بعد ما اعلقت الهاتف
ضليت اسولف للبنات كل الي حجينا
طبعاً جانو كاعدين وياي من احجي بس فضولهم ما تسمحلهم بالسكوت وسألوني كلشي بالتفصيل 😂
سهرنا الى وقت متاخر من الليل ويه البنات
وبعدها غفينا
كعدنا الصبح نفس الروتين اكل وشغل وتنظيف
اني ودنيا سوينا الغده
محمد : البارحه رجعت من العرس للبيت وارتاحيت وغسلت وبدلت
حجيت لوالدتي على الي صار وعلى الي شفتها واخذت گلبي من صدك حبيتها واريدها اليه وانتظرت مخابرتها وحجينا سمعت صوتها وكلامها واسلوبها كلشي بيها يجنن
بعد ما انهينا المكالمه نمت
والصبح كعدت متاخر
صار الظهر وهي بعدها مالها صوت گلت خلي اخابرها نا اتحمل بعد
ملك : جنت واكفه بالمطبخ اطبخ ويه دنيا گلت وره الغده اخابره واحجي ويا اشو واني بعدني ما مكمله هو خابرني
محمد : يا صباح الخير شنو حبيبتي بعدها نايمه
ملك : مساء النور يمعود يا نوم عيني حبيبتك سباعيه كاعده من الصبح وجاي اطبخ واحضر الغده
محمد : فديت حبيبتي السباعيه عفيه عليج يعني ان شاء الله من تجين يمي ما اضل جوعان لان تعرفين تطبخين
ملك : اي طبعا لعد اشعبالك
وضلينه نحجي لفتره طويله واتعرفنا على بعض اكثر واكثر وبالفعل حبيته اهوايه
حبيت اسلوبه وياي وطريقة كلامه
كان يخاف عليه اهوايه ويغار من كلشي
....
جان عطلة نهاية السنه
بعد كم يوم بيت عمتي راحوو
ووالدتي رجعت من السفر
واني كل يوميه احجي ويه محمد واتعلقنه ببعض اهوايه وصرت اعرف كلشي عنه
ومرت علينه ايام حلوه
بيوم من الايام جدتي قررت ان تعمل ( هريسه ) ما اعرف تفهموها لو لا 😂😂
الثواب الي يعملوها بمحرم على روح الامام حسن والامام حسين
طبعاً بيتنا كان ازدحام حيييل بيت عمتي وبيت عمامي كلهم يمنا والاجواء حلوه كلش
محمد خابرني وحجيت ويا وكلتله عدنا خطار وكذا وكذا
ملك : حبيبي الصبح واني اخوط (اخلط ) الهريسه دعيتلنا اهوايه الله يجمعنا ببعض واضل فرحانه بيك طول العمر
محمد : الله يسمع منج حبيبة گلبي ان شاء الله نظل للدوم
ملك : اميييين حبيبي
محمد : حبيبتي ماطول دعيتيلنا اريد اكل من الهريسه واريد انتي تصبيلي بيدج الضهر اجي اخذها
ملك : ماشي حبيبي الضهر اخابرك على مجالي وتعال اخذها
محمد : ماشي حبيبتي
مع السلامه : مع السلامه
رحت ويه الاهل ملتمين ونشتغل ونضحك ونحجي
دنيا : ملوك تعالي اريدج بشغله
ملك : ها حبي كولي شكو
دنيا : ولج ملوك هذا الافندي يريد هريسه يگول الا اكل منها ماطول دعيتيلنا 😁
.. الافندي ... ( هو حبيب دنيا صارلها سنه يحبون بعض اهوايه )
ملك : صدك تحجين ههههه ولج محمد هم يريد وگايلي نفس الحجي كتله الضهر تعال انطيك ايا
دنيا : 😂😂 شنسوي اشلون
ملك : اي خلي يجي ضلت عليه خلي هو هم ياكل 😂
دنيا : ماشي حب اكوله بعد الضهر يجي
ملك : ماشي حياتي
صارت الهريسه ووزعنا عالمنطقه كلها
وصار الظهر خابرت على محمد
ملك : هلو حبيبي اشلونك
محمد : تمام حبي انتي اشلونج خوما تعبتي لا تنظفين انتي لا تسوين شي ما اريدج تتعبين يا روحي
ملك : لا حبيبي ما تعبت نفسي المهم حبيبي امي عندي مجال اشوكت ما كدرت تعال اخذ حصتك
محمد : ماشي حبيبتي اشوويه واجي
ملك : تمام حبي باي : باي
.......
دنيا : هلو حبيبي
الافندي : هلا حبيبتي اشلونج
دنيا : تمام حبي .. حبيبي اذا صارلك مجال تعال اخذ حصتك علما توصل
الافندي 😂 : ماشي حبيبتي
باي : باي
اني ودنيا كلمن منتظره حبيبها يجي وياخذ حصته وما ندري بلي يصير الله يستر 😬
........
تفاعلو حتى اكمل
احبكم
