يسعد اوقاتكم حبايب قلبي
اعتذر جداً جداً عن التاخير
وان شاء الله اعوضكم
فديت اليقرون ويعلقون 😍
......
وره ما دزيتله الرقم جان بيدي شغل فاختصرت ويا وسلمت وجنت كاعده اشتغل
وره دقايق اجاني اتصال من رقم غريب
...
(((( للعلم طبعي ما اجاوب رقم غريب لو يحترك الموبايل من الاتصال الى اعرف المتصل من الكرايب ))))
... دك الموبايل اشويه وبعدها فصل (( اثاري المتصل يعرف ما اجاوب ارقام 😂 )))
اجاني رساله اني حمه
فتحت عيوني هلى وسعهن ما مصدكة
دك عليه وجاوبته
ما اوصفلكم من سمعت صوته طرت لغير عالم ما احس لا بنفسي ولا بالمكان الي اني بي
سلم عليه وكال مشتاقلك مووووووت
ملك : كتله هذا الرقم مو دولي اشلون وانت ب
محمد : قاطعتها اعرف يا روح حمه بس ابشرج اني رجعت ومستحيل ابتعد عنج لحظه
ملك : ابجي واضحك واحجي ما مصدكه روحي والي يصير حجيت ويا وعاتبته وظلينا نسولف نص ساعه كال كملي شغلج راح يخلص وقت الدوام من ترجعين للبيت نحجي
...
ملك : انهيت المكالمه ورجعت اشتغل وكلي حماس ونشاط والضحكه ماليه وجهي
كملت شغل . ورجعت للبيت وحجيت ويا لثاني يوم طل ويايه عالخط طول اليوم حتى من التهي بشغله او احجي ويه احد من اهلي ما يسده جان يضل وياي ويكول يكفيني اسمع صوتج
وحجالي على سفرته وعلى معاناة وعلى جمال تركيا ....
كل يوم جان يمر علينا وحبه يكبر ويزيد
خلاني اعشقه احب كلشي بي واسوي كل الي يكوله
ملك (( عندي ولد عمام ٢ بعمري تربينا سوه ابيت واحد وطرفين نعتبر روحنه اخوه ))
محمد جان يغار عليه اهواااايه فخلاني التزم بحجابي حتى بالبيت من يجون ولد عمامي جنت احب غيرته وعصبيته وحبه وكلشي
جانت اتمر الايام وتزيد الحب وما تخلو من الهدايا وقليل جداً جنت اشوفه وخاصتاً من كملت دراستي قلت الفرص حتى نتشاوف
...
ملك : مرت اشهر وعلاقتنه حلوه وماشيه طبعاً مريت بهواي مشاكل من ناحية اهلي
جنت اتحمل كلشي علموده واخاطر بكلشي وما افكر بالنتائج اهم شي عندي سماع صوته
جان عصبي جداً وتفاهم كلش قليل ومع ذلك جان ويه كل مشكله حبي اله يزيد جان اكبر همي بالحياة اشلون اعيش بدونه
اتعلمت كلشي على ايده
جان يكلي انتي طفلتي رغم انو العمر بيناتنا مو اهوايه لكن جان يكون ربيتج على ايدي
..
لان اصعب وقت يمر بيها الشخص هو سن المراهقه لان مرات يوكع بمشاكل بدون ما يفكر
وبالنسبه الي بمرحلة المراهقه محمد جان ويايه وجان دائماً ينصحني ويخاف عليه جان حبيب وصديق
جان يسوي كلشي يزيد حبي اله كل تصرف منه جان يكبر بعيني اكثر
......
محمد : وره ما رجعت من تركيا ورجعت لحبيبة قلبيي الي احبها واخاف عليها اكثر من كلشي بالدنيا جان كل تفكيري بيها وباسعادها
يوم عن يوم احبها اكثر واتعلق بيها اكثر وخوفي يكبر
خوفي من انو ما اكدر اسعدها
ما اكدر احقق الي تريدها
جانت ضروفي صعبه
دورت اهوايه على شغل وصيت اهوايه ناس
ماكو شغل تعبت اني ادور على شغل حتى اعيش نفسي بالاول بعدين اكون نفسي اشلون اوصل لملك اشلون احقق الي تريدها
قررت اتطوع بالحشد
وفعلاً تطوعت ومنظر الجواب
وجان اسوء يوم بحياتي يوم الي اكول الخبر لملك بس مجبور لازم اكوللها
......
