هلاو حبايب اشلونكم
نكمل ...
بيومها خابرني وكال راح اسافر لتركيا
انصدمت حيل لكن كلت يله بلكي اكدر اقنعه ميروح
😢😢
بس للاسف طلع مكمل كلشي واليوم راح يطلع يله انطاني خبر
وبهذيج اليوم راح سافر وانقطعت اخباره لمدة شهر تععبت حيل خلال هالشهر وجان عندي رقم اخته متزوجه مرتين او ٣ خابرتها وطمنتني كالت الحمدلله هو زين يسلم عليج يكول ديري بالج على نفسج
....
ملك : مر شهر عليه وهو ماكو وجنت ابين نفسي قويه كدام اهلي بس جنت منهاره ومقهوره كلش وجنت اداوم بالشركه كل يوم يمر عليه ملل ونفس الروتين
الى ان ......
محمد : صارلي سنتين واشهر واني علاقتي مستمره ويه ملك حبيتها اهوايه وهي حبتني وجانت علاقتنا كلش حلوه ونحب بعض بجنوون
بحيث اذا ما اسمع صوتها يوم اتخبل
اتخرجنا هي من السادس واني من المعهد
وتعرفون ماكو تعينات ماشاء الله ..
دورت على شغل ماكو بهذيج الفتره جان الوضع الاقتصادي بالنازل وشغل ماكو تعبت نفسيتي
اخويه الاكبر مني قرر يسافر بشغله لمدة اسبوع ويرجع اشو الشغلة كبرت براسي وقررت اسافر وفعلاً سافرت ويه اخويه
وانطيت خبر ل ملك بيوم السفر لان اعرف اذا كلتلها من قبل ما تقبل واني ما اكدر ارفضلها شي لهذا قررت ما اكوللها الى يوم السفر واني كلبي يتقطع عليها لكن مجبور بلكي الكالي شغل اهناك لمصلحتي ولمصلحتها
سافرت وضليت ويه اخويه لمدة اسبوع وبالفعل لكيت شغل مضبوط الحمدلله.
اخويه امن عليه وعلى شغلي ورجع واني ظليت
وماكو اخبار عن حبيبتي مرات احجي ويه اهلي واختي كالتلي عليها مخابرتها اتخبلت والله اعرف بحالها هسه مو هين عليه فراكها بس مجبور 😬
...
محمد : ضليت كل يوم من البيت للشغل والعكس وضايج ومخنوك والغربه صعبه اول مره الي اسافر وابتعد عن اهلي واول مره يمر عليه هالمده وما اسمع صوت ملك بس والله مجبور اعرف نفسي اذا حاجيتها اضعف كدامها وكدام دموعها واني كلبي ينعصر
شسوي مو بيدي ارجع لهناك ماكو لا شغل ولا عمل اريد اشتغل واكون نفسي حتى ما اخسرها
....
بيوم جنت كاعد بالشغل ومهموم وكلشي بيه يذكرني بملك
صاحب الشركه وجال كبير بالعمر وعراقي الاصل لكن صارله سنين عايش اهنا
صاحني
الرجال : محمد تعال اذا ماعندك شي
محمد : تفضل عمي ماعندي شي
الرجال : اشبيك ابني اشوفك دوم مهموم وما تختلط بالشباب وصافن محتاج شي اكدر اساعدك بشي
محمد : لا والله عمي تسلم متقصر بس مشتاك لاهلي
الرجال : سهله هاي فتره وتتعود ان شاء الله واشوكت ما ردت حاجيهم بس خوماكو غير شي
محمد : والله يا عمي ما ادري شكولك اعتبرك بمقام والدي مالي غيرك احجيله
الرجال : خير ابني كول اشعندك ان شاء الله ما اقصر وياك
محمد : والله يا عمي اني احب وحده صارلي سنتين ولو لا الضروف ما ابتعد عنها بس شسوي الحمدلله على كلشي
الرجال : الله كريم يا ابني اصبر ان شاء الله تنحل كلشي وهي اذا تحبك تنتظرك انت جاي تشتغل مجاي تتونس
محمد : اي والله عمي الله كريم اشكرك على سوالك وخوفك عليه اترخص
الرجال : ولو ابني تدلل باي وقت احتاجيتني اني موجود
اخذ راحتك
.....
محمد : وره ما صاحني صاحب الشغل وحجه وياي وحجيتله طلعت من الشغل وكمت اتمشه مشيت واني افكر واحجي ويه روحي يعني مبين عليه التعب هالكد اووف يا ربي صبرني والله مشتاكلها شتسوي هسه والله بالي يمها وصلت يم النهر كعدت بالكاع واحجي ويه روحي ارتاحيت وحبيت. المكان
كل يوم وره الشغل اجي لهنا واحجي ويه ماء النهر ارتاح وارجع مرت شهر على هالحاله واني يوم عن يوم اتعب اكثر ومئة الف فكره تجي ابالي
بيوم تعبت حيل وجنت مشغل اغنيه (حبك بحر ماله حدود) اغنيتنا المفضله وامشي يم النهر
قررت ارجع ما اتحمل بعد شيصير خلي يصير
