حب حد الجنون

بارت (18)

بارت~18~

الكاتبه ايمان الربيعي

زينب:اشرف هددني اذا اضل وياك يكتلك وحلف وهذه مخبل يسويهه

منتظر:ههه زينب شبيج معقوله مجرد كلام من اشرف هيج يهزج

زينب:والله من حبي الك

منتظر:زين هوه شمدريه بعلاقتنه

زينب:مدري بس اني مكايله لكل واحد بس زهراء تدري

منتظر:معنى هذه الكلام يا زينب هوه كلشي مايدري بس مجرد شك وكال هذه الكلام في سبيل تتركيني

زينب:لا هوه كال اني كلشي اعرف

منتظر:مو هوه عالم الغيب استغفرالله

زينب:اوك منتظر رجعت علاقتنه بس شنو فايدته الى متى اني نهوه اشرف اريد اخلص منهه

منتظر:انشالله تنحل مبقه شي وعيونج يا زينب اتتي الي وبس وهذه وعد بس اريد منج تكوني قويه وكلشي ينحل

زينب:خلص المغذي ورجعني للبيت من سئلتني ماما كلتلهه تخربطت واخو صديقتي جابني اني ممجذبه هوه هم اخو صديقتي

منتظر:رحت وصلت زينب وضليت افكر شلون تنحل كلت خل اروح احجي ويا بالعين واغاتي بلكت يجي للطريق ثلني يوم طلعت للناصريه ورقمه عندي خابرته وحجيت ويا بهدو اجه كعد بالسياره كلتله خل نروح نكعد بمكان ونحجي ما عارض رحنه لكافتريا كعدنه

منتظر:اشرف اني مقدر وضعك انته تحبهه وهيه بنت عمك بس بنفس الوكت ع كد حبك الهه ضحي علمودهه اتمنالهه السعاده يعني انته رجولتك تتقبل ناهي ع ابنيه متريدك وحتلو صارت ملكك يجوز تتملكهه كلهه بس كلبهه لا

اشرف:شوف منتظر اني بنت عمي مستحيل استغني عنهه واني اولى بيهه من الغريب

منتظر:(اني كوه تماسكت اعصابي)يا اخي هيه بضاعه واولى بيهه هذه زواج والزواج مشروع مهم ترى الزواج مو بس نرضي رغباتنه هذي عشره عمر وافهم يا اخي والبنيه مرايدك واني راح اعوفك بس اذا اتحبهه ودكول اني صدك احبهه خليتهه اتركهه تعيش حياتهه تركته ورحت
اشرف:كلام منتظر اثر بيه بس مع ذالك مستحيل الغي النهوه

زينب:من حجيت لمنتظر ارتاحيت وحالتي اتحسنت

منتظر:رجعت للبيت كلت لزهراء تنطيني رقم زينب خابرتهه ورجعت علاقتنه ضلينه نحجي للصبح ع رغم تعبي بس من حجيت وياهه ارتاحيت حيل وحته النوم طار من عيني

زينب:اتصل عليه منتظر روحي ردت اليه وين صار6اشهر مسامعه هذه الصوت ضليت احجي ويا ورجعت علاقتنه وكال الاسبوع اليجي اودي مشيه لعمامج عسى وان يصير خير اني كلت ماكو فايده كال لا الله ويانه وعلي مر اسبوع وفد يوم اني كاعده بالحديقه دا اكلب بالفون اجه علي من بره لزم جهازي وكسره وكال روحه للكليه ماكو وحضري روحج بعد اسبوع يجي اشرف ياخذج وتنجبين وتكعدين اجتي امي ع صياحه وصارت مشكله واني بس ابجي وهوه يكول والله اذبحهه دفعني بالغرفه وقفل الباب وماما تصيح وماكو فايده بس اريد اعرف شنو صاير

علي:طبعا قبل شهرين كاعد ع النت واجتني رساله من رقم غريب دخلت كلت منو نورس سلمت عليهه وحجينه اشوي ونمت ثاني يوم كعدت الصبح لكيتهه دازه رساله صباح الخير هم جاوبتهه ضلينه نتراسل لمده شهر بس العجيب اني احبهه بس ليش ماكو اي شعور من اراسلهه وجودهه وعدم وجودهه نفس الشي وره شهر كالت اني احبك واريد تنطيتي جواب ما اريد اضل معلكه فكرت

بعقلي مو بكلبي وكلت هيه بنت عمي وخوش ابنيه والحب يجي كلتله احبج واستمرت علاقتنه شوي شوي كمت اتعود عليهه بس هيه دائما تسالني ع زينب مره كاعد نتراسل وكالت ترى زينب ومنتظر ع علاقه كلتلهه لا ماكو هيج شي كامت تحلف كلتله شنو الي يخليج متاكده كالت متاكده وخلاص ضليت اراقب زينب ماكو شي دنتراسل كالت ترى زينب دتشوف منتظر وتطلع هيه وياا وخاف يزوجون بالسر او حته اي شي يصير بيناتهم كمت اصيح عليهه ومصدكت كالت راح انطيك رقم ابنيه تعرف زينب وياهه بالقاعه واتصل عليهه واتاكد

علي:نورس احترمي نفسج واعرفي مكانتج زين اختي مستحيل هيج تسوي

نورس:هسه شنو خسران اتصل واتاكد

علي: بس نورس اذا طلع كلامج جذب تشوفين شي ميعجبج

نورس:هسه راح ادزلك الرقم

علي:اوك يلا بساع استعجلي

نورس:الرقم*********

اني ودق طبعا اني صديقه زهراء اخت منتظر واعرف زينب لان كلنه نفس القاعه اني من عائله حييييل فقيره بس ابد ما ابين فقيره كدام الطلاب هيج دائما اخذ ملابس من كرايبنه واكويهن واعدلهن ما يبينن قديمات مره زينب ممداومه وضليت كاعده اني و زهراء لان من زينب ممداومه زهراء تضل وحدهه رحت كعدت يمهه وطلعنه للكافتريا كالت اخوي خابرني راح اروح جانت ايدهه مكسوره

ودق:شفت سياره عاليه وكشخه وبيهه ولد صاااك خرب يومه ضليت اباوع عليه بس هوه يلعب بالفون وره مشفته كمت اتقرب من زهراء مو لان حبيته وحلو لا بس لان مبين عليه طااك مره سويت حساب ودزيتله رساله جاوب منو كلتله معجبه مجاوبني بعد فتره عرفت انو هوه يحب زينب متتت قهر لان زينب كلش حلوه ونازكه ضليت اجر الاخبار من زهراء وكالت ابن عمهه ناهي عليهه بس راح يقنعه ضليت اجر بالحجي علمود اعرف عمامهه لكيت احسن حجه علمود افر راس واحد من عمامهه

ودق:اكول زهراء بله خل نشوف منو الاحله اشرف لو منتظر

زهراء:طبعا اخوي

ودق:لا جد شوفيني الصور

زهراء:واني منيلي صوره اشرف

ودق:طلعي صفحته

زهراء:ما اعرفهه

ودق:زين انتي متعرفين واحد من اخوان زينب

الكاتبه ايمان الربيعي

شلونكم حبايبي مشتاقتلكم موت😻

بعد اشوي انشر بعد بارت

يتبع....