حب ❤ بعد عداوة 👊 | (مكتملة )

الجزء العشرون

فقت الصباح بكري دوشت لبست دجين وتيشرط صفرا نازلا من الكتف شعري خليتو مطلوق وسبادري وشويا مكياج راني توحشتو المهم جيت زوينة هزيت الفلوس فالصاك وخرجت لقيت الطاكسي تتسناني ركبت انا: ديني لأقرب صيدلية نطالق عند نجيم: كنت تندير سبور دالصباح تا بانت لي جميلة هابطة ولابسة داكشي مزير وشعرها مطلوق جهلت صافي مجيت نوصل عندا تا ركبات فطاكسي  طلعت بالزربة جبت ساروت اللوطو وبغيت نتبعها اكيد غتكون بغات تنفد خطتها، نسيت مقلت ليكوم البارح ختها صيفطاتلي كادو ديال عبد ميلاد قالك وكتباتلي رسالة صدماتني قالت فيها بلي جميلة لقات عليا شي حاجة خطيرة وغدي تنشرها فاقرب وقت وانا متأكد دبا راها غاديا تنفذ خطتها وغندمها على النهار لي شافتني فيه فهاد الوقت كنت تابع الطاكسي شفتها وقفات حدا واحد الفرمسيان ودخلات نرجعو عند جميلة السائق : ماحنا وصلنا انا: انا شكرا هاني ندخل دغيا ونرجع تسناني عفاك السائق : الالة درت معاك نوصلك مقلتش ليك غنرجعك انا: شناهوااا وشكون غيرجعني انا السائق : دبري راسك مشا وخلاني الله ياخد فيه الحق دخلت للصيدلية انا: سلام ختي انا عندي فقر الدم ومخديتش الدوا هاذي يوماين البنت: راه صحتك غادي تدهور الا تتقطعي الدوا المهم غنعطيك الدوا لي تتاخدي ونزيدك عليه شي مقويات انا: وخا شكرا خديت الدوا وخرجت نقلب شكون يرجعني ياربي اش هاذ المصيبة فاش طحت عاوتاني نرجعو عند نجيم: شفتها خارجة وهزا شي دوايات تخلعت عليها عنداها تكون مريضة ولا ضارها شي حاجة مكرهتش نمشي نعنقها ونقول لهاذوك لي تيشوفو فيها وتيتغزلو بيها هاذي راها ديالي انا ولكن دغيا تفكرت بلي راها تتخطط لنهايتي وباغا تشوه سمعتي وكرهتها بقيت تابعها وبان ليا راها غير تالفة ومعارفة فين تمشي نزلت ومشيت جيهتها نرجعو لجميلة: كنت تندور ومعرفت فين نمشي شويا حسيت شي واحد جرني من دراعي غوت وطاح الدوا من يدي لقيتو نجيم انا: واش نتا غتبقا غير تخلع فيا نجيم وهو تيجمع الدواا لي طايح: معندي منديرلك نتي ب على سبة وأي حاجة تتخلعك انا: ديك الطريقة باش تتجرني تخلي اي واحد يتخلع

يالله لايك لكل الأجزاء نلقى التفاعل غنكمل ليكم اليوم