حب حد الجنون

بارت(14)

بارت~14~

الكاتبه ايمان الربيعي

 منتظر:اليوم انزل لااهلي وتعبان حيل وزينب من الصبح لسه اتصل عليهه ماكو بالطريق الرجعه اتذكرت صار اهواي مازاير الامام علي(ع) كلت خل اطلع للنجف رحت بسرعه للبيت سبحت واكلت ولبست دشداشه وطلعت

زينب: الضهر بدلت ع السريع ولبست عبايه وطلعنه وصلت للضريح افيييش الريحه والمكان يرد الروح اول مدخلت الامام كمت ابجي بحركه ضليت ابجي وصليت وماما كالت

ام زينب: صار ازدحام خل نطلع نكمل صلاه

زينب:طلعت صار بوجهي منتظر دا يصلي ضل صافن انوب ضل يصلي واني كبل دموعي نولن

منتظر:رحت زرت وطلعت اصلي يربي اني اتخيل لو صدك هذي زينب من شفتهه حته صلاتي خربطت بيهه عيونهه حمر من كد ما باجيه ومن شافتني هم ضلت تبجي كملت صلاه

منتظر:وضليت اباوع عليهه واشرتلهه ع القران بمعنى اقري قران واني هم قريت لشوي واخذتهه امهه ضليت اباوع عليهه الى ان راحت واني طبيت زرت مره ثانيه الى ان صار الليل رجعت البيتنه ميت تعب بسرعه نمت كعدت من وكت خابرت زينب حجينه شوي بس هيه متغيره كللش مو نفس قبل من تضحك وتشاقه صرت اني كوه اضحكهه واني ميت قهر من داخلي بس هيه متتحمل نزلت اتريك ابوي كال

ابو منتظر: اكو شيخ يعرف بيت عم زينب معرفه قويه وبيناتهم صداقه راح ناخذه ونروح عليهم كلتله هاهيه بس ادري هذه راح يضل ع اعناده راحوو اهلي ونفس ما اتوقعت كلت هاهيه اروحله اني احسن بس خلي ها لشهر هذه لحد يروح عليهم
 

زينب:استمريت اني ومنتظر وحبي الى يوميه يزيد اجتي امتحاناتي دور ثاني من اروح امتحن اشوفه منتظر بس اغلس واركب بالخط ثاني امتحان طلعت وكف كدامي وكال بسرعه اصعدي

زينب:منتظر وين رايحين

منتظر:ما رايحين لمكان الخط بعد ساعه يله يطلع مو

زينب:يي

منتظر:ابن عمج الى متى يضل معند

زينب:مدري

منتظر:زينب اني احبج والله لو اعرف اخطفج وازوجج

زينب:ضليت ابجي هوه بيده مسح ادموعي ولزم ايدي جسمي كله كام يرجف اول مره ولد يلزم ايدي وشعور حلو

منتظر:شفتهه تبجي متحملت مسحت ادموعهه ولزمت ايدهه تخبل ناعمه هيه استحت ودنكت اتي ضليت لازم ايدهه قووي بعدين هيه سحبت ايدهه وضليت صافن بعيونهه اتمنيت احضنهه كل قوتي بس هيه مو حلالي مكلتلهه روحي للخط راحت وضليت اباوع عليه بس بعدين شفت ابو الخط كلساع يحجي وياهه وماكو بنات بالخط بس هيه خابرتهه

منتظر:هسه تنزلين من الخط بسرعه

زينب:ليش

منتظر:بسرعه دا اكلج نزلي واني اوصلج

زينب:اوك اوك كلت لاابو الخط اخوي يجي ياخذني ونزلت رحت لمنتظر

زينب:شبيك شكو

منتظر:هذه ابو الخط اخر مره تصعدين ويا امشي اني اوصلج

زينب:شلون انته توصلني

منتظر:ليش ماعندج ثقه

زينب:لا والله بس خاف احد يشوفني

منتظر:اوصلج لراس الفرع

زينب:اوك

منتظر:اخذنه الطريق كله اغاني ولازم ايدهه وشقه وضحك نسينه كلشي وصلتهه لراس الفرع وضليت انتضرهه الى ان وصلت بيتهم

زينب:اليوم حسيت بفرحه محسيته كل عمري اول موصلت خابرني منتظر وضل يحجيلي عن اليوم وشلون فرحان ضلينه نحجي بعدين كلتله جوعانه اريد اكل سديت الخط ونزلت فرحانه حته اهلي متعجبين وامي اتصلي ع النبي بس علي كال

علي:ها يعني قبلتي با اشرف

زينب: راحت كل فرحتي بحجيه ضليت ع اتصال بمنتظر طلعت النتائج والحمدالله نجحت

منتظر:قررت هذه الشهر اني اروح لااشرف وصدك صار من نزلت اخذتلي يومين ورحت عندي هناك صديق بالناصريه رحتله سلمت عليه ورحت لبيت اشرف ضليت انتضره يطلع وره اشوي طلع رحتله

منتظر:السلام عليكم

اشرف:وعليكم السلام منو

منتظر:ممكن تجي نحجي بالسياره

اشرف:ليش شرايد

منتظر:لا تخاف ما اسويلك شي ليش صرت اصفر

اشرف:ميخالف منو كلك خايف

منتظر:لعد تعال ويايه اجه وياي صعد بالسياره اخذت السياره ع صفحه

منتظر:عرفتني

اشرف:لا

منتظر:اني منتظر معقوله معرفتني يوميه ادز مشيه عليكم

اشرف:هااا انتي الزينب قبلت بيك مووو

منتظر:بالضبط شوف راح احجي وياك بالعين واغاتي تفهم لو افهمك بطريقه ثانيه

اشرف:زينب الي وبس

منتظر:خل اكمل حجي واحجي اني رايد زينب بلحلال وانته واكف بطريقنه بس انته لو عندك كرامه جان مسويت هيج البنيه مرايدك كوه تزوجه وهي عقول النهوه وما نهوه بطلوهه شوف العالم وين وصلت واحنه لسه بالعقول النهوه راح انطيك يومين اذا لغيت النهوه خير ع خير بس اذا ملغيتهه تشوف شي ميعجبك ويلا انزل بسرررعه

اشرف:تهدد موو

منتظر:شنو تعتبرهه اعتبرهه

اشرف:وره محجه منتظر هيج عرفته مناوي ع خير وهذه ضابط كلشي بيده يسوي

منتظر:رحت يم صديقي هوه هم اعزب ممزوج ضليت يمه يومين وانوب رحت لااشرف وعرفت باقي ع عناده طلع من بيتهم سحلته سحل واخذته كتلته واجهني لزمته دميته ادمي وهوه مابي حظ ع نفسه مكدر يدافع انوب عفته

منتظر:شوف والله والخلقك اذا متلغي النهوه باتصال واحد امحيك من الوجود افتهمتتتتت اخذت سيارتي و رجعت لبيتنه

الكاتبه ايمان الربيعي

صباح الخير هلا والله شلونكم شعلومكم حبايبي
مشاهده ممتعه🌸🌸

يتبع.....