟؟
رحت حبست روحي بغرفتي وافكار تجيبني وافكار توديني هلكت من كثر التفكير جنت رح اتخبل الائن تذكرت انو محد يكدر يحل هاي السالفة غير شهد
لان هية الوحيدة الي تسمعني والي تكدر تحل هاي المشاكل الي وكعت فوك راسي،،،صحيح اني متاكدت اذا علي مسوي لنور شي لو لا بس نظراتة جانت مبينة انو ناوي يسوي بيهة شي مثل السوا بية فقررت احجي لشهد كلشي....حجيتلهة كلشي
وكالت:نور معليج اني اكدر احميهة ومحمد اكيد من يعرف رح يسامحج.
قمر:مستحيل يسامحني واصلا مستحيل يصدكني صح هوة يحبني بس مو معنا يتقبل انو يحب او يتزوج وحدة مو عذراء(جنت داحجي وكل حجاية عصرت بقلبي عصر)
شهد:تردين اني احجيلة؟؟؟
قمر:لااااا شهد لااا لخاطري لتحجين شي والله يذبحوني اذا وصل هيج خبر(احجي ودموعي تصب)
شهد:خلص خلص لتبجين والله ماحجي❤
قمر**طمنتني شهد وكالت مرح تحجي شي بس ضليت بحيرة ومكدرت انام والتفكير هلكني بس بعد وكت طويل وتفكير طويل قررت انو اعوف محمد.....
هلو حبايبي🌷
اتمنة يكون هلبارت عجبكم💛
كتبولي توقعاتكم للبارتات الجاية😘
أنت تقرأ
اين...طفولتي؟
Romantizmطفلة لاتزال تحلم وتسرح بخيالها الواسع وتتمنى ان تعيش كباقي الاطفال....ولكن! كان للقدر منحنى اخر حينما اغتصبت في طفولتها فضاع شرفها وضاعت طفولتها واستفاقت من خيالها البريء الى واقعها المظلم? فماذا سيكون حاضرها وكيف سينتهي بها المطاف......
