قمر**من شفت محمد طلع والكل بدو يباركولي علة غلطتي الجبيرة تمنيت روحي تطلع من جسمي وتوكفة وتكلة هية تحبة ومتحب غيرة ولا احمد ولاغيرة يكدر ينسيهة حبهم وضليت لليل سهرانة بلحديقة الائن حسيت احد جر ايدي قوي ودفعني بمكان مابي احد.....
قمر:محمددد!!!!!شجابك هنا بهل وكت متخاف لا احد يشوفنة؟؟
محمد:احد مثل حبيب كلبج مثلا؟؟؟
قمر:انت شدتكول؟؟؟
محمد:اكول الي اكولة وجيت هسة داريد افتهم منج كلللشي كلشي هسة تحجين...
قمر:شحجي؟
محمد:انتي مغصوبة علزواج من احمد؟؟؟
قمر**هنا معرفت شحجي حسيت نسيت كل الحجي وكل الحروف مكدرت احجي شي...
محمد:جاوبي مغصوبة علزواج من احمد؟؟؟
قمر:لا(كلتهة ابرود حتة ماحسسة بلنار البقلبي)
محمد:انتي تحبيني؟؟؟؟
قمر**هنا من صدك صاعقة ضربتني وتبخر الكلام تمنيت وردت اكلة اعشقك واموت عليك مو بس احبك بس مردت اخرب الي بديتة وغمضت عيني وعصرت قلبي واستجمعت كل قوتي....
وكتلة:لا!!!!
محمد**من سالتهة تحبيني وكالت لا!!!
ايدي الجانت لازمة ايدهة عصرت علة ايدهة قوي ورادت تخلعها وتركتهة بس ورة مكالت:اتركني!!!
تركتهة واني شايل بقلبي حقد وكره اتجاهة محد يكدر يعرفة كرهتهة لان داست علية وعلة مشاعري وضحكت علية ولا اراديا طلع الحجي من عندي...
محمد:حتركج بس تدرين ليش؟؟
لان انتي وحدة رخيصة كل يومية وية واحد امثالج ميرهملهم الحب الحقيقي واني اسف لان گلبي حبج عبالة انتي وحدة نقية وبريئة بس متوقعت ابد تطلعين بهل خبث والحقارة مستحيل تتوقعين كمية الكره الشلتهة بگلبي عليج واحلف بحق كلشي انخلق لاارويج الوجه الثاني ولاادوس عليج وعلة گلبج مثل مادستي علية وعلة گلبي وميصير اسمي محمد اذا مااشربج من نفس الكاس الشربتيني من عندة...
قمر**كل حجاية حجاها محمد نهتني ودمرتني وخلقت بية الم حتة اكثر من الالم الصار بية بسبب علي تمنيت بس يحس بلي ديصير بية تمنيت بس يرحم بحالي يعني فوك قهري هيج يصير مصدكت شخص احبة ويحبني انوبة حتة هلشخص انگلب ضدي بس هوة هم حقة اني اذيتة بس والله مردت يتزوجني وينخدع بية ويتورط لو يتندم فديوم لان تزوج وحدة مو عذراء ومستحيل يصدك علي الي سوة هيج غصب عني واذا صدك ف احتمال يقتل علي واذا قتل علي يفوت السجن وتدمر حيلتة بسببي واني عندي اموت ولااشوفة يتعذب صح هسة هم ديتعذب بس شي احسن من شي....
ورة الي صار رحت لشهد حجيتلهة كلشي بلتفصيل احجي ودموعي تصب وبلكوة يطلع مني الحجي وهية تحاول تهديني وضليت علة هلحال لحد الصبح بس الصبح صار شي مستحيل اتوقعة،،،،
محمد**ورة محجيت هلحجي لقمر كلشي بية مات مشاعري وقلبي وروحي حسيت روحي عايش مثل الجثة حياتي مالهة فائدة وضليت افكر بلحجي الي حجيتة الهة ومن ضمنة تهديدي انو رح اعذبهة مثل ماعذبتني وقررت بعد تفكير طويل انو اخطب غدير اخت علي.......
شنو رأيكم بهذة البارت؟🌷
اتمنة يكون عجبكم❤
واعتذر عن التأخير بس جان اكو عطل بل انترنيت💛
اكتبولي توقعاتكم للبارتات الجاية😘
أنت تقرأ
اين...طفولتي؟
Romanceطفلة لاتزال تحلم وتسرح بخيالها الواسع وتتمنى ان تعيش كباقي الاطفال....ولكن! كان للقدر منحنى اخر حينما اغتصبت في طفولتها فضاع شرفها وضاعت طفولتها واستفاقت من خيالها البريء الى واقعها المظلم? فماذا سيكون حاضرها وكيف سينتهي بها المطاف......
