....
ملك. حجيتةويه محمد واثنيناتنا فرحانين صارلنه 6 سنوات هاي اول مره نحتفل بعيد ميلاده سوه
مشت الايام ... واستمرت علاقتنا سطحيه نحجي عادي ... فد يوم المغرب خابرني محمد ..
.
محمد .. هلو حبي اشلونج اخبارج
ملك .. الحمدالله حبيبي بخير انت اشلونك
محمد ملوكتي جهازي انكسر وحاليا مابيدي اشتري جهاز وهسه مخليه خطي بجهاز اختي .اذا ما خابرت او ما حصلتيني لا يظل بالج
ملك . ماشي حبيبي اهم شي دير بالك على نفسك ولا تطول عليه
محمد .. تمام حبي ديري بالج على نفسج
ملك .. وانت هم مع السلامه
مع السلامه ...
.....
ملك ... عدت كم يوم وهو ماله حس ولا خبر ...
واهلي قررو يسافرون .. ياربي شسوي وين اروح اشلون اوصله اخابره ما احصله ...
ظليت بحيرتي وسافرنا ...
....
سافرت وخطي ما قفلته واني كلي امل يخابرني
بيوم موبايلي دك وجان رقم غريب
.....
طبعا ما اجاوب ارقام لكن منتظره خبر عنه حتى بالهوى .. فاكيد هالرقم يعود اله اشلون افوت هيجي فرصه
جاوبت ... الو ...
.. الو اشلونج
ملك .. محمد هااي انت 😢😢😢 هاي وينك ليش هيجي ليش ما خابرت ليش طولت عليه وين رقمك هذا رقم منوو ...
محمد ... لا تبجين هذا رقم اختي ضروفي صعبه ما اكدر اخابرج لا تخابرين على هالرقم ابد الا اني اخابرج بس حبيت اطمئن عليج
ملك ... يا تطمئن عليه متت بغيابك اشلون انطاك كلبك ....
حجينا اشويه وكالعاده كضيتها بجي وعتاب وكتله سافرت وسديت الخط ..
ملك ... كالعاده راح وماله خبر ومرت ايام طويله ماله لا حس ولا خبر واني كاعده على نار وانتظر اي خبر عنه ....
واللهي الكلام سهل لكن المواقف لا يحسد عليه ماكو اصعب من انو تحتاج لشخص ما تلكاه يمك ماكوو اصعب من اننوو تتعود على شي ويغيب عنك ماكوو اصعب من انو تحس بالضعف 😢😢
...... ملك ... مرت الايام واني كلي امل اسمع صوته
فد يوم جنت كاعده اقره وموبايلي عالشحن
محمد داك عليه مرتين من رقمه . 😐 انصدمت و
من شفت الموبايل جان قبل 15 دقيقه رجعت خابرته مغلق 😢 خابرت مره مرتين 10 مغلق كلبي نغزني حيييل ما اعرف لييش بلحضتهاا حسيت بشي ثقيل على كلبي
كمت ابجي واخابر واني اعرف مغلق ومن يومهااا ما سمعت صووته قرب 6 اشهر
لكن خلال هال 6 اشهر ما خليت احد ما سالت عليه ما خليت احد ما راسلته ما خليت احد يعتب عليه لا من قريب ولا من بعيد سالت كل كرايبه كل اصدقاءه اهل منطقته لكن مالكيت احد ينطيني جواب مقنع ... انهاريت تعبت كرهت كلشي الف حسبه تجي ابالي كمت ادخل على اصدقاء الفيس واراسلهم واسال عنه ....
الي يكول سافر
والي يكول شالو منااا
والي يكول ما اعرفه
كل جواب جان يدمرني بالزايد
....
عفت كلشي واستسلمت للواقع لكن هذا الشي جان ظاهريا اما من الداخل جنت كل يوم ابجي واذكره
...
فد يوم كاعده العصر وصديقتي خابرتني .. وحده من البنات الي جانو ويانه بيوم عيد ميلاده
....
ساره .. هلو ملوك اشلونج
ملك . الحمدالله حبي بخير انتي اشلونج
ساره .. دوومح حبي شخبار محمد ما عرفتي عنه شي
ملك . لا والله .😢
( طبعا ساره من محافظتي للقديمه .. واني مثل ما كلتلكم سافرت )
ساره .. اكولج حبي ما ترجعين
ملك ... ما اعرف والله حبي الله كريم اذا جيت اكيد نتشاوف
ساره .. لا ماريد اشوفج 😊 بس عود من تجين روحي لسوك ال ..... محمد يشتغل اهناك البارحه شفته
ملك ... شنوووووو صدددك تحجين الله عليج ... متاكده هوو 😢😢 اخاف غلطانه
ساره ... لا والله هو اعرف شكله كلش زين هوو هم يمكن عرفني جان يباوع عليه بنظره غريبه
ملك .. . اخذت منها العنوان بالضبط واتشكرتها اهوايه ... وسديت الخط
وكالعاده كعدت ابجي
......
ملك ... بابه فدوه خلي نروح نزور عمامي ونرجع
الاب ... بنتي هالايام عندي شغل ما اكدر
ملك .. بابا فدوه والله مشتاقتلهم😢
الاب .. ميخالف روحو انتي واختج واحنه بعد كم يوم نجي
ملك . ياا فدوه اروحلك تسلملي يا اغلى احب بالدنيا كله 😙
..........
اتحظرنا اني واختي واخويه الجبير نسافر اليوم
وجانت يوم 18 /7 😢
متحمسه وفرحانه اروح اشوف محمد
...
وصلنا لبيت عمي رحبوو بينه وفرحوو برجعتنا اهوااايه واتونسناا وضحكناا وفرحانين.
.
ملك .. العصر . خاله فدوه خلي نروح للسوك مشتاقه لسوكنا من زمان
مرت عمي .. والله اني جاي اطبخ ولج انتي سوكج يطول نرجع متاخرين عمج يبقه بدون اكل 😂
..
ملك واي فدوه اريد ارووح 😔
مرت عمي .. روحي شوفي ام علي بلكي تاخذج اصلا همه يجون يتعشون يمنا .... (بيتهم قريب على بعض )
ملك ماشي اشوف بس اذا ما اخذتني باجر انتي تاخذيني
مرت عمي ماشي الله كريم منا لباجر
.....
ملك .. رحت لبيت عمي الجبير طبعا مسلمة عليهم اول ما جيت ... خاله فدوه خلي نروح للسوك
مرت عمي 2 .. منو ومنو يروح ويانه
ملك .. اني وانتي ومينا واذا ماريه تجي اربعتنا نروح
مرت عمي ... اي اتحظرو بساع نروح لا تطولون
ملك .. لا ما نطول دقايق ...بس نروح لسوك ال .....
مرت عمي : لا يمعوده نروح لسوكنا احلى واقرب شيودينا لهناك بعيده علما نوصل يصير المغرب
