ملك : مرت عليه شهر ماكو اصعب منه جنت متعوده عليه على صوته على حبه ماكو يوم ما نحجي ويه بعض جان يضل ويايه ساعات عالخط مرات حتى لو عندي شغل جان يكول عوفي الخط مفتوح خليني اسمع انفاسج تكفيني جنت كل يوم اكعد من النوم الگة فوك ال ١٠ رسايل منه اتعلقت بيه حيييل جان هو الهوة بالنسبه الي وفجاة كل هذا يختفي والله صعبه صعبه
الي جان مصبرني على غيابه هي دنيا جانت دائماً تشجعني واتواسيني واتكول يرجع. والله اني متاكده وراح تشوفين لان يحبج وما يكدر بدونج
فعلاً جنت اتامل وانتظره كل يوم وكل يوم وشوگي اله يزيد
....
محمد : بعد شهر من التعب والمعاناة قررت ارجع اي ارجع بعد ما اتحمل المهم تركت الشغل وسلمت على صاحب الشغل وما رضه الا بطلوع الروح
ورجعت
رجعت بس بدون ما انطي خبر لاحد وصلت لاهلي المغرب
حبيبة گلبي امي جانت تعبانه حيل بسفري وكلش فرحت برجوعي واجو علينه اخواني الكبار كلمن وعائلته واختي وجهالها
بس من الهوسه ما كدرت احاجي ملك لان اخواني موجودين ويحجون ما انطوني مجال
ثاني يوم
...
ملك : كعدت من النوم الصبح كالعاده حتى اروح للشركه مثل كل يوم
بس اليوم اشو احس براحه يله يجوز جنت مرتاحه بالنوم 😂
مو مثل كل يوم
كل يوم جنت اكعد من النوم واني القهر فوك راسي جنت احس انو النهار ملل من بدايتها كل ليله جنت افز من النوم كل ضني محمد مخابر او مراسلني ويخيب ضني
المهم
اليوم يختلف خير ان شاء الله
وصلت للشركه كملت شغلي جان اكو اوراق دونتها بالحاسبه وخلصت
فتحت فيس الهي نفسي
شفت ابن عم محمد متصل
طبعاً جان اله دور كبير بغياب محمد جان دائماً يواسيني ويوصلي اخباره
سلمت عليه
(كتابةً)
ملك : صباح الخير
ابن العم صباح النور يا هلا بخيتي
ملك : هلا بيك اخويه تسلم
ابن العم : الله يسلمج اشلونج اليوم ان شاء الله بخير
ملك : الحمدلله تمام اكولك شي ما تستغرب 😂
ابن العم : كولي خير ان شاء الله
ملك : اشو اليوم كلش مرتاحه ما ادري اشبيه
( كل يوم جنت اراسله واشكيله همومي 😂)
ابن العم : ههههه اي مو اكول ما قدمتي شكوى اليوم
ملك : ههههه الحمدلله
ابن العم : اكولج ملك ممكن تدزيلي رقمج
ملك : 😳😳 ليش خير
ابن العم : اكيد خير بس كلت يجوز احجي ويه محمد بلكي اكوله يخابرج مناك تعرفيني احب الخير 😂
ملك : من سمعت بيها محمد اتخبلت ما اترددت ولا لحظه كبل دزيتله الرقم
٠٧٧....... وهاي الرقم اكون ممنونه منك كوله بس مره وحده خلي يسمعني صوته 😢
