حب حد الجنون

بارت (3)

بارت ~3~
الكاتبه ايمان الربيعي

ام زينب......زينب لج زينب اكعدي ماما مضل وكت مسافه الطريق
زينب......والله حرام يوميه اكعد من الصبح بلكليه هذي هم تعتبر عطله

ام زينب.....ماما حبيبتي كومي مضل وكت

زينب.....كمت كمت
زينب.....كعدت اخذت دوش سريع ونزلت اتريكت وصعدت ابدل قبل لا اصعد

علي .....زينب عود لبسي لبس محترم

زينب .....ليش لبسي يوميه ممحترم اشو حته بنطرون اذا البسه لازم ويا شي جوه الركبه وقله البسه

علي.....اي اي افتهمنه بس لبسي شي عريض لو عبايه راس

زينب....اوكي وصعدت رحت بدلت لبست صايه اسلاميه سوده وردانهه من جوه عريض وبي كيبور بيج مرتبه وحجاب بيج وجنطه وحذاء شويه عالي هم بيج وميك اب هم نفس الكليه مسكاره وكحله تحت العين فقط ومرطب ونزلت لكيت الكل مكملين صعدنه وانطلقنه علي اخذني الطريق كله يوصي

علي.....زينب هناك مو هم تكضيهه ضحك وتحشيش وهذي ضحكتج الفضيحه بطليهه هناك ومو تضلين 24ساعه وجهج بلموبايل تكومين وياهن وتساعديهم

زينب....انته شبيك وياي

ابو زينب.....علي كافي عوف اختك بدون مدكولهه هيه هيج حتسوي

علي....ادري بيهه ابوي بس لازم اوصيهه هم

زينب.....بعدني مواصله وطكت روحي طبعا اني ما اروح لبيت عمي الي هوه بيت جدي يعتبر من وره اشرف  تصرفاته ابد متعجب وكم مره اتقدملي بس رفضت اهلي  يكولون اله خل تخلص دراسه كمل الطريق والحمدالله وصلنه تلكونه بالباب ورحبو بينه

خل اعرفكم نفسي اني اشرف عمري 24 سنه طولي وسط وجسمي كذلك صاحب لحيه خفيفه اني عشق عمري وكلبي زينب بنت عمي الصراحه احبهه مو لان بس حلوه لانهه رزنه ومتواضعه بنات عمي البقيه ميجن قطره من جمالهه وشايفات نفسهن اما هيه تقدمتلهه هواي واهلهه كالو خل تخلص دراسه وعرفت اليوم تجي هلا عيني هلا كعدت من الصبح رتبت وعدلت وضلينه كاعدين ننتضرهم وصلو ونزلت من السياره ربي دخيلك هذي ملاك موبشر سلموا ورحبنه بيهم ودخلو وصلو الضهر كعدنه الزلم بلاستقبال والنسوان بلصاله

زينب.....سلمت ع بيبي ونسوان عمامي وبنات عمي وكعدنه شوي وصبو الغده لان وصلنه الضهر تغدينه وكمت وياهم شلت المواعين وغسلتهن وصبو جاي وانوب كعدنه كلنه سوه زلم ونسوان بده الشقه والضحك واباوع ع اشرف مشال عينه خلاااص اني كمت اودي بوجهي هيج وارده هيج اشوي كلت لبنت عمي

زينب....نورس امشي تعااي وياي لغرفتج اريد ابدل

نورس.....ادللي

زينب.....رحت بدلت لبست ثوب وعدلت حجابي شوي ونزلت ويا البنات رحنه للبستان طبعا لبست عبايه راس ورحت للبستان تونسنه حيل واخذنه صور كوومه .......مرت 3ايام ورحنه لبيت عموو واشرف حيل مضايقني نضراته وتصرفاته متعجب الى ان جنت نايمه الضهر اجتي نورس كعدتني

نورس.....زينب زينب لج اكعدي عمامي وجدي يصيحوج

زينب.....خير شكو

نورس....مادري

زينب.... نزلت ها خير شكو

الجد....كعدي جدو

ابو اشرف.....عمو انتي بنت اخونه واحنه اؤله بيج من الغريب لذالك انتي لاشرف واشرف الج وهوه ابن عمج ورايدج

زينب.....انتو من كل عقلكم تحجون جدو اني هسه ممفكره بلزواج خلاص وهوه شنو اؤلى بيج من الغريب هيه بضاعه لو شنو

ابو اشرف.....عيب عمو شنو هل الحجي

ابو زينب.....اني اكول خل ناجل هذه الموضوع

ابو اشرف.....براحتكم

زينب.....صعدت واجتي وراي امي

زينب....وهيه تبجي ماما هذه حجي الله عليج وفوكاهه انتو ساكتين شنو اني مو بتكم والله والله هسه نرجع ما اريد اضل

ام زينب....اي اوكي نرجع

زينب.....اتفقنه انو نرجع والكل عارض بس اني تمرضت

جدو.... بنيتي زنوبه لاتخافين محد بفرض عليج شي متردي

زينب.....تسلم جدو... لمينه غراضنه ورجعنه اول موصلنه كبل نمت كعدت راسلت زهراء لان مشتاقولهه مرت الايام عاديه وبده الدوام واليوم اول يوم وره العطله كعدت من الصبح بدلت لبست قمصله جلد بيج وتنوره جوزي ومكياج هلمره شويه الكحله ثخنتهه وحطيت حمره وردي خفيف وحجاب وجنطه وحذاء اجه الخط ورحت للكليه اول ماوصلت تلكتني زهراء حضنتهه

زينب.....لج مشتاقتلج

زهراء..... اني اكثر حب

زينب....حضرنه المحاضره الاولى ورحنه اكلنه وانوب حضرت المحاضره الثانيه بس زهراء ماكو طكت روحي وين راحت هاي كوه خلصت المحاضره وطلعت امشي واني شايله الفون اريد اتصل بزهراء اشوفهه وين راحت وفجأ انركعت بواحد وكع فوني وكتبي والجنطه واني لو ما ستر الله هم جان تفلشت

زينب...اخخخخخ وكبل دنكت ع الكتب بدون ما ارفع وجهي اخذت الكتب كال اسف رفعت عيني وجااان......

يتبع ....