حب ❤ بعد عداوة 👊 | (مكتملة )

الجزء الثالث

انا دبا داخل السيارة ديال الخدمة وتنكتب الاستقالة ديالي من الخدمة لي غنقدمها دبا شويا للمدير لي مسكين غيتصطا الا سمعها،هاذي الخطوة الاولى ديال الخطة المهم كنت لابسة كسوة صيفية واسعة شوية بالخضر بارد ودايرة ظفيرة وراداها للقدام وصنيديلة بلا فالبيض ونضيضرات ديال الشمس باش نبركك على خاطري، بلاصيت اللوطو ودخلت لمقر العمل تنحاول نمثل انني فرحانة ولكن بصراحة محطمة من الداخل حقاش الصحافة كانت حلمي وكنت بغا نحقق بزاف دالحوايج ولكن ختي ضيعات كلشي بالتهور ديالها سلمى الكاتبة دالمدير: جميلة مالكي ضارباك الشمس زعما راكي كونجي انا:هههه لواه ضاربني الضو واش المدير مسالي بغيت نشوفو سلمى: ياك لاباس ياكما شي كريدي عوتاني انا: يا لطييف متتقاضايش سربيني راني زربانة قولو بغاتك جميلة سلمى: والله يا ختي لا تحركت تا تقوليلي انا:صبحنا على الله بغيت نقدم استقالتي سلمى بالغوات: شناهوااااا استقالة انا: ويلي ويلي فضحتيني يعطيك مصيبة راني غنخدم مع راجل ختي عييت من هادشي دالصحافة سلمى: ولكن... قاطعها عادل صحفي معايا فالخدمة:اوهوو وانا تنقول مال البيرو منور ساعة جميلة هنا انا: صباح زوين هذا سلمى: هانا نشوفلك المدير واش مسالي انا: شكرا حبيبة عادل: مسخيتيش بالخدمة ولا انا: لا غير جيت باش نعرضكوم لعرسي عادل مصدوم: علاش...ف..ق.ااش تخطبتي؟ انا: البارح وراجلي زربان على العرس قلت نجي نعرض صحابي وحبابي عادل: الله اكمل بالخير خرج عادل وبقا فيا صراحة هو ولد الناس وعيا ميلمح ليا للزواج ولكن تيجيني تقيل على قلبي