ملك : من يومها ما حجيت ويا ولا حاولت اخابره صح مشتاقتله وكلبي يتقطع عليه لكن شسوي تعبت تعبي اكبر من شوقي اله
ولا هو خابرني ابد
خلصت اللمتحانات النهائيه واني بالكوه اضغت على نفسي حتى ما اخابره
بعد الامتحانات بكم يوم خابرته حجيت ويا مشتاقتله حيل والله حبيته من كل كلبي مو بيدي شسوي الحب مو بيد البشر
رجعت احجي ويا ولا كانه صاير شي عادي رجعنه مثل قبل
لكن هو بارد بشكل مو طبيعي جنت مشتاقه لحبه ل لهفته عليه لخوفه لكلامه لكن اتحملت يكفيني انو اسمع صوته ..
مرت عليه الايام بكل صعوبه
بيوم فقدت السيطره على نفسي كافي ابجي لوحدي كافي اضحي كافي اسامح لو اتالم مره وحده لو ارجع مثل قبل
خابرته
ملك .. الوو
محمد ... انصدمت معقوله ملك تكولي الوو اكيد صاير شي
( لان ابد ما كلتله الوو ولا هو كالي من اول يوم ما حجينا هيجي اتعودنا)
ها. ملك صاير شي اشبيج ليش تكولين الو مو من عوايدج
ملك : اي طبعاً ما متعود على الكلام البارد ما متعود عالتجاهل دائماً اضحك بوجهك دائماً اشيل عنك طبعاً تنصدم من تسمعني اكولك الوو وحضرتك من زمان كسرت القواعد الي بنينا عليها حبنا
محمد : .... ساكت لا رد
ملك : طبعاً تسكت لان مرت علينا سنوات وانت ما سمعت بيوم احجي وياك بهاي النبره اتحمل واسكت كلشي يهون بس لا ينكسر كلبك وانت ما خليت عندي گلب اصلاً
تعبت منك ومن حبك لو كول ماريدج خلص شوفي حياتج لو ارجع ارجع مثل قبل والله اشتاقيت اشتاقيت لحبك كافي عذاب 😭😭😭
محمد : ملك خلص كلشي منتهي من زمان اخاف جنت مفكر تتصلح علاقتنا بس لان داومتي بالكليه مستحيل نرجع مثل قبل
ملك : ليييش لييش 😭😭😭 والكليه شعليها انت حبيت گلبي حبيت طيبتي حبيت تفكيري واسلوبي حسب كلامك اذن الكليه شعليها لا تربط الامور ببعضها
محمد : ملك اني من اول يوم كلتلج ما احب تداومين بالكليه وانتي قبلتي بهذا الشرط وبعدين كسرتي كلامي وداومتي
ملك : صحيح قبلت بشرطك لكن انت تركتني انت دمرتني ما خليتلي اي خيار حتى اختار انت كلتلي شوفي حياتج راجعلي بعد سنه تكول ليش داومتي ما فكرت بيه والله متت بدونك والله 😭😭😭
وهسه الكليه شعليها اني كلبي ملكك ومستحيل اتغير عليك مو اداوم كليه لو اخذ دكتوراه حبي يزيد ما يقل
محمد : ملك انتي شتكولين انتي ما تعرفين شي اني طول عمري اضحك على بنات الكليه واقشمر على الي ياخذون بنات الكليه هسه انتي تريدين اخذت والناس تضحك عليه
انتي ما تعرفين شي
ملك : اول لو تنطيني الدنيا كلها ماريدك بعد بعدين بنات الكليه اشرف من كل واحد ما يعجبها بنات الكليه مو بس الكليه كل مكان بيها الزين والمو زين وبعدين اني ما شايله نفسي حتى ارضيك اني ما انزل راس اهلي لالف واحد مثلك الثقه الي اهلي منطيني اياها مستحيل اخونها تعرف اهلي يثقون بيه ثقه الف رجال لان مو هين بهالوضع الواحد يخلي بنته بالكليه او. مكان عام اذا ما يثق بيها وانت بعد احسب اشكد يثقون بيه وما يشرفني بعد احجي ويه حضرتك 😭 حرامات السنين الضاغت عليك روح الله يجازيك
....
راح محمد وانتهى كلشي
يا ترى فعلاً انتهى كلشي ؟؟؟
انتهى حبهم ؟؟؟؟
يكدرون ينسون بعض ؟؟؟ 🤹🏽♂️🤹🏽♂️
تابعووني ؟
😘😘😘
