يوم العرس ...
٢٨/٩ الجمعه يصادف يوم ميلادي
بعد ان استيقضنا من النوم كانت الساعه ٩ صباحاً
بعد الفطور نظفنا البيت وكملنا شغل
عمتي كالت اني راح اضل بالبيت انتو روحو
ملك : كعدت الصبح بعد الريوك نضفنا البيت بما انو راح انروح للعرس وما متحضره لان بالليل استاذنت من والدي فلبست شي بسيط
انا والبنات معي كلنا لبسنا هدوم طبيعيه يعني مو مال عرس وافراح
وذهبنا للعرس
ساعه ١٢ وصلنا للعرس
طبعاً كان العرس بالبيت لان عائله عشائريه
تغدينا وكملنا وساعدناهم بالتنظيف
(طبعاً التقيت بالعرس بصديقه عزيزه عليه كلش كانت ويايه بمرحلة المتوسطه)
...
صعدنا فوك للطابق الثاني
( انا (ملك ) واختي (مينا) ودنيا وسما (اختها) ونور ( صديقتي ) وجماعتها
يعني كنا تقريباً ١٠ بنات
صعدنا للطابق الثاني نتحضر ونبدل ونتمكيج لان راح نروح نجيب العروسه
ملك : لبست بنطرون اسود وتيشيرت اسود وعليها ستره ملونه وشال (حجاب )
مشجر ومكياج خفيف كلش
دنيا : بنطرون كابوي وتيشيرت اسود وستره كابوي و شال ومكياج خفيف
مينا : بنطرون وشي طويل وردي اللون وشال ومكياج
سما : بنطرون وشي طويل احمر وشال ومكياج
والبنات كلمن لبسن شكل وكلها اضهرت جمال خاص بيها
كملنا ونزلنا وظلينا بالهول وننتظر
وبالحديقه الولد مجتمعين ويحتفلون ويه العريس ويغنون ويهوسون ..
طلعت دنيا بره دزوها بشغله
ورجعت وهي تركض وتضحك
دنيا : بنات بنات ولكم تعالو اكو ولد بره يخبل شايل بيده الكاميرا اعتقد هو المصور جماله مو طبيعي هنيالها الي توكعه وتضحك
وكلنا ضحكنا
...
طلعنا بره بالفعل جان ولد حلوو وسيم
...
اعرفكم عن نفسي
محمد عمري ٢٢ سنه طالب معهد اسمراني متوسط الطول شايل شعري بطريقه حلوه وجديدة صاحب ابتسامه حلوه
محمد : بما انو اني طالب قليلاً ما اشتغل لكن عمي عنده استوديو ومن حسن حضي اليوم عنده عرسين بارحه خابرني
عم محمد : الو محمد اشلونك
محمد : اهلا عمي بخير انت اشلونك
عم محمد : ابني باجر عندي عرسين اذا تكدر باجر تعال روح لوحده من الاعراس واني اروح للثاني
محمد : صار عمي تدلل شوف ياهو الانسب باجر اني اروحله
مع السلامه . مع السلامه
......
البنات : طلعنا بره بالفعل جان وسيم جداً لابس كابوي وتيشيرت ابيض وشايل شعره بطريقه يلوك بس عليه وكاميرة التصوير بيده
... كل وحده بينا تباوع عالثاني وتضحك
دنيا : بنات خلونه نتفق انشوف منو يكدر يوكعه والكل يضحك
...
محمد : جنت واكف انتظر يكملون تجهيز العريس حتى ابده اصور وانروح وره العروسه
شفت طلع من باب المطبخ مجموعة بنات وحده احلى من الثانيه
بس بيناتهم وحده حلوه وبريئه تحجي ويه صديقاتها وتضحك عليها ضحك يخبل وجها شايل براءه مال اطفال احس شكلها يجذبني
....
البنات ...
