.
احبكم
....
بعد المعركه الي صارت كلمن التهى بحياته
ملك سافرت لغير محافظه بالعطله الصيفيه
ومحمد التهى بحياته الي ما الها معنى
ملك .. من يوم الي صار ما حجيت ويه محمد ابد بس كالعاده قطعة اللحم الي يضخ الدم يسموها القلب 😭💔 ما يوم نسى حبه ما يوم قل حبه لمحمد اشتاقله اهوايه اتذكر ايامنا الحلوه اذكر اشلون هيج صرنه وين جنه ووين صرنه تعبت بدونه حيييل مو كلتلك كلشي يهون اتحمل كلشي بس المهم اسمع صوته
مرت عليه ايام خلص ما اتحمل بعد شيصير هلي يصير لازم اسمع صوته خليت كلشي وره ضهري وخابرته لكن 😳!!!
المفاجئه
مخليني عالحظر
ههههه شي غريب والله صار سنتين انتي اتحمل جنونه اتحمل عصبيته وكلامه اتحمل اغطائه
بمجرد انفجرت لمره واحده ما يتحمل ههههه لعد اشلون گلب عندي اني اتحمل كل هذا شنو من بشر اني ادوس على كلشي حتى اسمع اخبارك
انصدمت حييل
خابرته من غير رقم يدك بس رقمي مخلي عالحظر
اوووف يا گلبي اتحمل كل هذا بسببك
شفت الويل بغيابك وشفت ويلين بوجودك
مرت ايام وماكو خبر منه واني ادور بكل مكان عنه
بيوم خابرني واني ما صدگت راساً جاوبته
تعرفون ملك الضعيفه الي ما تكدر تقاوم حبه ما يحتاج اكوللكم
جاوبته وسمعت صوته والدموع بدت تسير على خدي صوته جان متغير جان تعبان
كلبي بده يرجف عليه
ملك : اشبيك حبيبي اشبي صوتك ليش كل هالتعب
محمد : يبجي
ملك : 😳😭 انصدمت معقوله محمد يبجي اشبي ما اسمع لاياً كان حتى لو كنت اني ما اسمع تنزل دموعك لاي سبب احجيلي اشبيك
محمد : ملك كااافي كافي طيبة قلب انتي طيبه حيل ما تستاهلين كل هذا مجرد سمعتي صوتي نسيتي كل شي شنو من بشر انتي وين الكه مثلج اني
ملك : 😭😭😭😭 كافي هسه ماله داعي هالكلام اشبيك انت ليش تعبان اني مابيه شي اني انسى الدنيا بوجودك
محمد : ملك تعبت بدونج ومن اصير وياج اضلمج ما اعرف شسوي ما اعرف ليش هيجي اتصرف سامحيني والله انتي ماكو مثلج بالدنيا كلها
لو مهما اسوي ما اجازيج حقج
انتي تحبيني لدرجه امي ما تحبني هيجي
ملك : اسمع كلامه وتزيد حبي اله وتزل دموعي مثل المطر اي احبه يا ناس
هسه تكولون معقوله نست المجادله الاخيره الي صارت بينهم اي نسيت نسيت كلشي لان حبه اكبر من كلبي الف مره دست على كرامتي وكبريائي ما يهمني شي غير راحت محمد
محمد : ملك حبيبتي سامحيني غلطت بحقج اهوايه ما اكولج خلي ترجع علاقتنا مثل قبل بس خلينا هيجي نحجي ويه بعض بدون ما نحدد علاقه تربطنا لان تصير مشاكل بيناتنا
ملك : كل الي تريده يصير بس انت اهده لا تسوي بنفسك هيجي لا تحرمني من صوتك
محمد : هاي هي راح نكون اصدقاء
ملك : ابجي وكلامه مثل السيف يطعن بكلبي
(سامعه بصداقه تتحول للحب
بس حب دامت سنوات تتحول صداقه مستحيل )
رغم العذاب الي احسه لكن وافقت
اي وافقت على طلبه كلشي يهون بس لا انحرم منه
اعرف اكو من يسخر من كلامي لكن قسماً بالله هذا جان وضعي وكل تصرف جنت اتصرفها بلا وعي
استمرينا على هالحال لفتره
بعد فتره خابرني
محمد . ملوكه حبيبتي ولو مالي وجه بس ممكن اطلب منك طلب
ملك : شنو هالحجي انت تامر
محمد : ملوكه انتي الوحيده الي تتحمليني بكل حالاتي انتي الوحيده الي اشكيلها كل شي
ملك : طبعاً اتحمل كم محمد عندي 😁
محمد : ملوكه حالتي فد مره كاعد بالبيت كلبي راح يطك ما عندي ولا فلس اريد شغل مهما يكون
ملك : تدلل والله احاول بس انت هم حاول تضغط على نفسك كل شغل يرادله تعب
محمد : لا ان شاء الله اكدر
ان شاء الله ...
ملك : تمر الايام عاديه وتقريباً كل يوم احجي ويه محمد بصراحه ما كلت لاحد علمود. الشغل تعبت اكول المن حتى اذا كلت يفشلني كدام الناس ويعوف الشغل اخليها على الله ونذرت علمود التعين مالته واحاول واسال بلكي يتعين
بيوم جنت كاعده دكت عليه سحر
سحر / هلو حبيبتي اشلونج
ملك / هلا بيج حياتي بخير انتي اشلونج مشتاقتلج
سحر / اني الاشوق والله شخبارج طمنيني عنج
ملك / الحمدلله بخير وحجيتلها موضوع محمد
سحر / اوف من محمد اني كلبي نزف من ورا الله يساعدج
ملك / هههه شسوي القط ما يحب الا خناگه
سحر / الله يسهلها الج يا روحي
ملك / تسلمين حبيبتي
سحر / اكولج حبي اذا عالشغل اني اكدر ادبرله شغل بس هو كون ما يفشلنا
ملك / والله ما ادري شكولج تعرفين سوالفه بعد ما يحتاج اكولج.
سحر / يله حبيبتي ميخالف هالمره نسويها لوجه الله لخاطر امه خطيه مره جبيره تحتاج شي
ملك / مشكوره منك حيل
سحر / ولو حبيبتي الغاليه تدللين انتي 😘
بعد يوم سحر خابرتني كالت اكو شغل يم واحد كرايبي مخزن مواد غذائيه يريد واحد يثق بي يأمنه على كلشي ان شاء لله يكون خير
