حب ❤ بعد عداوة 👊 | (مكتملة )

الجزء السادس

انا بارتباك: سمحيلي كنت ساهية الكاتبة: تفضلي دخلت وكانت اللجنة متكونة من ثلاثة ديال الرجال والحمد لله مكاينش نجيم دخلت كلي ثقة فنفسي بحكم كنت صحفية ودرت بزاف لقاءات ومقابلات هوما لي خصهوم اخافو مني ( تبا لتواضعي) جلست وهوما بقاو حالين فمهوم فيا نطق واحد فيهوم: مسيو نجيم متيهموش الجمال والمشية بقدر متتهمو القدرات والمعارف انا: نتمنا نكون عند حسن ظنكم الثاني وهو تيطالع على السيفي ديالي: تبارك الله عليك السيفي عامر بداو تيسولو وانا تنجاوب حسيت باني عجبتهوم شكروني وخرجت الكاتبة: مدموزيل جميلة الا تقبلتي غنتاصلو بيك هاد العشية يعني غدا مع 9 تكوني هنا ويلا مصونيناش يعني متقبلتيش انا: اوك شكرا خرجت شديت طاكسي للدار طيبت ما ناكل وضربتها بتدويشة وطحت دوودة ضرباتني الفيقة لقيتها 19 ديال العشية والتلفون غيطرطق معيطلي سعد شي 20 مرة ويلي ويلي ويلي وشي 2 نمرات معرفتهم وحدة فيكس وخرا بورطابل غيكونو غير الشركة بدون تردد صونيت الفيكس تا واحد مجاوب وعاوت النمرة ديال البورطابل جاوبتني مرا: الو انا: وي الو سمحيلي صونيتو عليا دبا شويا الكاتبة: ههههه مدموزيل جميلة معاك الكاتبة دمسيو نجيم علاش حنا غير صونينا عليك بقالنا غير الدقايقية نجيبوهوم المهم راكي تقبلتي معانا غدا مع 9 تكوني فالشركة انا: وخا شكرا بزاف اختي الكاتبة: هذا واجب قطعت معاها وقلتها لسعد ودخلت لانترنيت نكتاشف الجديد ديال المجلة ديالنا الخبر ديال استقالتي تنظن مبغاوش اكشفوه وهادشي فصالحي نيت بقيت هكاك تا داني النعاس