الكل اتحضر والعريس اتحضر وطلع يخبل وكلنه طلعنه بره نروح وره العروسه
كلهن صعدوا بالسيارات وجايبين باص (حافله) لاهل العروسه بما انو منا انروح عليهم والباص فارغه احنا البنات كلنه صعدنا بالباص وعلينا الاغنيه والكل فرحان ويركص
ويصفق الا...
ملك : صعدت بالباص وكلهم يغنون ويركصون وكلهم واكفين بس اني كاعده وافكر بالمصور
اشبيه اني ناسيه هاي الهوسه وكاعده افكر بواحد حتى ما اعرفه كمت اضحك ويه روحي
دنيا : كومي ولج اشبيج صافنه احم احم عيني ابو الحب مشغول بالتصرير مو فاضيلج
ملك : انجبي ولج واني شعليه بي اصلاً ما عجبني واني ابتسم
كمت وياهم اضحك وفرحانه
وصلنه لبيت العروسه نزلنا كلنه حتى نطلع العروسه والكل فرحان ويوكص
دخلنه جوه بالبيت هوسه كلش ظلينا اني ودنيا بالحوش ننتظرهم يطلعون
شالو العروسه وطلعوا والمصور يمشي عكس الناس لان جاي يصور
وجهه بوجوه الناس ويمشي واني ودنيا واكفين ورا
فجاه رجع لي وره بدون ما يحس طخ كتفه بدنيا
التفت علينه حتى يعتذر اشو هذا جاي يعتذر من دنيا وعينه عليه
محمد : واني جاي اصور وامشي عكس ودايخ من الهوسه والهلاهل طخيت باحد من وره
التفت شفت الابنيه الي عجبتني ابيت العريس كمت اعتذر من الي طخيتها واني اباوع بهذيج
...
طلعنا من بيت العروسه ورجعنا لبيت العريس والحديقه مليانه كراسي والناس كاعدين وكعدنا العروسه والعريس والناس كامت تركص ويهوسون والمصور جاي يصور
واحنا البنات ما كعدنا كلنا واكفين بطرف الحديقه وانباوع عالعرس اشو هذا كاعد يصور العرس وعينه عليه كل خمس دقايق يجيب الكاميرا عليه
ملك : عزا هذا اشبي هيجي يباوع عليه ولج كل خمس دقايق يجيب الكاميرا عليه بعدين يطلع الشريط مال العرس اخاف يشكون شنو هاي بس اني اطلع بالتصوير
دنيا : ها عيني ابو الحب اضاهر وكعتي بشباكج
دنيا وملك : يضحكون
نور : ها عيني شكو اشصاير تحجون من دوني وهي تبتسم
دنيا : ولج لحكي صديقتج ام عيون وكعت الولد بحبها
ضحكنا كلنا
ملك : انجبي ولج اني شعليه هو جاي يباوع عليه
.....
محمد : واني اصور العرس بس احس كل حواسي يم هاي الابنيه مقعوله انعجبت بيها
ضحكت اني اشبيه كاعد اهلوس خلي اصور زين لا يبتلون بيه 😂
..
ملك: بعد ما مرت كم ساعه وصلنا لنهاية العرس وهذا باقي على حاله وزايد بس يباوع عليه اجه عمي كال اتحضروا بعد اشويه راح انروح
من كال هيجي حسيت بضوجه مااريد اعوفه
...
محمد : مر كم ساعه بالعرس واني جاي اصور كلت هسه تخلص العرس قررت انو ما اخليها تروح مني واني جاي اصور باوعت عليها وغمزتلها
ملك : واحنه واكفين بعدنا اشو هذا غمزلي ابتسمت عزا هذا اشبي طبعاً كلت لدنيا ودنيا ماشاء الله نشرت الخبر 😂 بين البنات
....
محمد : خلص قررت انو اوصللها بس ما اعرف اشلون اصور وجاي افكر
لكيت حل ان شاء الله تنجح
والحل الي لگيته بيها مجازفه اسويها والباقي على الله ....
