حضرت كل وحده بيهن حصة حبيبها وفرحانين ويضحكون
ملك : حضرت حصة حبيبي وغلفته ادك عليه ميجاوب دكيت مره اثنين ٣ ماكو ضل بالي (تعرفون العراقيات من يلحون ميقصرون ) 😂😂😂
دكيت اكثر من ١٠ مرات ماكو قلقت حييل
دنيا : دكيت على حبيبي رفض دكيت عليه مره ثانيه جاوبني كال كاعد ويه محمد من اكمل ادك عليج 😳😳😳😳😳
دنيا : شنو شنو ما سمعت ويا من گاعد
حبيبها : اي اي مثل ما سمعتي كاعد ويه حبيب ملك
دنيا : ليش اشلون منين تعرفون بعض
الولد : بعدين بعدين يله باي : باي
دنيا : ولج ملك تعاي سمعي شوفي اشصااااير
ملك : خير يا ستار شكو اشبيج اتخبلتي
دنيا : ولج ملك محمد ومصطفى كاعدين سوه
ملك : شنو. جذب لا لا ما اصدك اشلووون اكول ميجاوب عليه
دنيا : والله ما اعرف مثل ما كتلج كالي هالكد وسد الخط
......
وره ساعتين بعد المحاولات والاتصالات
ملك : دكيت على محمد من عرفت التقوا عرفت راح يصير شي .... هلو حبيبي هاي وينك ليش متجاوب ضل بالي
محمد : ليش يضل بالج عيني معقوله حبييب الگلب ما انطاج خبر
ملك : 😳😳😳😳 شنو حبيب الگلبب اشبيك ممكن تفهمني
( القصه انو ملك جانت طالعه سفره مدرسيه فد يوم قبل لا تتعرف على محمد وبالسفره تعرفون اكو كادر اتحاد طلبه يكونون مسئولين عن الطلبه فهذا مصطفى جان احد الكوادر جان منعجب ب ملك حاول اهوايه انو ينطي رقم بس ملك رفضت ومانعت بس الولد ما عاف الموضوع وضل وراها واتعرف على صديقاتها المهم بعد مده كدر يحصل على رقمها وحاجاها وهي جاوبته بس ما قبلت طلبه على انو يرتبطون ).
ملك : جنت راجعه من الدوام فد يوم اتغديت وكلت ارتاحلي اشوي اول ما غفيت دك موبايلي
: الووو
.... : الووو مرحبا اشلونج ملوكه
ملك : اهلاً بخير تفضل منو حضرتك
.... : اني واحد معجب بيج اهوايه حاولت وياج اهوايه ومتت ليما حصلت رقمج
ملك :(اصلاً ناسيه موضوع السفره) اخويه ممكن تحجي بلا الغاز واذا عندك شي مهم كول واذا لا اترخص
.... اوكفي ملك رحمه لوالديج والله تعبت ليما حصلت رقمج اسمعيني عالاقل خلينه نتفاهم
ملك : على شنو نتفاهم يا اخي اصلاً ما اعرفك حتى اكو شي اتفاهم عليها وياك
.... اني مصطفى الي شفتج بالسفره المدرسيه الكادر الجان مسؤول عالحافله مالتكم
ملك : اهااا هذا انت !!! منين جبت رقمي وليش تتصل عليه
مصطفى : ملك والله معجب بيج خلينه نتعرف امانه لا ترديني
ملك : شغلة معجب عوفها رجاءاً واذا تريد تتعرف كصديق ماعندي مانع
مصطفى :ماشي عيني صديق صديق موافق شلعتي گلبي
ملك : هههه ماشي متفقين
ووو........
ملك : صرنا اصدقاء وكمنا نحجي واتعرفنا على بعض اكثرر وبما انو دنوش اقرب وحده اليه وتعرف كلشي حجت ويا مرتين ٣ ومرت شهرين
دك موبايلي
......
صوفي : اني مصطفى عمري ٢٢ سنه طالب معهد فنون ابيض طوولي متوسط اضحك اهواي واحب اتشاقه واسولف واتعرفت على ملوكه وصرنا اصدقاء ما انكر بعدني نعجب بيها بس شسوي راسها يابس اصدقاء احس من ما اخسرها
صوفي : هلو ملوكه اشلونج اخبارج شكو ماكو
ملك : تمام الحمدالله انت اشلونك اخبارك الصحه الاحوال وووو
مصطفى : ملوك اريد منج فد شي
ملك . كول اذا اكدر عليه بعيني
صوفي : ملوكه اني اريد تحجيلي ويه دنيا معجب بيها واريدها صاير افكر بيها اهوايه فدوه احجيلي وياها
ملك : شنوووو لا لا ممعقوله بابتسامه
هاي اشوكت اشلون لك صاير تحب من وراي هههه
صوفي : شسوي ديله عفيه حليها وانطيني خبر
ملك : ماشي عيني باي : باي
.....
بعد الحجي والسوالف ماريد اطول عليكم
تسويع احداث ...
ارتبطوا مصطفى ودنيا وجانو فرحانين اهوايه وجنه بين يوم ويوم نسوي مكالمات جماعيه ونحجي ونضحك ونسولف الى يوم اللقاء .......
