حب حد الجنون

بارت (1)

السلام عليكم اليوم راح ابدي قصه مختلفه .....

ولج اكعدي ماما مضل وكت امشي روحي بدلي سجلي ابوج ينتضرج .....ي ماما بس خمس دقايق
الام .. يله بسرعه بين ما اسوي ريوك الكاج كاعده
...يله بعد وكت بس خل اخذلي غفوه
الام .. ولجججج لسه مكاعده اني اعلمج ضلي ع نومتج
.....والحسين كعدت

اؤؤؤف ماما دوختني ونسيت اعرفكم عن نفسي
اني اسمي زينب عمري حيصير19مرحله اولى عرفتو
بعدني اريد اروح اسجل .......مواصفاتي ..
بيضه وعيوني كبار عسلي ورموش سود ثخان وعندي خديدات والاهم الغمازه وشفايف صفيره وشعري اسود ليل وحييييل طويل اما طولي وجسمي طولي حلو اني مو ناعمه وجسمي احلا شي بيه لاضعيفونه ولاسمينه
مترووس بس ما مخربط طبعا اليوم كؤله تعب تسجيل وكذاا وجو الجامعه الجديد وما اعرف احد يربي وصديقاتي بغير كليه واكفين وتعبانين اجتي بنيه بصفي حلوه ونازكه صارت هوسه طخيت بيهة حيل خطيه تكسرت كلتلهة اسفه حبي كالت عادي ....
رجعت للبيت هلكاانه بسرعه اخذت شاور ونمت كعدت ع عركه اخواني الكهرباء تفصل واحد يريد يشغل بلي واحد يريد يشغل التلفزيون طبعا اني الوحيده معندي اخوات عندي اخوان 2اكبر مني علي وحسين ...
و2اصغر مني اركان وعبدالله طبعا علي وحسين تؤام اكبر مني ب3 سنوات واركان بالخامس علمي وعبدالله سادس ابتدائي بابا مهندس معماري وماما ربت بيت طبعا اني دلوعه بابا حته اخواني الصغار يغارون بهذا عمري ومن يطلع يطلعني ويا مرات انام يمه هوه وماما ومعتبرته صديق الي واحجيله كولشي ....
هوه منطيني حريتي بس بحدوود كولشي بحدود وعنده ثقه عمياء بيه ...
بس من بلشقه اخواني يكلولي شوكت نخلص منج يكول هذي ما انطيهة يمي عزيزه ابوهه واذا انطيهة لرجال كفو مو هيه تختار شلون ملوون ..
واني هم ممفكره بهذه الشي خلاص
ع الرغم هواي من جنت اداوم تقدمولي بس ادري بنفسي ما ادبر دراسه وزواج والشهاده  هسه سلاح للمره

ورا ما سجلت بلكليه كلت لماما اروح اشتري ملابس
زينب.... بابا اريد ملابس للكليه
ابو زينب.... دللي بابه روحي انتي وامج واخلي علاوي يوصلجن بسياره
زينب .... حبيبي انته مووواح
تغدينه وكملنه غسلت المواعين ورحت العب بل فون شويه صار العصر بدلت لبست بنطرون نيلي كابوي وقميص ابيض شويه طويل
فود ركبتي بشويه وحجاب وجنطه وحذاء طلعت ...
لكيت ماما تنتضرني وعلاوي وصلنه وكال
علي ....يووم لاتشتريلهة قصير وضيك حيل تره نص الجامعه عرف
زينب ....انته شدخلك ادخل من تشتري انته
علي .....انجبي واشتري عدل والله اذا اشتريتي قصير ما اخليج تلبسيهه يضلن بلكتنور
زينب .....اني مراح ماشتري قصير مو لان انته كلتلي لا لان اني اريد هيج
علي .....هههههههههه ي اوك من تكملون اتصلو علمود اجيكم باي ست زينب
زينب ....ضليت افتررررر لحد متكسرن رجليه واديه وكعن من العلاليك
ام زينب ....ماما زنوبه الملابس مراح اطير اشتري قسم وره اسبوع نرجع نشتري قسم وانتي ملابسج كومه هسه اليشوفج يكول معدهه ولا لبس
زينب .....عيوني يانبع الحنان والله بعد اسبوع متاخذيني حتكولين منو اخذج قبل اسبوع وتاكلين راسي وبين مدا اشتري وشفت ......
زينب..... ماما  ماما شوفي شوفي

الكاتبه ايمان الربيعي

بنات هاي اول قصه الي اتفاعلو بيهة فدوه 😍😍

يتبع .....