حب ❤ بعد عداوة 👊 | (مكتملة )

الجزء السادسة و عشرون

عند جميلة: فقت الصباح على دقان فالباب حليت الباب لقيتها سامية عنقاتني وبدات تتبكي عاوداتلي نفس الهدرة لي قالي نجيم بقينا تنبكيو بجوج قالت لي بلي كتاشفات انها تتبغي سعد وغير كانت ظالماه طلبات مني نعتاذر من نجيم حيت مقدراتش تهدر معاه هزات تلفونها وصونات على سعد طلبات منو السماحة خرجت انا وخليتهوم اهدرو على راحتهم هبطت  وشفت نجيم تيركب طنوبيلتو مشيت عندو بالجرا حسيت بالخوف مغنعاودش نشوفو عيطت عليه انا: نجييم بغيتي تمشي بلاما  توادع معانا؟ ولا على الاقل معايا انا ؟؟ نجيم تيهدر حادر راسو: عييت نتسنا حسابلي مشيوتو انا: هدرت مع سامية وقالتلي بلي كان داكشي تهور منها وحيت سعد كان ملهي مع الخدمة بزاف حسات أنه هاملها وكنتي نتا تتعاملها مزيان داكشي لاش لصقات فيك وهي دبا ندمانة وطالبة منك السماحة نجيم: انا مسامحها حيت ديما معتبرها اختي ومرات صاحبي انا: شكرا سمحلي تا  انا كنت ظالماك وصدق قلبك كبير 😔 نجيم: ماشي مشكل المهم حوايجك وتلفونك غنصيفطهوم ليك مع الشيفور انا: شكرا صافحني ومشا فحالو حسيت بحال شي خنجر تغرز فقلبي علاش ولا تيعاملني ببرود وخا رافضة تكون بينا علاقة ولكن منقدرش نتحمل هاذ التعامل منو حسيت بالدموع تينزلو من عيني وطلعت عند سامية