قلب مقبوض..بقلم براء السيد

الفصل الخامس

  الفصل الخامس (قلب مقبوض)
نبهتنى كل حواسى ان امحيك من ذاكرتى
ولكن هناك من هو مازال فى صفك مازال ينصفك قلبى نعم قلبى.
*براء*
...................
فى قصر القناص
على مائدة الإفطار
وفاء⬅والبنت عامله ايه دلؤقتى
فراس⬅زى القردة
وفاء⬅انتا بتقول ايه مش سمعاك
فراس⬅احم بقول كويسه ياامى الدكتور قال هيكتبلها على خروج النهاردة بعد مايخلصو إجراءات المحضر.
وفاء⬅باين عليهم ناس عندهم كرامه وعزة نفس.
فراس⬅اه ياامى ناس كويسين. اومال فين الأستاذ وسيم وريماس
وفاء⬅ريماس فى الجامعه ووسيم فى النادى.
فراس⬅طيب استأذن انا.
وفاء⬅إذنك معاك ياحبيبى
.............................
فى النادى
على إحدى الطاولات يجلس وسيم مع أصدقائه.
سراج⬅ايه ياعم وسيم هاتطلع الرحله بتاعت الكليه معانا ولا ايه.
وسيم⬅تقريبا لا
جميله⬅لا يا سيمو لازم تروح الرحله هتبقا مش حلوة لو مكنتش معانا.
وسيم⬅هشوف كدا وهرد عليكم.
فادى⬅ايه هتستأذن كبير يا عسل ولا ايه.
وسيم بغضب⬅ماتتلم ياض انتا اتهبلت ولا ايه.
سراج⬅اهدى ياوسيم وانتا ياعم فادى اسكت يا اما تقوم خالص.
فادى بتأفف⬅سكت ياعم.
سراج وهو ينظر خلفه ويبتسم⬅قابل يا معلم المزة بتاعتك جات.
وسيم⬅ايه المزة بتاعتك دى ماتحترم نفسك
سراج⬅حاضر ياعم ماتزقش
غادر وسيم متجها إلى تلك الفتاة التى تقف على بعد خطوات من طاولتهم.
وسيم بأبتسامه⬅يا صباح العسل.يافروح
فرح بخجل⬅صباح الفل
وسيم بغضب⬅اصبرى كدا بلا فل بلا زفت ايه إلى انتى لبساه دا
فرح⬅ماله بقا ياحبيبى ماهو استيل وشيك
وسيم⬅فرح انا مية مره اقلك لبسك الضيق والقصير دا مابيعجبنيش.
فرح⬅يعنى عايزنى اعمل ايه يعنى ألبس طرحه ونقاب وجلباب
وسيم⬅والله انا مش شايف ان الطرحه عيب.بس انا مش هجبرك تتحجبى لازم تعملى كدا عن اقتناع بس.
فرح⬅اوكى مش هالبس ضيق تانى
وسيم⬅اه بتقولى كدا وترجعي تلبسى تانى ضيق
فرح ⬅أوف بئا ياوسيم
وسيم⬅طيب يلا امشى من هنا روحى غيرى اللبس دا وبليل نتكلم.
فرح⬅بتغير عليا يا سيمو
وسيم⬅اغير ايه امشى يابت وانتى شبه خله السنان كدا
فرح بغيظ⬅بئا كدا اوكى انا ماشيه
وسيم⬅هههههههه خلاص بقا بهزر سلام ياعمرى طمنينى لما توصلى.
فرح⬅حاضر ياحبيبى باى.
...............................
فى المستشفى (فى غرفه بدور)
بدور⬅كل دا بيخلصو الإجراءات عشان أخرج انا عايزه اطلع من هنا مليت
بسام⬅بس حلوه علامه الصلاة إلى فى جبينك دى
غروب⬅هههههههه
بدور⬅بطل تريقه يارخم.
قطع عليهم حديثهم دخول خالد ولكنه لم يكن بمفرده.
هبت واقفه من الصدمه
غروب⬅انتا بتعمل ايه هنا
قاسى⬅نعم
خالد بتعجب⬅هو انتو تعرفو بعض
غروب بتلعثم⬅ ها لا دا سوء تفاهم مش اكتر.
خالد بشك⬅طيب يلا اجهزو عشان نمشى.
غروب⬅طيب
خالد⬅شكرا استاذ قاسى تعبناك معانا.
قاسى⬅ولا تعب ولا حاجه انا إلى متشكر على التنازل .
خالد⬅لا عادى ولا يهمك
قاسى⬅اوكى استأذن انا.
خالد⬅مع السلامه.
....................
فى مكان آخر بعيد قليلا عن ضجه المدينه وعن زحمه الطرقات.فى فله الشامل.
كانت تلملم بقايا ثيابها لتستر بها جسدها المتهالك من اثر عنفه معها.نظرت حولها لتجد انه لا يوجد غيرها بالغرفة. وقفت أمام المرأه لترى تلك الكدمات على عنقها وصدرها. لتمتزج دموعها مع ذكرياتها المؤلمه.مع معذبها وزوجها وحبيبها.لتلعن تلك الصدفه التى جمعتها به ولتشكرالقدر فى نفس الوقت انه جمعها به.
ارأءكم وتوقعاتكم وتفاعل عشان انزل بقيت الفصول.
*براء السيد*