سما : اني سما عمري ١٠ سنوات بنت عمت ملك اخت دنيا
جنت واكفه وياهم اشو هذا المصور يأشرلي گلت لملك ملك كالت روحي شوفي شيريد
رحت يمه كال بلا زحمه جيبيلي مي (ماء)
محمد : جنت كاتب رقمي بورقه علساس انو انطيها للعريس يتواصل وياي علمود لقطات الصور الي اخذوها قررت انطيها لهاي الابنيه لان دخلت گلبي طول العرس واني افكر بيها .. گلت بنفسي خلي انادي على هاي الابنيه الي واكفه وياهم وادزلها الرقم بيدها
....
سما : اخذتله ماي وانطيته شرب الماي ومن انطاني الگلاص اشو خله بيدي رقم گال انطيها لهذيج الي لابسه اسود وستره ملونه واني ضليت هيج 😧
المهم رجعت وانطيت الرقم لملك وهو عينه علينه حتى يشوف انطيها لو لا
محمد : انطيت الرقم للابنيه الصغيره وراها غمزت للابنيه الي اريدها واشرتلها براسي بمعنى اخذي الرقم 😉
طبعاً بما انو وصلنا لنهاية العرس كلها لقطات صور مو فيديو والصور مو يمي يم ابن عمي هو جاي يصور (صورة فوتوغرافيه). واني موگف التصوير لهذا ماخذ راحتي ..
ملك : اخذت الرقم من سما وضميته والبنات حواليه وكلنا نضحك وهذا بس يباوع عليه واني بين فتره وفتره اباوع عليه بنضره و اوخر عيني عنه ...
ملك : خلص العرس ورجعنا للبيت وفرحانين كلنه .. وصلنا للبيت والدي جان راجع من الشغل وعمتي محضره العشه وعاجنه 🤣 يعني ورانا خبز لازم نخبز
بدلنا وكمنا نساعد عمتي وخلينه العشه واتعشينا وكملنا وشلنا عمتي گالت اثنين من البنات تعالو خبزو وياي واثنين منكم تغسل المواعين
اني ودنيا رحنه نخبز. ومينا وسما راحو يغسلون المواعين
واحنه جاي نخبز ابويه والدي صاحني وجايبلي كيكه 🤗 ااووو نسيت اليوم عيد ميلادي
ووالبنات كلهم اجوو واحتفلنا واخذت هديتي منهم وكلها كاش 💵😁😁
رجعنا لشغلنا وكملنا وغسلنا وبدلنا
ملك : اووف واخيراً كملنا شغل تعبنا والله
دنيا : اي والله من العرس لشغل البيت
يله مو مهم هسه يروح التعب ( تغمزلي وتبتسم ) يله ولج اشو مغلسه عالموضوع خابري الولد انشوف شيگول 😉😁
ملك : عزاا ولج صدك تحجين اشلون اخابره شكوله 😬
المهم وافقت وخابرته .... 😒
