محمد**ورة محجيت هلحجي لقمر كلشي بية مات مشاعري وقلبي وروحي حسيت روحي عايش مثل الجثة حياتي مالهة فائدة وضليت افكر بلحجي الي حجيتة الهة ومن ضمنة تهديدي انو رح اعذبهة مثل ماعذبتني وقررت بعد تفكير طويل انو اخطب غدير اخت علي.......
وثاني يوم اجتمعت بلعائلة ومن ضمنهم قمر....
وكلت كدام الكل:اليوم جمعتكم حتة اعلن عن طلب زواج من غدير بت عمي!!!!
اول شخص باوعتلة بهل لحظة هو قمر داريد بس اشوف ملامح وجهة شدتعبر وشفت بوجهة كمية الم مشايفة بحياتي بس هية الي رادت توصل الامور لهنا ومثل ماهية كسرتني اني هم كسرتهة ماانكر انو نقهرت علة حالهة بهل لحظة بس اول منقهرت عليهة تذكرت الي سوتة بية وتراجعت عن احساسي....
اما بلنسبة للعائلة الكريمة فطبيعي رحبوا كلهم بلفكرة وغدير الة شوية وتطير من الفرح مثل المشايفة وقرروا انو حيسوون حفلة خطوبة مشتركة اني وغدير وقمر واحمد!!!
قمر**ثاني يوم محمد اجتمع بينة كلنة واني جنت خايفة لايعترف انو اني احبة او هو يحبني او اي شي ممكن يسبب اي مشكلة قلبي جان ممرتاح جنت داحس رح يصير شي موزين بس كل توقعاتي مجانت اكثر من الصدمة الي انصدمتهة من محمد طلب كدام الكل انو يتزوج غدير!!!!!
غدير الي هوة يعرف كلش زين اني شكد اكرهة لان هية مغرورة هية واختهة ومفد يوم لعبوا ويانة بطفولتنة ولا حجوا ويانة كلة علة كد السلام ودائما جنت اسمعها هية وامهة تحجي علية اني واختي وامي لان حيل يكرهونة واني ذكرتلكم السبب بلبداية لان امي مو بت عمهم وعائلتنة ابد مياخذون اغراب كلهم كرايب وولد عم(خيرنة مايروح لغيرنة)
وهوة نفذ وعدة وكسر قلبي وكدام الكل.....
صعدت لغرفتي ركض مردت احد يشوفني متحطمة بس جتي شهد لحكتني وحضنتهة وابجي والوم بحظي الاسود الي مناوي يتعدل ابد💔
محمد**مرت ايام كمت ماشوف قمر الة بلنوادر وطبعا جنت مشتاقلهة بشكل مصاير بس كلما اشتاقلهة اتذكر السوتة بية واتراجع اما بلنسبة لغدير فجانت بلضبط مثل ماتحجي عليهة قمر جانت مغرورة ودمهة ثكيل وتحب تتباهى بنفسهة وتحجي علعالم وقلبهة اسود وحقودة اني جنت ابد مطايقهة بس شسوي بعد ماكدر اتراجع وجان لازم اخطي هلخطوة حتة احسس قمر بلي صار بية....
قمر**مرت ايام هواية احاول ابتعد بيهة عن انظار محمد حتة مااضعف كدامة واضل حابسة دموعي لان اكيد اذا شفتة انتهي والاشتياق دمرني حيل شتاقيتلة وكومة حلمت بي مجان يفارك بالي اما بلنسبة لدراستي فشديت حيلي بيهة وجانت الشي الوحيد الي يلهيني،،،،،بس بيوم من الايام اجاني خبر قهرني بشكل مو طبيعي!!!!
محمد**مثل مكلتلكم قمر مكمت اشوفهة هواية وكمت اهتم بلشغل مال شركات جدي واني استلمت ادارة شركة من الشركات وبديت اكضي كل وكتي بلشغل حتة مارجع وتجلب بية غدير اللزكة وحتة ماشوف قمر وينحرك قلبي من الشوگ بس بيوم من الايام جان لازم اسافر ال لندن مدة ٣شهور علمود الشغل وجنت مضطر ابتعد عن قمر والبيت كل هلفترة......
هلو حبايبي شلونكم😍
شنو رأيكم بهذة البارت؟💛
اكتبولي توقعاتكم للبارتات الجاية🌷
البارت القادم رح يكون اسبوع القادم انشالله اعتذر لان رح يتأخر بس صارتلي ظروف ورح اضطر اغيب اسبوع🥀
انتظروني بلبارتات القادمة😘
أنت تقرأ
اين...طفولتي؟
Romanceطفلة لاتزال تحلم وتسرح بخيالها الواسع وتتمنى ان تعيش كباقي الاطفال....ولكن! كان للقدر منحنى اخر حينما اغتصبت في طفولتها فضاع شرفها وضاعت طفولتها واستفاقت من خيالها البريء الى واقعها المظلم? فماذا سيكون حاضرها وكيف سينتهي بها المطاف......
