حب حد الجنون

بارت (27)

بارت~27~

الكاتبه ايمان الربيعي

زهراء:كبل بدلت ع السريع لبست روب ابيض اشتريته طويل للكاع وصلوخ يعني مستور طلع علي من الحمام

علي:ضليت اباوع عليهه يربي هاي شتلبس تطلع تخبل ملاك مو ابنيه

زهراء:يباوع عليه ومن اباوع عليه يسوي نفسه يلعب بالفون

علي:شفتهه مبدلهه وطالعه كووولش حلوه اباوع عليهه ومن تنتبه عليه اسوي نفسي العب بالفون

زهراء:كلت خل احاجي بالموضوع اهواي احسن بعدني محاجيه اندكت الباب راح طلع موصي ع اكل لان بالفندق جوه مطعم

علي:لا تعالي اكلي

زهراء:ما اريد

علي:تعالي اكلي ما الي خلكج ادري جوعانه بس تستحين
زهراء:خررب هذه ولا يستحي رحت كعدت اكل لان صدك ميته جوع

علي:اكل واباوع عليهه تستحي تاكل شويه شويه انتي دتاكلين لو تشاقين ويا الاكل

زهراء:دا اكل وكلي تشاقين ويا الاكل صدك ضحكت سوالفه تضحكن

علي:اكلي اكلي زهراء لتستحين تردين اروح اطلع وتاكلين ع راحتج

زهراء:لا لا راح اكل هوه كمل اكل بسرعه ع بالك يتسابق ويا الاكل من كمل اكل اني ورا بشويه كمت استحيت اضل اكل رحت عزلت مكان الاكل وغسلت وكعدت اريد افل التسريحه

علي:اباوع عليهه تريد تفل التسريحه وشعرهه حلو رحت افتح التسريحهه شوي شوي وهيه اباوع عليهه ارتبكت حيل

زهراء:اجه هوه فتح تسريحتي غير خجلت من فتح تسريحتي شعري نزل ع ضهري هوه دنك ع راسي  وباسه لزم ايدي وكومني

علي:اني جنت مقرر ما اتقربلهه لان ادري هيه مراغبه هذه الشي وصار الزواج غصب كلت تتعود عليه احسن بس من بست راسهه وشميت عطرهه مسيطرت ع نفسي لزمت ايدهه واخذتهه للجربايه هيه ترجف تحاول تتبعد عني بس متكدر ضليت العب بشعرهه ونزعتهه الروب وشبعتهه بوس انتبهت عليهه بس دموعهه تنزل

زهراء:اخذني للجربايه وضل يلعب يشعري ماعرف شيصير بيه من يتقربلي صح اضعف وشعور حلو بس يبقه الحقد بداخلي بده ينزعني الروب واني احاول ابعده بس هوه ميرد عليه كمت ابجي وخفت وهوه انتبه بعد عني

علي:بعدت عنهه وشمرت عليهه الروب لبسته وهيه تبجي سالتهه ليش تبجين

زهراء:علي اكعد خل احجي وياك بس افهمني الله يخليك
علي:كعدت يي احجي

زهراء:علي انته خيرتني بين امرين وانجبرت اوافق عليك لخاطر اخويه وسعاته

علي:بس الصوج منج انتي مخليتي واحد مكايلتله شنو تستصغريني لو شنو

زهراء:لا والله مو هيج اني سائلت مرام عليك وبس علي الله عليك لتتقربلي والله ما اكدر

علي:ضليت خازرهه كد ماحجيهه قهرني

زهراء:ضل خازرني متت خوف كوه حجيت وكلتله علي الله يخليك والله بس انطيني فتره اتعود عليك والله ما تكدر

علي:براحتج(كلتلهه هيج لان ما اريد اتقربلهه وهيه ماتريدني خليهه تاليتهه تقبل)

زهراء:وعد

علي:شنو ماتصدكين

زهراء:اصدكك بس فدوه اوعدني متجبرني

علي:وعد بس بشرط

زهراء:شنو

علي:تسمعين كلامي بالحرف الواحد لو اكلج ذبي نفسج بالنار تذبيهه واذا غلطتي لتلوميني ذاك اليوم تره اني حذرتج

زهراء:يي والله اسمع كلمتك بالحرف بس ممكن طلب

علي:كولي

زهراء:اريد هذه الشي بيناتنه لان اذا يدخلون الاهل تصير ضغوطات

علي:اوك هيج احسن كدام اهلي واهلج والكل نبين طبيعين شلون اي2مزوجين

زهراء:اوك شكرا

علي:درت وجهي وتغطيت شفتهه دور ع فراش تريد تنام بالكاع تعالي نامي هنا ع جربايه

زهراء:وانته

علي:شنو وانته اني انطيتج كلمه ومستحيل اتراجع عنهه وبعدين لو نمتي بالكاع تمنعيني هذي المسافه المتر مثلا
زهراء:اوك رحت نمت ع طرف الجربايه هوه منطيني ضهره واني كذالك اني ضليت صافنه هستوني اريد اغفه جان يكلي كومي شغلي التلفزيون وانطيني الريمون شغلته دار ع مباره وصوته عالي مكدرت انام ضليت كاعده صافنه

علي:شنو متشوفين مباره انتي

زهراء:لا

علي:احسنلج

زهراء:ضل يباوع ع مباره لشوي كال طفي التلفزيون طفيته وهستوني اريد انام ع جربايه كال طفي الضوه وشغلي الليلي خررب هذه شكد يصخر

زهراء:بعد عندك شي لو انام

علي:بس جيبيلي مي من الثلاجه

زهراء:اوك جبتله شرب طفيت الضوه ونمت ع الحافه

علي:اباوع عليهه نايمه ع الحافه مال الجربايه محاجيتهه اني نعسان بساع نمت وهيه هم نامت لشوي حسيت شي صار قريب يمي فتحت عيوني هيه نايمه ضليت اباوع ع معانيهه كلش حلوه غطيته ونمت كعدت الصبح هيه نايمه بعدهه رحت سبحت وطلعت وهيه نايمه ضليت افتر اطلع صوت اريدهه تكعد ماكو تنبل عاد رحت كعدتهه

علي:زهراء زهراء اكعدي شكد تنامين لخاطر ربج

زهراء:اني نايمه وعلي يكعد بيه بس من كد ماتعبانه مابيه افتح عيوني حسيت قطرات مي ع وجهي فتحت عيوني لكيت علي شعره مبلل والخاولي ع ركبته

زهراء:صباح الخير

علي:صباح النور يلا كومي بدلي علمود نتريك ونرجع للبيت خابرت اهلي وكلتلهم راح نرجع شعدنه باقين

زهراء:ليش مو ع اساس كم يوم نضل

علي:ع اساس يومين نضل 

زهراء:خاف اهلك يحسون بشي من كلتلهم راح نرجع

علي:لا رتبتهه من يمي خوش لكيتلي حجه يلا يلا مضل وكت

زهراء:اوك كمت سبحت وبدلت لبست كوستم كامل لون سمائي وبيه ابيض وشسورت شعري مبلل ولبست حجاب سمائي وحذاء ابيض وجنطه ابيض 

الكاتبه ايمان الربيعي

مشاهدة ممتعه

يتبع.....