ملك : تمر الايام عاديه بين الشغل والبيت وحبيب قلبي الي محلي الدنيا بعيني
جان يوم جمعه وماكو دوام
خابرني حبيبي وظلينه نحجي ونسولف وحب وغزل فجاه اتغير صوته وحسيت بي مخنوك او بالاحرى جان يبجي
محمد : حبيبتي اريد اكولج شي بس اريدج توعديني بغلاة حمه اول شي تفهمين عليه وتسمعين كلامي وتساعديني ولا تصعبين الامور عليه اكثر
ملك : خير حبيبي كول شكو تعرف كلي الي تكوله يتنفذ ومستحيل اعوفك على كلشي وياك بس خوفتني شكو
محمد : حبيبي تعرفين اشكد دورت على شغل ماكو وانتي ادرى بضروفي واني لازم اشتغل لشوكت اضل هيجي
ملك : اي حبيبي اعرف بس شنسوي ماكو بيدنا شي الله كريم نصبر ولا تهتم والله اقدر ضرفك ولا تتصور فد يوم اضغط عليك
ان شاء الله تتعين وتخلص كل هالتعب
محمد : اعرف يا نظر عيني لو ادور الكون كله ما الكه مثلج بس
اني تعبت وماكو غير حل واحد حتى اكدر اعتمد على نفسي
ملك : وهي
محمد : اني اتطوعت بالحشد وكلشي منتهي ومنتظر الجواب حتى التحق
ملك : شنوووو شنو هالحجي معقوله تحجي صدك واني ما فكرت بيه المن تعوفني هاا وكمت ابجي
محمد : لا تبجين يا اغلى ما عندي والله الموت اهونلي من انو تنزل دموعج
لهذا بالاول ما كتلج وهسه خلصت اوراقي اعرف خليتج كدام الامر الواقع بس هذا انسب الي والج
ملك : فقدت كلشي لا اكدر احجي وبالكوه اتنفس حتى من الصدمه توقفت من البجي
بس ساكته
محمد : اعرف هذا الشي صعب علينا اثنينا بس لازم نبادر بشي حتى لو كان سلبي المهم اكدر اكول سويت شي مو حاط رجل على رجل ومنتظر
ملك : تعبت حيل وما حجيت ولا كلمه
محمد : ملك جانت ساكته ما حجت ولا كلمه كلت اخليها ترتاح وسديت الخط
ملك : وره ما سد الخط قفلت الموبايل وضليت ابجي بكل ما بيه ما حسيت بروحي من البجي الا ثاني يوم امي تكعدني للدوام بس جنت تعبانه حيل ومسخنه وما داومت
كمت وغسلت وجهي وصليت واستغفرت واستسلمت هاي هي مثل ما كال امر واقع سلمت كلشي بيد الله وخابرته وحجيت ويا وواسيته ومرت ايام وجتي ايام عادي نحجي كل يوميه بس كلبي يتقطع واحاول ما ابينله ماريد ازيد فوك همه الي بيه يكفي
وره اسبوعين بليل ضلينه الليل كله نسولف ونحجي ونضحك واوصي على نفسه ويوصيني على نفسي الى ان غفيت
كعدت ثاني يوم وداومت ورجعت بس اليوم اتصالاتنه جانت قليله ما اهتميت لان التهيت بالشغل ورجعت تعبانه لان نمت متاخر حاجيته اشويه ونمت كعدت العصر خابرته ماكو
...
بعد المغرب هو خابرني ....
..................................
محمد : بعد ما كلت لملك على موضوع الحشد بجت وانهارت وجنت اموت باللحظه الف موه مو هين عليه بس شسوي ماكو بيدي شي الحمدلله تقبلت الموضوع واتحسنت اشويه احس بيها منهاره وتعبانه بس ما تحسسني بهالشي قررت ابتعد عنها اشويه اشويه .. لان ما اعرف مصيري وخايف عليها من كلشي مرت عليه الايام بصعوبه لليوم الي اجاني الجواب انو لازم التحق بعد يوم ظليت اليوم كله احجي وياها للليل الى ان غفت ... كعدت الصبح متاخر عرفتها هسه بالدوام التهيت اجهز نفسي للالتحاق لازم باا ٦ اطلع والضهر من رجعت حجينا اشويه وبعدها راحت تنام ملك واني كملت غراضي وكعدت ويه والدتي الي حالتها اصعب من ملك بس شسوي يا يمه لازم احاول حتى اخليج مرتاحه وما تحتاجين شي
... قررت المغرب احاجيها واودعها ماريد بالليل احجي وياها ماريد تتعب وتنهار
.....
ملك .. بعد المغرب خابرني محمد وحجينه بس اليوم كلامه يختلف وكل ساع يوصيني على نفسي والي خلاني اموت من البجي وصاني على امه وكال امي تحبج اهوايه اذا صار شي لا تكطعين بيها.
( لان دائماً جنت احاجيها وعلاقتي وياها حلوه )
من كال هالحجي متت من البجي احسه يلمح لشي وفعلاً كال باجر التحق اريدج تكونين قويه طول هالسنين تسمعين كلامي ما يوم كسرتي كلمتي هسه هم اوعديني ما تبجين لان اذا بجيتي اني اتعب ومن هالكلام بس اني ميته من البجي كال باقرب فرصه اوصلج اخباري بس اريدج تكونين مرتاحه اريدج دوم تضحكين وحجينا وبجينا اهواااي
كتله يعني شنو ما اكدر اتواصل وياك اهناك
كال لا ميصير ممنوع الموبايلات واني طالع اسمي بغير محافظه يعني اجازاتي قليله وبعيده
ملك : طبعاً كد ما اوصفلكم حالتي بيومها ما اجازي حقه لان تعبت حييييل وانكسرت بس ما دريت انو المستقبل ضاملي اشياء يكسر ويتعب اكثر
كلت شنو يعني بالليل ما نحجي كال لا ما اكدر لازم انام من وكت واشويه اكعد ويه اهلي
وتوادعنا 😭😭😭 وانهينا الاتصال
......
نمت من التعب والبجي والخوف والتفكير
ماكعدت غير الساعه ٦ الصبح فزيت مثل المخبل للموبايل واشوف رساله 😭😭😭
محمد : طبعاً ودعتها واني السجاجين بظهري وكلبي ينزف ما حجيت وياها بالليل حتى لا يصعب الوضع اكثر وكلتها الوقت بالغلط حتى لا تكعد وكلتها ممنوع الموبايلات حتى ابتعد عنها خايف من كلشي اتمنى انام وما اكعد مو هين عليه فراكها كعدت بال ٤ اتحضرت وكتبتلها رساله وطلعت 💔
