حب ❤ بعد عداوة 👊 | (مكتملة )

الجزء السادس عشر

عييت من الكدوب والدخول والخروج فالهدرة قررت نقول الصراحة انا: شوف اسي نجيم انا كنت تنقلب على ختي نجيم: هههههه تضحكي عليا واش تنبان ليك ولد صفير تنرضع صبعي انا بغضب: متنضحكش معاك تنقلب على ختي كاينة عندك هنا ومغنمشي تا نلقاها نجيم شدني من دراعي بالجهد: متعاوديش تغوتي عليا هاذي الأولى والثانية راه معنديش هناياملجأ باش تقلبي على ختك فهمتي انا بقيت ساكتة والناس بداو تيمشيو فحالهوم ونجيم بدا تيودعهوم مشيت نخرج تا انا وجا عندي: معندك فين تمشي تا نتفاهمو دخلنا للصالون انا: نتا متتسواش متيهمك تا واحد تيهمك غير راسك وسعادتك وخا تكون على حساب الناس دبا بلا هدرة بلا جوج قولي فين سامية نجيم: اوووبااا نتي خت سامية الصحفية كاع مقلتيلي راك صحفية؟؟ هادشي كامل خطة باش دخلي لداري وتعرفي اسراري انا: لاباس لي فهمتي ودبا غتقول فين سامية مزال مكملت هدرتي تا حسيت بتصرفيقة فوجهي شفت الجنون تيشطحو ومبقيت عاقلة على والو نجيم: شفتها طاحت وتخلعت حطيتها فواحد البيت وصيفت الشيفور اجيب الطبيب حيت باين مريضة بشيحاجة ميمكنش تسخفها تصرفيقة معرفتش علاش ضربتها ولكن حسيت بالغدر حيت كنت عوال من بعد الحفلة نصارحها بشعوري وموجد ليها مفاجأة ولكن تصدمت بانها العدوة لي تنقلب عليها شحال هاذي، الطبيب: سي نجيم السيدة عندها فقر الدم ومعطياش الراحة لراسها نجيم: وشنو المعمول؟ الطبيب ترتاح شويا وتاخد الدوا ديالها وكلشي غيكون بخير نجيم: اوك شكرا دكتور مشيت لبيتي تنفكر فهاد الحريرة عارفكم مفهمتوش مالي ولكن غنعاود ليكوم سامية تتهددني بختها الصحفية لي غتكتب كتاب على حياتي وغتشوهني وشحال هاذي وانا نقلب عليها ونهار نبض قلبي وحب لأول مرة تصدمت بانه بغا العدوة ديالي اش هاد الزهر عندي خاصني نساها ونتغدا بيها قبل متعشا بيا تنواعدك اجميلة هذاك الحب ديالي ليك غيتحول لعداوة وغدي ندمك تخبيتي ورا داك الوجه الملائكي ديالك وقدرتي تخدعيني غدي تندمي هز واحد الفاز كان حداه ضريو مع الحيط تا تشتت وطفا ضو