حب ❤ بعد عداوة 👊 | (مكتملة )

الجزء السابع عشر

انا: فقت الصباح لقيت راسي ناعسة فواحد البيت 😨 ويلي اش تندير ياكما دارلي شي حاجة ولد الحرام بدا الدقان فالباب نقزت من بلاصتي حليتو وغوت: اشنو درتيلي 🙊 بقات الخدامة حالة فيا فمها هاكي قالك سي نجيم هادو لبسيهوم واجي تفطري انا: وخا شكرا سديت الباب وحليت دوك الحوايج لقيت كلون كحل وشوميز زرقا طويلة تال الركبة تفو محاملاش نشوف كمارتو ولكن الجوع قاتلني ضروري نمشي دخلت طرفت معنديش مكياج 😢 مشطت شعري ودرت شفنجة ولبست دوك الحوايج تفكرت تلفوني ويلي بقا عندو خرجت من البيت بقيت غادية تا خرجت للجردة بان لي جالس فواحد الطبلة ولابس سبور جاي غزال حركت راسي باش اطيحو دوك الافكار دالسفالة قربت لحدا الطبلة وحس بيا دار عندي نجيم: الحوايج جاوك مبيهومش وخا القميجة واسعة شويا انا: عذبتك معايا ولكن علاش حابسني هنا نجيم: هههه انا محابسكش نتي حبستي راسك مجوبتوش وجلست بديت نخشي فوجهي فحين هو تيشرب قهوتو وممسوقليش نجيم: علاش مقلتيش بانك صحفية انا: مجبتهاش الوجيبة نجيم : ماشي مجبتهاش الوجيبة وإنما هاذيك هي خدمتكوم ديما مخبعين وتتنبشو خصوصيات الناس انا: تيبان ليا عندك عداوة مع الصحفيين نجيم: ماشي معاهوم كاملين وإنما مع شي وحدين تيفتقرو أخلاق المهنة انا: مدام هاذشي كامل علاش ديما متصدر الجرائد وديما تدير لقاءات صحفية نجيم: تنديرهوم حيت مجبر نديرهوم حسيت بهدرتو فيها المعاني ولكن ستغليت الموقف وسولتو: خلينا من هادشي كامل فين سامية؟ نجيم: هههه هذيك راه ختك وانا لي خصني نسولك فينها انا: قلت ليك راني تنقلب عليها والبارح تخايلي بلي شفتك تتهدر معاها نجيم: واش ديما تتخايلي بزاف؟ البارح تخايلك سمعتي شي حاجة وتخايلك شفتي ختك هههه انا : بوجه بريئ كانت مبدلة ومقدرتش نتاكد نجيم : المرة الجاية تأكدي حقة نتي وياها كاع متتشابهو لي شافكوم ميقولش خواتات مشا وخلاني حشمانة تبعتو بالجرا عفاك بغيت تلفوني باش نمشي نجيم: واش دخول الحمام بحال خروجو معندك فين تمشي وجدي راسك دبا شويا خارجين