حب ❤ بعد عداوة 👊 | (مكتملة )

الجزء الخامس عشر

خليتو تلها مع الناس ومشيت عند الخدامة انا: عفاك اختي بغيت طواليط بلا هاذي لي لتحت حيت عامرة ومقدراش نصبر الخدامة: طلعي الالة الفوق على يديك ليسر انا: وخا شكرا مشيت طلعت بالزربة لقيت بزاف ديال البيوت حليت واحد البيت الأول لقيتو بيرو طليت لقيتو خاوي ستمريت فالتقلاب نمشيو عند نجيم: بقيت نقلب على جميلة ملقيتهاش واقيلا معجباتهاش الحفلة ومشات سولت عليها الحرس والو دخلت الدار الخدامة قالتلي راها فالطواليط عاد رجعت فيا روح مبغيتهاش تمشي تا نهدر معاها طلعت الفوق نجيب شي حاجة لقيت بيتي محلول تخلعت كنت متأكد شي واحد من أعدائي بغا اهز شي حاجة دخلت بشويا بان ليا خيال شي واحد شديتو من دراعو بالجهد جميلة: واااع نجيم شعل الضو: جميلة شنو تديري هنا انا: ..ا..ااوالو ك..كنت دايزة وسمعت شي حاجة هنا ودخلت نشوف نجيم: شنو سمعتي انا: ااح راه ضريتني فيدي معرفتش شنو سمعت سمحلي نجيم بغضب تقدري تهبطي للتحت مشيت لحدا الناس وقلبي تيزدح والمشكل الكبير هو انني ملقيت و دليل تيبين ان ختي كاينة فالدار ولا تا دازت فيها غيكون تيطلاقاها فشي بلاصة سرية نجيم: لالة جميلة باقي تنتسنا جواب مقنع شنو كنتي تديري فبيتي انا: كيما قلت ليك تخايلت بحالي سمعت شي حاجة نجيم: ميمكنش وحدة فذكاءك تكون تتخايل