حب حد الجنون

بارت (24)

بارت~24~

الكاتبه ايمان الربيعي

زهراء:بدت التحضيرات لان المشيه بعد باجر واني اكعد بالغرفه بس من اطلع اشاقه واضحك ولا ابين من اشوف منتظر فرحان لان قريب عرسه بس شهر لو اقل ويعرس من زينب افرح لفرح منتظر اجه يوم الخميس

زهراء: ماما كالت بس مشيه وعقد سيد بعدين حفله الخطوبه كعدت الصبح متاخره سبحت وتغديت لان كعدت ب12ورحت شسورت وهل علي جايبين فستان ابيض كولش حلو وعلب مكياج وحذاء وابيض احنه بعاداتنه بعقد السيد نلبس ابيض والاغلبيه هيج يسون اجن بنات عماتي وخابرت زينب تجي اجتني هيه مكيجتني

علي:كعدت من الصبح رحت اني وامي جبنه ملابس وغراض لزهراء وديتهن ورجعت المسافه البينه وبينهم فوك النص ساعه من رجعت لكيت زينب مبدله وتنتضرني اوديهه لزهراء

علي:خرب ولج قبل شويه وديت الغراض ليش مكلتي

زينب:ما ادري هسه خابرتني ولازم اروحلهه

علي:شسوين

زينب:امكيجهه

علي:كولي اخربهه عوفي البنيه هيه حلوه مو ترحين تخربيهه

زينب:لالا لتخاف اسويهه تخبل

علي:وديت زينب ورجعت تغديت ع سريع والعالم يمنه وهوسه رحت سبحت ولبست قاط نيلي وقميص ابيض ونزلت لكيت الكل متحضرين طلعنه لبيتهم

زهراء:اجتني زينب مكيجتني وشعري عفته ع طوله لان هوه طويل بس من كدام رفعته وبدلت ونزلت اخذ صور اني والبنات

زينب:لج زهراء كافي صور مضل وكت الي اريد اروح ابدل

زهراء:خلي منتظر يوصلج لان علي اجه مرتين

زينب:هااا تخافين عليه يتعب

زهراء:لا بس اريد اخويه يشوفج لان من اجيتي ليهسه يلوب بس يريد يشوفج

زينب:هههههه لا اهلي يضلون يحجون والله خابرت عبدالله اجه وصلني وشفت منتظر يباوع عليه متغير وفرحان الله يديم الفرحه عفته وصعدت بالسياره وعبدالله يمشي ع كيف

زينب:عبدالله مضل وكت شويه امشي سريع

عبدالله:يمعوده لايصير حادث ههههه

زينب:ههههه اوك وصلني عبدالله رحت بساع لغرفتي مضل وكت بدلت ودا اشسور واتصل منتظر

زينب:الو

منتظر:طفي الشسوار واحجي

زينب:يااا نسيته يي كول لان مشغوله

منتظر:حجاب مينزع اوك ولبس محشتم تجين بيه

زينب:يي حجاب البسه من اوصل انزعه

منتظر:لا هم عوزج بالشارع تنزعي حته من توصلين متنزعي اووك لان هاي مشيه عود بالحفله نزعي ولبسي  محتشم لان اخاف عليج من عيون النسوان اووك يله باي

زينب:بعدني ممكمله سده بوجهي اووف هسه شلون نشفت شعري وشسورت ع سريع ورحت طلعت فستان سمائي نفش شويه وطويل وردن وحجاب كريمي ستن ومكياج حطيت بس مو طوخ وحذاء كريمي وجنطه صغيره وطلعنه سيارات حيل اهواي اني وبابا وماما وعلي بسياره

زهراء:ضلينه كاعدين شويه واجتي المشيه ضلو يتناقشون شويه وكالو تعالي الشيخ راح يعقدلج من وره الباب من عقدلي الشيخ متحملت بهذيج الحضه وكمت ابجي بعدين من شفت ماما هم تبجي مسحت ادموعي وابتسمتلهه كمل العقد ردت ابدل ام علي مقبلت كالت لا خل يجي يشوفج اني بالبدايه عارضت بعدين كالت لا ماما لازم يجي يشوفج وتاخذون صور لشوي

زهراء: كاعدين اني وزينب ماما كالت علي بالستقبال رايدج ردت البس حجاب ماما كالت لا خفت الناس كلهه بالحديقه عادي رحت امشي وارجف اول مدخلت هوه وكف وضل يباوع عليه اني بسرعه باوعت عليه ودنكت صح طالع كووولش حلو بس اني كارهته بسبب الي سواه

علي:وره مخفت الناس كلت لاامي تصيحلي زهراء خرررب من فاتت ولابسه ابيض غير تكتل سلمت عليهه وكلتهه طالعه حلوه ابتسمت ابتسامه خفيفه

علي:شلونج

زهراء:تتوقع شلوني لك اني شكد شايفه ناس انانيه بس مثلك مشفت لك خليتني غصبن عليه اوافق

علي:اول شي من تحجين لا دكولين لك افتهمتي وثاني شي اذا مراضيه بهذه الزواج ليش وافقتي احد جابرج

زهراء:انته جبرتني وخيرتني بين امرين

علي:وانتي ما مخليه واحد مكلتيله رفضت علي شنو حلو هيج شي بنضرج

زهراء:والله مكايله

علي:لتحلفين بالله اذا تردين هسه الغي كلشي

زهراء:مستحيل بعديش وبعدين راح اضل خطيبتك واصير زوجتك بس مراح تجمعنه  اي علاقه ورجا ما اريد اتصال بينه

علي:طبعا مو صوجج صوج الي راد يسلم عليج واني هم ماميت عليج علمود احجي وياج عفتهه وطلعت وكلت لهلي يله اخذت الطريق كله مقهور  حيل من كلامهه بس اني الج زهراء اذا ماخليج تتوسلين ترجعين الي وصلت اهلي وبدلت وطلعت رجعت باليل الكل نايم رحت سبحت وتمدتت وافكر بيهه شلون طالعه اليوم واتمنه نفس اي شاب خاطب يتصل بخطيبته بس ماشي يا زهراء والله تتندمين ابسط حقوقي منعتيني منهه

زينب:اهل منتظر اتفقو ع مشيه مالتي بس كالو نسوي حفله وياهه هم اجه منتظر وامه واني وامي اخذنه منتظر ورحنه نشتري ذهب سوالي تخم كولش حلو وفخم ونقش ع حلقات اسامينه واشتريت فستان نوم ابيض طويل وعليه روب للعقد واني منتظر عجبنه قران كلش حلو هم اشترينه انوب رحت اشتريت فستان كلش حلو ماروني يسمونه سمجه من جوه نفش حيل ومن فوك ضيك واني جسمي مليان طلع يطلع يخبل وحذاء بيج كملنه غراضنه وتغدينه بالمطعم ورجعنه ثاني يوم ماما راحت اتفقت ويا ام الصالون رحت حفيت لاول مره شكلي تقير جذريا كالت بيوم العقد تعالي من وكت انوب اجه الضيم الاكثر سويت تنضيف لجسمي بنت خالتي سوتلي شيره زوركتني اجه يوم العقد جان جمعه كعدت سبحت واكلت ورحت للصالون

الكاتبه ايمان الربيعي

البارت800كلمه بليل انشر بعد بارت

يتبع....