مساء الخير عليكم حبايبيني
اسفه كلش عالتاخير
....
مرت عمي ما قبلت نروح اليوم لان السوك الي اريده بعيد علينا اشويه ..
وبيومها ما رحت وضلت حسره بكلبي
اشلون ما جان مرت الساعات وبالليل ويه بيت عمي رحنا اني واختي لبيت عمتي
سلمنا عليهم وفرحوو اهواي بشوفتنا وبقينا يمهم
ومن الليل اتفقت ويه عمتي تاخذني للسوك
...
صار الصبح وكعدنا متاخر لان طول الليل كاعدين ويه البنات حجي وضحك وسوالف
تريكنا وكملنا شغل البيت وعمتي حضرت الغده
بعد الغده رحنا ... للسوك
اني وعمتي وسما
رحت واني كلي امل اشوفه
رحت واني عيوني تدور عليه بين الناس
عيوني تشوفه بوجوه الناس
دورت ليما لكيت المحل الي يشتغل بي
وبالفعل جان موجود 😢😢
طلعت كل طاقتي وقويت نفسي ودخلت للمحل
😢😢
دخلت للمحل والصدمه ودكات قلبي عبالك تتسابق
وكفت كدامه
ودمعه بعيوني 😢
.....
ملك .. وينك ليش اختفيت
محمد... موجود بهاي الدنيا
ملك .. اعرف كلنا موجودين ليش كطعت عني ليش لييش
محمد ... صارت عندي ضروف ما كدرت اخابرج
ملك .. والدموع بعينها .. ضروف ايش الي تخليك كل هالمده ما تخابرني بالجذب
ليش غيرت رقمك ليش ما خابرتني ليش ليش ليش واهوايه اسئله 😢😢
محمد ضل ساكت ما ينطق ولا كلمه .. كلتله مبروك
محمد .. على شنو
ملك .. عالخطوبه
محمد .. ماكو لا خطوبه ولا شي كله جذب لا تصدكين باحد
رادت دموعي تخوني وتنزل لكن ما حبيت اخلي نفسي بهالموقف ويشوفني بعالضعف كبل طلعت من المحل واني اطلع صاح ورايه وكال اخابرج
انداريت باوعت عليه بحقد وطلعت
لكن اول ما طلعت من المحل كمت ابجي وجسمي كله يرجف 😢 ردت اوكع سما لزمتني وحضنتني وكالت لا تسوين هيجي بروحج والله ما يستاهل
...
سما وعمتي اشويه حجو ويايه وقوني بالكلام لكن شنو الي يسكت القلب الي ينزف دم 😢
