بارت (4)
الكاتبه ايمان الربيعي
زينب....اخخخ وكبل دنكت ع الكتب بدون ما ارفع وجهي اخذت الكتب كال اسف رفت عيني وجان تصير عيني بعينه
هوه ضل صافن بوجهي اني كبل نزلت عيني جان يكول اسف منتبهت عليج
زينب....لاعادي مصار شي ورحت
هلاووو خل اعرفكم عن نفسي بطل القصه
اني اسمي منتضر اخوه زهراء تذكرتوني اني عمري 32سنه ضابط بمنصب رائد موصفاتي طوويل وجسمي مرتب حيل لان تعرفون ضابط وبلعسكريه تدريب خلا اجسامنه حديد
شكلي حنطاوي صاحب شوارب لان ممنوع الحيه عدنه وشعر اسود وعيوني كبار سود انتو تعرفون عائلتي من شنو متكونه زهراء عرفت عنهه
اني بطبعي عصبي نار وما اضحك عكس اخواني ومامتواجد دائما بلبيت انزل كل اسبوع ومرات اكثر اذا عدنه واجب واليوم نزلت وصار شهر مانازل
منتضر.....السلام عليكم
ام منتضر....يايمه وليدي هلا بيك وهيه تبجي ليش هيج يبعد امك والله كلبي ناار عليك يايمه شهر مشايفتك
منتضر.....يوم والله هذه اخر مره بعد كل اسبوع بست ايدهه وراسهه ورحت سلمت ع ابوي واخواني واخواتي اني مكايل لاامي جنت بواجب لان تضل خايفه عليه
منتضر....يوم زهراء وين
ام منتضر.....يمه بلكليه هسه فد ساعه ساعتين وتجي
منتضر ها خوش اني راح اروحلهه لان مشتاقلهه حيل اني و زهراء علاقتنه قويه لان زهراء قايمه بكل احتياجاتي وتحترمني حيل رغم عصبيتي بس هيه تضل ساكته
منتضر....رحت سبحت وبدلت وردت اطلع اروح لزهراء اجيبهه
ام منتضر.....يمه ضل ارتاح ونام هسه هيه شويه وتجي
منتضر.....لا يوم خليني اروح اخر روحه الي جانت زعلانه مني وطلعت الكليه خابرتهه واجتي تركض
زهراء....يبعد روحي خويه مشتاقتلك يعمري وين هل غيبه وشنو هل مفاجئه الحلوه
منتضر....يلا زاهر (لقب زهراء بلبيت )
زهراء.....خرب انوب بلكليه لا دكول زاهر بعد محد يحترمني مو خلي جذبتي مضبوطه كدام الطلاب ع ساس دلعي زوزو
منتضر....ولاتكعد راحه يلا خل نطلع والله تعبان
زهراء.....لعد بس خل اروح اكول لزينب خطيه تضل دور عليه
منتضر....يله يمعوده بسرعه وبا اثناء ما راحت زهراء ضليت واكف وطخت بيه ملاك من السما غير من حطيت عيني بعينهه دخت عمري كله شايف بنات كومه بس نفسهه ونفس ترافتهه مشفت ضليت صافن عليهه لا اراديا واني مو طبعي هذه ابد وراحت ضليت اباوع لحد ماجتي زهراء
زهراء.... زينب ماكو
منتضر.....يمعوده مديره اعمالج زينب شو امشي
زهراء....لا هذي ضلعه خطيه تضل دور خل اخابرهه
اوووووف جهازهه مغلق
منتضر....زهراء اني رايح عود ضلي يم صديقتج
زهراء.....لا لا يمعود امشي رحت ويا اريد اصعد بلسياره وشفت زينب بلكراج شسوي وبعد وكت
زينب.....ورا ما نضربت بالولد هوه ماشاءالله ضخم احس جتفي تفلش وموبايلي حاولت افتحهه ميصير وزهراء ماكو اخذت جهاز بنيه صديقتي خابرت علي يجيني وكال اني قريب من الكليه انتضريني بلكراج ولكيت زهراء واكفه ويه ولد منطي ضهرهه مدري شيطلع من الجنطه مال السياره
زينب....زهراء شسوين هنا
زهراء....انتي شسوين
زينب....تعبانه حيل وخابرت اخوي يجيني
زهراء....خير شبيج
زينب....لج اليوم لطخت بواحد فلشني حته فوني فلشه وبعدني ممكمله كلامي وندار الولد واجه لزهراء يبووو هاذ نفسه شيسويه هنا
منتضر....كاعد اطلع غراض من الجنطه ونداريت وشفت نفس الملاك واكف يحجي وي زهراء ضليت صافن عليهه الى ان رحت لزهراء
منتضر....يلا زهراء
زهراء.....نسيت اكولج هاذ اخوي منتضر اجه ياخذني
زينب....واني امتمت اهلا وسهلا
زهراء....منتضر وهذي صديقتي زينب او كول اختي
منتضر.....تشرفت بمعرفتج يلا زهراء صعدنه بلسياره وضليت اباوع عليهه واكفه كلت لزهراء هذي شسوي واكفه وحدهه
زهراء.....تنتضر اخوهه
منتضر.....كلوليهه خل نوصلهه بطريقنه درت السياره وصارت يمهه زهراء حجت وياهه
زهراء....زينب تعالي نوصلج بطريقنه
زينب....تسلمين حياتي هسه راح يجي اخوي هاا ذيج سيارته اجه
زهراء....يلا لعد باي يجوز باجر ماداوم
زينب....خزرتهه بحاجبي ورحت
منتضر.....طول ما زهراء تحجي ويه زينب اني مباوعت عليهه داير وجهي للجامه ليمي.....اجه اخو زينب واخذهه
منتضر....اي شخبار الكليه (طبعا ضليت هيج اسئلهه اجيبهه بلحجي وسئلهه عن زينب
زهراء.....تمام
منتضر....ي هيه حلوه اذا عندج صديقات مقربات
زهراء.....ي والله تدري منتضر زينب والله احبهه من اختي ع كد ماطيبه وحبابه وع نياتهه
منتضر.....امممممم انتي امشي ويا الخوش زهراء
زهراء.....اكيد هيه حبابه حيل شكد بلكليه يصارحونهه هيه ابد ماتنطي مجال
منتضر.....ي غير مرتيطه
زهراء....لا لا البنيه حته حب متحب
منتضر....اممممم لان رحتي هيه هم راحت
الكاتبه ايمان الربيعي
شكرا ع تعليقاتكم والكلام الحلو 😍😍
يتبع.....
أنت تقرأ
حب حد الجنون
عاطفيةقصه تتحدث عن حب شريف وطاهر ونهوه وفراق وعذاب الحب اتركم مع القصه الكاتبه ايمان الربيعي
