حب حد الجنون

بارت(6)

البارت~6~

الكاتبه ايمان الربيعي

زينب...الوو زهوره شلونج اكلج حبي وين بيتكم بالضبط
احنه وصلنه بس منندل وين بالضبط

زهراء....اوك انتي مو وصلتي للمنطقه ضلو واكفين براس الفرع هسه اخويه يجيكم

زينب...اوك باي

زهراء....منتضر صديقتي اجتني واكفه براس الفرع وميندلون بيتنه بالضبط وين روحلهم بالسياره

منتضر....اوك ...حركت السياره ومشيت شفت سياره وبيهه ولد ومره متوسطه بالعمر و زينب نزلت من السياره همه هم نزلو ونزلت هيه وعمري كله كله من اشوف بنيه كلبي ميدك واعرك هذي اول مره تصير عندي

زينب....كاعدين بالسياره وشفت اخو زهراء مدري ليش من شفته كلبي دك دكه سريعه بعمره مداكهه سلم علينه وكال يلا تفضلو البيت قريب منا علي اخويه كال

علي....تسلم خويه اني اذبهم اشويه واجيهم عندي شغله هنا

منتضر....لا والله ميصير تفضل يمنه

علي....تسلم بس والله عندي شغله هنا

منتضر....لعد روح لشغلتك والبيت قريب منا خل يجون اهلك بسيارتي

علي....هاهيه لعد مشكور

منتضر....اجني بسيارتي وصعدن ليوره وجهت المرايه ع مكان زينب وكمت امشي ع كيف علمود منوصل بسرعه شويه وصلنه ونزلن

زينب....وصلنه لبيتهم يربي يجنن فتنه استقبلونه احسن استقبال وجوهم تضحك وام منتضر اول مشافتني صلت ع نبي حيل حبيتهه رحت لزهراء ضلينه نضحك شويه وامي كالت يلا ماما

ام منتضر....وين خيه والله متطلعون وكت غده وتطلعون

ام زينب....والله غير مره انضل

ام منتضر....والله متطلعون الى تتغدون

زينب....ضلت ام منتضر تلح ع امي اضطرينه انضل واني كيفت وخابرت علي وكال هاهيه اصلا صديقي هم لزمني ع غده

منتضر....احنه كاعدين بالاستقبال اني واخواني وابوي مطلعنه لان نسوان بالبيت لشوي وفاتت امي

منتضر....يوم خاف يردون يرحون لتخليهم خل يضلون للغده عيب

ام منتضر....يي يمه كلتلهم بدون متكلي

زينب....صبو الغده وتغدينه وكمت اريد اغسل يممممه وجان يصير بوجهي منتضر اني كبل رجعت ليوره ودنكت هوه دنك وطلع يممممه عطره يموت خرررب
وره اشويه اجه علي وسلمنه وخطيه ام منتضر بس تبوس بيه طلعنه ومن طلعنه لكيناه واكف برا هةه وعلي  يربي ليش مكدر اباوع عليه سلمنه وطلعنه

منتضر....كلت بكلبي هسه لو ضالين جان شصار رحت لغرفتي مددت واني هل بنيه متروح من بالي نمتلي شويه كعدني عباس وكال امي تريدك

ام منتضر....وره مشفت زينب وجمالهه رحت لزهراء
يوم زهوره هاي صديقتج مخطوبه

زهراء....لايمه ليش

ام منتضر.....والله يايمه جمال وثكل ونزاكه وتلوك لمنتضر بلكت الله يهديه

زهراء....ماما منتضر عنده بخت اذا اخذ زينب لان هيه ورده مال الله

ام منتضر....انشالله اليوم احاجي

منتضر....ها خير يمه

ام منتضر...يمه شنو رائيك بصديقه زهراء زينب

منتضر....سويت نفسي ما عرفهه منو منهن

ام منتضر....يمه شبيك اليوم الي اجتي زينب

منتضر....خوش بنيه شبيهن

ام منتضر....خل اخطبهه الك والله متلكه احسن من هيج

منتضر....هااا

ام منتضر....شبيك شو صفنت

منتضر... خليني افكر

ام منتضر....ع راحتك
ولج زهوره اخوج اول مره يكول ع وحده خل افكر

زهراء.....صدك ماما بلكت تصير يربي

زهراء....اخذت اجازه سبوع ويوميه نتراسل اني و زينب رضيت اداوم ومنتضر كال اني اوديج واجيبج طول ما اني مو بالدوام ومن التحق اياد يوديج ويجيبج

زهراء....كعدت من الصبح لكيت منتضر كامل هلا عيني شنو هل الاناقه

منتضر...ههه يله اتاخرنه

زهراء....اهووو منتضر هذي عود اطول ضحكه عندك

منتضر....لج يله اتاخرنه ومو بالكليه تضلين تفترين زهراء ديري بالج تره ايدج بعدهه

زهراء....طبعا بس اذا زينب طلعت اطلع وياهه

منتضر....خير انشالله وطلعنه وصلت للكليه زهراء نزلت وراحت شفت زينب تريد تنزل من الخط هاي احسن فرصه اضل اباوع عليهه بدون متشوفني بقيت صافن عليهه هيه صارت قريبه من سيارتي دكيتله هورن خطيه فزت فزه وكالت يمه وضلت صافنه بوجهي

زينب....نزلت من الخط ودا امشي واحد دكك هورن غير متت بدمي باوعت عليهه طلع منتضر خررب حضي

منتضر....نزلت من السياره كلتله اني اسف بس عندي شغله وياج

زينب....تفضل

منتضر....زهراء اليوم داومت

زينب....صدووووك والله فرحت

منتضر....يي وهيه موزين عليهه التعب وتضل تفتر يعني من المحاضره تضل بالقاعه واحد يجيبلهه اكل علمود لان مكان بارد وهيه اديهه بعدهه وهيه كالت اذا زينب تطلع اطلع اني اريد اطلب منج هل كم يوم تضلين وياهه وديري بالج عليهه

زينب....بدون متوصي هذي اختي

منتضر....مشكوره اخذي راحتج
راحت وضليت كاعد بالسياره وقررت اكول لامي تخطبهه الي لان متروح من بالي هل بنيه ضليت افتر بالسياره وبالي يمهه ميروح صار وكت طلعت زهراء رحتلهه ضليت انتضر شفتهه هيه وزينب تمشي

زهراء....كلتلهه تعالي ويانه مقبلت رحت صعدت وزينب صعدت بالخط

زهراء....اكول منتضر شكلت ع زينب

منتضر....الله كريم

❤الكاتبه ايمان الربيعي ❤

اسفه ع اتئخرت عليجن بس والله تعبانه والنت زفت

فديت والله ع هاذ التفاعل ربي يحفضجن