حب ❤ بعد عداوة 👊 | (مكتملة )

الجزء السابع

فقت الصباح مع 6 وجدت راسي لبست كسيوة بلوغوايال بالكمام وفوق الركبة درت لشعري ظفيرة دايزة من القدام وخليتو مطلوق صباط كحل عالي شويا شربت قهيوة وهزيت صاكي وخرجت شديت طاكسي الطريق كاملة وسعد تيوصيني ويعاود وصلت مع 8.30 لقيت غير شي موظفين قلال طلعت للبلاصة فاش درنا المقابلة لقيت غير بيرو واحد مبقاوش ثلاثة والدنيا تتصفر ستفت الملفات وبقيت جالسة تا جات الكاتبة: صباح الخير جميلة سميتي سناء انا: صباح الخير سناء: وصاني سي نجيم نوريك خدمتك غتكوني المساعدة ديالو اول حاجة خاصك تكوني فالبيرو مع 9 هو تيجي مع 9.30 قادي الملفات والمواعيد ديال الاجتماعات قهوة ديالو وتسناي اوامرو انا: شكرا اختي كوني هانية دخلت للبيرو قلبت دفتر المواعيد دالاجتماعات ديال اليوم سجلتهوم وبقيت جالسة فالكرسي ديالو تنتصور الا عرفني شنو غيدير ليا؟ فهاد الاثناء سمعت الباب تحل ودخل واحد الملاك فين ابانو التصاور لي شفت حسيت بكرشي كاملة تمخضات وقفت مرتبكة وهو لاحظ ارتباكي وقال بابتسامة ماكرة: مالكي شفتي شي جن انا: سمحلي تفزعت وصافي انا جميلة المساعدة الجديدة نجيم: عارف ممحتاجاش تقوليلي جيبيلي القهوة ديالي انا: وخا خرجت تفو على متعجرف لي شافو فوجهو ميقولش عليه متعجرف الله اخليها سلعة سيري يا ختي الله ياخد فيك الحق خليتني نتذل قدام لي يسوا ولي ميسواش سرررر انا: الو سعد: واش دخل انا: اه دبا لي جا سعد: حاولي تعرفي فين ساكنها واش معاه فالدار ولا حطها فشي بلاصة انا: ولكن مزال معطانيش فرصة تا غير نهضر معاه سعد: سمعي الالة انا ماشي سوقي لي عليا درتو وصلتك تال عندو راه عندك شهر وكلما تعطلتي ماشي لصالحك انا: راني عارفة و.. طيط طيط اووف يا سدي ربي اش هادشي فاش راني 😓 هزيت القهوة وديتها دغيا لسيهوم نجيم دقيت الباب مردش عليا عاودت دقيت والو ونا نحل الباب انا: سي نجيم دقيت الباب...و. ها القهوة ديالك ..نجيم: الصمت انا: بالنسبة المواعيد..نجيم: ملي غنبغيك غنعيط عليك. خرجت وسديت الباب وبقا فيا الحال لحقاش حسيت بالإهانة خرجت حدا سناء وقلت نجبد ليها لسانها انا: يا ختي سي نجيم صعيب شويا سناء: وعلاه غير شويا راه بزاااف انا: احسن عوان مراتو سناء: علاه هو مزوج راه تا وحدة مغتقبل عليه انا: ويلي هاد الزين كامل ومتكونش عندو حبيبتو سناء: على ما عارفة معندوش مع الجنس اللطيف انا:هههههه ( لهلا يوريك راه عندو غير مع الجنس المتزوج ) سناء : شنو قلتي انا: والو والو ههه يتبع اراءكم حبيباتي