اين...طفولتي؟

حب حياتي

ابد متجرأت اعترفلة او اعرف مشاعرة اتجاهي شنو جنت دائما اعتبرهة مجرد قرابة او صداقة بين ولد العم خصوصا الفرق بيناتنة ٩سنين يعني مو قليل ابد بس بيوم جنة دنقرة مثل كل يوم وجنت دااكتب بلدفتر شلت راسي لكيتة صافن بوجهي ونصدمت من كلي......

محمد**اهلا وسهلا بيكم اني محمد ابن عم قمر اعتذر لان معرفت روحي من بداية الرواية بس هسة يلة بدة دوري بقصة قمر اول شي رح اوصفلكم شكلي وانتوا تخيلوا اني طولي ١٨٨ واعتبر بلنسبة لقمر نخلة لان هية ١٥٨ هههه قزومتي احب اكللهة قزومتي لان تضوج منهة😁 نرجع لموضوعنة واني اسمر شعري اسود كثيف(كفشة)جسمي متناسق لاضعيف ولاسمين عندي عضلات بس بصورة رجولية متناسقة يعني مو عضلات اوفر وخشمي جبير وعيوني من نوع العيون الناعسة ولونهة اسود وشفتي متوسطة ولحيتي خفيفة نوعا ما هسة رح احجيلكم علة قصتي وية قمر،،،اني وقمر جنة ابد ممقربين بس جنت دائما احسهة حزينة او مهمومة ومن بديت ادرسهة حسيت نفسيتهة تغيرت صح هية سادس والمفروض تدك وتلطم بس احسهة جانت متتعاجز ابد بلدراسة وشي ورة شي بديت احس اكو شغلة دتجذبني الهة كمت لااراديا اصفن بشخصيتهة وطفولتهة طبعا الشكل ابد ميهمني ولو هية ماقاصرة تجنن❤بس اني اليهمني اكثر هوة شخصيتهة وقلبهة وصلت لمرحلة مكمت اتخيل الدقيقة بدونهة بس اريد اشوفهة بس اريد المحها حتلو من بعيد وجنت احسهة حيل فرحانة من تكون وياية واني اعترف جنت اطير من الفرح من اكون وياها تلقائيا احس براحة،،،الائن فديوم اني ودادرسهة هية جانت دتحل بلدفتر واني صافن بيهة وهاي رفعت راسهة دتشوفني وبس شفت عيونهة الملونة تلقائيا وبدون ماحس كتلهة احبج!!!!!!

قمر**من كال هاي الحجاية حسيت قلبي كام يرقص ودكات قلبي يمكن جانت واصلة لراس الشارع هلكد ماقلبي كام يدك قوي وبسرعة فرحت فرحة بحياتي كلهة معشت بهيج فرحة جسمي كام يرجف وعيوني رادت تطلع من مكانهة لان سمعت الكلمة الي مستحيل جنت اتوقع فديوم يكولهة والي جنت اتمنة من كل قلبي انو اسمعها من عندة واخيرا كالها طبعا صرت حمرة طماطة ويمكن ابتسامتي فضحتني مو يمكن وانما اكيد وركضت رئسا لغرفتي واني طاااايرة من الفرح وشغلت اغنية (اخيرا كالها مال احمد المصلاوي:اخيرا كالها كال احبك كالها)وكمت اركص وياها والفرحة مسايعتني....

محمد**ورة مكلتلهة احبج باوعت بعيونهة شفت الصدمة والخجل وشي لاخ مكدرت افتهمة بس اشبه بنظرة حب معقولة تحبني؟؟؟زين هية مردت اذا نحبني لو لا زين اني شلون هيج اكول وهية بت عمي خاف بعد متثق بية واني ماريد اكسرهة ابد لان احبهة من صدك وهسة يلة كدرت افسر احساسي اتجاها شنو احسن شي انتظر منا لباجر ومن يجي وكت الدرس اعتذر منهة اذا هلحجاية ضايقتهة....

قمر**طبعا اول شخص خطر ابالي احجيلة هية شهد لان من صدك احبهة اكثر من بت عم واثق بيهة ثقة عمياء يكفي انو هية الي خلصتني من علي الله ينتقم منة ورحت كلت لشهد وشهد فرحت يمكن حتة اكثر مني لان مصدكت انو اخيرا اكو احد رح يسعدني وينسيني الايام السودة العشتهة وبهل يوم ضلينة اني وشهد نركص وسهرنة للصبح او الاصح اني سهرت للصبح لان مغمضتلي عين كلما اتذكر من كال احبج افرح وتطير النومة من عيني[معقول الغرام ميخليني نام يسرئني من حالي ينسيني الايام(اغنية معقول الغرام لنانسي عجرم)]طبعا اجة ثاني يوم وجان رح يبدي الدرس من بدة اول مشفت محمد قلبي كام يركص وسيطرت علة روحي بلكوة والغبي اجة يريد يعتذر مني ميدري اني البارحة منايمة من الفرح....

كتلة:ماكو داعي تعتذر بلعكس(كلتهة بخجل واني منزلة راسي وابتسامة الفرح فضحتني)

طبعا علاقتي بي حيل تغيرت وزاد تعلقنة ابعض وصرنة كلش مقربين محد يكدر بدون اللاخ الائن اجة فديوم وصدمني

كلي: اليوم استراحة ماكو درس(واني حيل نقهرت والدمعة الة شوية وتنزل من عيني)

وراها كال:لتضوجين لان اليوم رح اخذج ونطلع حتة اغديج برة واوديج ب أي مكان انتي تردي لان تعبتي هلفترة من الدراسة ومحتاجة تغيرين جو(هنا مااحجيلكم الفرحة والبسمة المصخمة الفاضحتني بكل وكت)

كتلة:زين شلون اخاف اهلي ميقبلون؟؟

كال:لتخافين اني ستأذنت منهم وهمة وافقوا...

رحت بدلت وطبعا لبست احلة هدوم عندي وتخيلوا رح اطلع ويا ووحدنة ونفتر سوة ماكدر اوصفلكم فرحتي،،،طلعنة سوة وتغدينة وهوة مقصر كلشي اريد جابليا واليقهر من نمشي سوة هوة اطول مني بكومة واني احاول اطول روحي وهوة يضحك علية ويسميني قزومة واني اتخبل من هل اسم من كل عقلي اضوج،،،،ضلينة لليل وصار وكت العشة ف اخذني لمطعم كلش حلو بس مابي احد اظاهر جان حاجز المطعم بس النة وطبعا الجو ما اوصفلكم الورد والعازف الي يعزف علكمان جان مكان يجنن وراها عفت كلشي وراية وصفنت بعيونة السود الناعسة وبدون ماحس كتلة.....

هذة البارت حاولت شكد ما اكدر اسوي طويل اتمنة يعجبكم🥀
واشكر كل الي واكفين وياية وديتفاعلون💜
كتبولي توقعاتكم للبارتات الجاية💛