حب حد الجنون

بارت (28)

بارت~28~

الكاتبه ايمان الربيعي/

زهراء:اوك كمت سبحت وبدلت لبست كوستم كامل لون سمائي وبيه ابيض وشسورت شعري مبلل ولبست حجاب سمائي وحذاء ابيض وجنطه ابيض وعدسات ومكياج شويه طوخته

علي:بدلت لبست بنطرون سمائي وقميص ابيض وطلعنه تريكنه ونوب طلعنه

زهراء:الطريق كله مخنوكه وخايفه شلون اعيش خذي الايام وصلنه لبيتهم لكينه اهواي عالم موجوده ذبحو طلي جوه رجلينه ودخلنه شكد جنت ضايجه بس من شفت زينب ارتاحيت حضنتهه واكو اهواي نسوان سلمت عليهن شويه وصعدتني زينب لغرفتي ارتاح لشوي واجتي ام علي سئلتني كلتلهه كله تمام والحمدلله ما طلبت مني نيشان ضلينه نتشاقه اني وزينب لشوي اجه علي زينب طلعت بسرعه

علي:امي سئلتج شي

زهراء:يي وكلتلهه كله تمام

علي:هاا طلعيلي دشداشه البيضه مالتي بسرعه

زهراء:هاا وينهه

علي:يعني برئيج وين شوفيهه بالكنتور اسئلي امي هيه عزلت ملابسي

زهراء:اوك ضليت ادور لكيتهه معلكه والحمدلله مكويه انطيتهياه شو هذه بدل كدامي

زهراء:شو انته متستحي متبدل بالحمام مجاوبني باوع وخزرني اني هم غلست ورحت طلعت درعه بيج وشسورت شعري وحطيت مكياج فتحت الباب ردت انزل صار بوجهي علي

علي:اريد ادخل للغرفه صارت بوجهي زهراء خرب يومهه شكد حلوه من اشوفهه ما ادري ليش اضعف

علي:شدعوه هالكد مكياج

زهراء:غير عروسه

علي:هههههههههههههه والله ضحكتيني يازهراء

زهراء:ليش اني شحجيت

علي:عود من تصيرين صدك عروسه حطي هالكد مكياج

زهراء:ضليت ساكته غير ضوجني بهذه كلامه عفته ونزلت ضليت يم زينب وكلساع تجي مره تباركلي وتنطيني صباحيه لشوي تغدو وكفو الغده والعالم راحت اني كمت ما اشوف من النعاس رحت بسرعه بدلت ونمت بس علي  ماكو واستحي اسئل عليه كعدت العصر لكيت زينب صوته عالي وتصيح

زهراء:خير زينب شبيج

زينب:ولج اخوج يريد الاسبوع اليجي العرس واني كلشي ممحضره

زهراء:يمعوده اعذريه صارله شكد ينتضر مو حته روحه خلصت ضليت احجي ويا زينب واقنع بيهه بعدين كالت لعد خلي بعد اسبوعين عاد احضر روحي خابرته وكوه قنع بعد اسبوعين ضلينه كاعدين اني وزينب بالحديقه لشوي واجه علي مسئلت وين جان كبل راح كال راخ انام ولحد يكعدني ضلينه كاعدين اني وزينب لشوي اجوي اخوانه وعمو ابو علي وام علي اهلهه كلش حبابين لدرجه حسيت نفسي كاعده ويا اهلي بس علي هيج حقنه عليمن طالع مادري راحو يسون عشه ردت اساعدهم خاله ام علي قفلت فدنوب كالت لا بعدج عروسه ضلو يحضرون بالعشه واني كاعده يمهم لشوي وكالت خاله ام علي روحي كعدي علاوي كلتله كال لحد يكعدني كالت لايمه كعدي دنيه غروب مو زين رحت اريد اكعده متردده كلتله علي علي ماكو انوب ندسته بجتفه صااح هاااا خير شكو

زهراء:خاله ام علي دكول خل يكعد يتعشه

علي:وليش ما اجتي خالتج هيه كعدتني

زهراء:شمدريني هيه دزتني هسه فوك ما اكعدك

علي:وهيه هيج الي يكعد بشرر وبعدين شنو هذي اضافيرج قرضيهن

زهراء:لا اله الى الله عفته ونزلت لشوي وهوه هم نزل تعشينه بعدنه ممكملين عشه اجوي جماعته للاستقبال حضرنه الهم حلويات وكعدنه نتفق اني وزينب وخاله ام علي ع تحضيرات عرس زينب خاله ام علي كالت من باجر احضرلج شويه من غراضج ضلينه نتناقش لشوي اجوي اخوان علي وابو وضلينه كاعدين نسولف اجه علي كبل خزرني وكعد يمي وكال حطي حجابج ع راسج اني كبل لبست حجابي عمو ابو علي شلون حباب وسبورت يشاقه وياي ويكلي معليج بعلاوي اني يمج لشوي خاله ام علي كالت روحو نامو علي ماصدك كبل صعد واني ضليت كاعده خاله كالت روحي وره رجلج رحت لكيته مدد ع جربايه ويباوع ع تلفزيون ضليت ادور ع فراش افرش بالكاع

علي:انتي شدورين صار ساعه تحوسين

زهراء:اريد افراش

علي:شتسوين بيه

زهراء:انام بالكاع لعد شسوي بيه

علي:دتعاي نامي هنا احسنلج

زهراء:مستحيييييل اني اريد انام بالكاع ما انام يمك

 علي:اكلج واني شبيه مو راح اجي اطيح حضج

الكاتبه ايمان الربيعي/

مشاهدة ممتعه🌸🌸

سوري بس والله تيفو وفقر دم وكلش تعبانه 😢

يتبع.....