بارت~7~
الكاتبه ايمان الربيعي
زينب:زهراء هل مره عدهه شي كلساع وجابت سيره اخوهه وووووو اكو شي
زهراء:اليوم جبت زينب بالحجي عرفت اذا يجيهه واحد مناسب تقبل
منتضر:ها هيه هيج كالت
زهراء:يي والله هسه شكلت (طبعا اني اعرف منتظر معجب بزينب لان من يشوفهه رغم شخصيته شكد قويه اباوع عليه يتخربط وضعه)
منتظر:وصلنه للبيت رحت لغرفتي ضليت اكلب بالفون دخلت ع اصدقاء زهراء ادور ع صفحه زينب ماكو هذي زهراء خافيه الاصدقاء ضليت ادور الى ان نمت كعدت العصريه كلت لاامي من ارجع من الدوام توكلي واخطبهه
ام منتظر:صدك يمه والله كلووووووش اخواني كامو يركصون وزهراء تضحك وكلساع تريد تركص ابوي فرحان حيل رحت طلعت ويه جماعتي وبالي كله يمهه خرب يومهه رحت لزهراء دكيت الباب
زهراء:اتفضل عريسنه
منتظر:شبسرعه صرت عريس اكلج باجر اداومين مو
زهراء:لا عندي موعد يعني مراح تكدر تشوف حبيبت الكلب
منتظر:هههههه لا يمعوده وبداخلي ميت قهر
زهراء:غلقت فوني ونمت حته نسيت اكول لزينب باجر ما اداوم
زينب:نفس الروتين اليومي حته ملل بس منتضر مسيطر ع بالي ميطلع من بالي يربي بس لاحبيته لا شبسرعه مليت ونمت
منتظر:نفس يوميه انام وبالي يم زينب
منتضر:كعدت الصبح مدري ليش رحت للكليه مدري بس ليش مدري بس كلت لازم اشوفهه وصلت وضليت كاعد بالسياره نزلت هيه وصارت عيني بعينهه كبل دنكت وراحت شو راحت واني اريد اروح مكدر وره ربع ساعه اجتي متوجهه عليه
زينب:وره ماشفت منتظر كلت اكيد جايب زهراء وصلت للقاعه زهراء ماكو سئلت الطلاب هم ماكو يربي وين راحت كلت خاف تخربطت لو وكعت خل اكول لمنتظر الحك بيه بلكت مرايح رحت لكيته موجود بالسياره
زينب:منتظر زهراء ماكو بالكليه
منتظر:يي اليوم مداومت عدهه موعد
زينب:مداومت اني شفتك كلت اكيد جابهه
منتظر:لا اني اجيت علمودج
زينب:علمودي ليش
منتظر:ممكن نشوف مكان نكعد ونحجي بيه
زينب:اوك ..... ورحنه للكافتريه هوه هيبه من دخل للكافتريه كلهه تباوع عليه
زينب:يي تفضل
منتظر:احبج ومتطلعين من بالي ابدد واول مره احب
زينب:بس اني صافنه وبين الفرحانه وبين المرتبكه
منتظر:فكري بالموضوع واذا الامور مشت الاسبوع اليجي ادز اهلي يخطبوج ها شكلتي
زينب:وجهي صار دم اهواي اعترفولي بالكليه بس ليش هلمره هيج صرت مدري هو يسئل بيه واني مدنكه ولا كلمه
منتظر:اوك اني رايح فكري ع راحتج
زينب:راح منتظر واني ارجف وجهي احمر دخلت للمحاضره واني بس كاضيتهه صفنات
منتظر:متوقعت راح اعترفلهه بهل السرعه بس متحملت وكلتهه رحت لصديقي من صار وكت طلعه الكليه رحت للكراج علمود اشوفهه هيه اجتي صارت عيني بعينهه ضحكت ودنكت
زينب:خلص الدوام واني كلشي ممفتهمه وبالي كله يم منتظر طلعت وشفته كاعد بالسياره يربي لا اراديا ابتسمت ودنكت بالخط مشغلين اغاني وبالي يمه
منتظر:احس بفرحه والطريق كله فرحان وبالي يمهه يربي خليهه من نصيبي كبل طلعت الامام علي (عليه السلام) خابرت امي خاف اتاخر لان النجف بعيده علينه وصلت الله ياريحه ضريحك دخلت لزمت شباكه وكلتله
منتظر: دخيلك ياعلي نيتي صافيه خليهه من نصيبي اذا بيهه خير الي واذا مابيهه خير الي اهديهه وخليهه من نصيبي وازرع محبتي بكلبهه وصليت وطلعت مرتاح طبعا اني شيصير عندي من اضوج من افرح اروح الامام علي (عليه السلام)وصلت بليل للبيت كلت لاامي تحضر غراضي باجر عندي دوام ورحت مددت وصوره زينب متروح من بالي
زينب:وصلت للبيت وكبل لغرفتي بملابسي اتمددت ع الجربايه وافكر بيه وفرحانه وكمت احجي بيني وبين نفسي يي احبه واموت عليه واعشقه واضحك انوب رحت بدلت وحته منمت امدده وافكر بيه
منتظر:بعد تفكير طويل بزينب نمت وكعدت ويه الاذان صليت ولبست الزي العسكري ونزلت امي محضره الريوك وجنطتي تريكت وبستهه من راسهه
منتظر: وطلعت اول موصلت اتصل بيه الامر وكال لازم تطلع واجب حضرت نفسي وسلاحي وطلعت ويه جماعه وصلنه للمكان وجان ماكو احد بيهه بس احنه فجا صار علينه هجوم كدرنه ننتصر عليهم بس من نريد نطلع اصاوبت بجتفي وكعت صحت بااااسم (باسم صديق منتظر)ووكعت
باسم:كومته يمشي ومنتجي عليه اجونه سيارات دزونه واخذونه للمستشفى دخلو عمليات كلت لازم اخابر اهله خابرت ابووه هوه هم عميد
باسم:عمي منتظر مصاوب بالمستشفى
ابو منتظر:شلون وشوكت انته بيا مستشفى وحياته بس لا بخطر
باسم:لاعمي بس دخلوو عمليات عنوان المستشفى.....
ابو منتظر:جايك بسرررعه رحت كلت لاخوانه وكلتلهم لا يكولون لامه
ام منتظر:من منتظر راح لهسه كلبي يلووب وشفت ابوه اجاه اتصال وجهه صار اصفر وصارت حركه بالبيت
الكاتبه ايمان الربيعي
بنات ممكن تتفاعلون بالقصه وتسون تاكات لصديقاتكم يشاركون القصه حته يصيرلي واهس اكتب وانشالله ماقصر وياكم فديتجن كلجن ربي يحفضجن 😻😻😻
يتبع....
أنت تقرأ
حب حد الجنون
Storie d'amoreقصه تتحدث عن حب شريف وطاهر ونهوه وفراق وعذاب الحب اتركم مع القصه الكاتبه ايمان الربيعي
