حب حد الجنون

بارت (2)

بارت ~2~
الكاتبه ايمان الربيعي
زينب....دا امشي اني وماما بلسوك وجان اشوف نفس البنيه الطخيت بيهة بالكليه ذكرتوهه مو 😐
فرحت كلت بلكي تطلع من المنطقه ونكوم نروح ونجي سوه عاد الكه وحده وياي وصدفه دخلت لنفس المحل اني وياهة
الابنيه....يااا هذي انتي
زينب.....هههههههه لا الشبح مالتهه
الابنيه.....دتشترين ملابس للكليه مو
زينب......وانتي هم ؟..شنو انتي من المنطقه ؟
الابنيه....لابيت خالو هنا بس احنا اليوم يمهم واجيت ويه مرت خالو محتاجه كم حاجه بعدد
زينب....يافرحه ماتمت فرحت ع بالي وياي
تعالووو اعرفكم ع نفسي اسمي زهراء عمري 19.......مواصفاتي ......طولي وسط وحنطيه عندي غمازه بس بخدي الايسر جمالي طبيعي دائما يشبهوني حييييل بالممثله (كندا حنا) حالتنه الماديه كووولش زينه بابا عميد وماما ربه بيت اني عندي 2اخوات يقين مزوجه وعدهه بنيه ولد ومريم اصغر مني بالثالث وعندي 3اخوان منتضر جبير العائله ضابط (رائد)وياد وعباس بعدهم يدرسون
رحت اسجل بلكليه طخت بيه بنيه سبحان الخالقهه ع هل الجمال والطول والجسم ورديت صادفتهه بلسوك عرفت هيه نفس المنطقه الساكنين بيهه بيت خالو
زينب....... كملت كل احتياجات الكليه وطلعت القبولات وطلعتلي تربيه عربي ضجت حيل ردت انكليزي بس يله الله يقدملي البي خير مرت الايام وبده الدوام واليوم اول يوم الي بلكليه كعدت من الصبح اخذت شاور سريع ونشفت شعري بسشوار وبدلت لبست
تنوره بيج وقميص زيتوني وحجاب بيج وجنطه وحذاء زيتوني وحطيت ميك اب خفيف كحله داخل العين ومسكاره ومرطب شفه كريم او باودر اني ما حط خلاص لان هيه بشرتي بيضه وصافيه كعدت انتضر ابو الخط اجه وانطلقت وصلت الكليه يربي شلون الضايعه وكولشي ماندل اباوع شلون يربي اليوم يكضي كعدت ورديت رحت للقاعه دخلت وجان اشوف نفس البنيه الصادقتهه (زهراء)فرحت حيل من شفتهه كلت واخيرا راح الكه وحده وياي....
زهراء كاعده وضايجه وشفت البنيه الصادقتهة دخلت لنفس القاعه يربي واخيرا لكيت وحده رئسن وكفت سلمت عليهة ...
زهراء اهلا هذيج قاعتج موو ؟
زينب.....يي
زهراء.....يسسس واخيرا لكيت صديقه
زينب.....تعرفت ع زهراء وكعدا يمهه يربي بنيه محبوبه وحلوه وحبابه بشكل وطلعت اني وياهه للكافتريه سوه تمنيت اليوم ميخلص
زهراء.....زينب عندج برنامج علمود نتراسل
زينب.....يي عندي كل البرنامج
زهراء.....اوكي انطيني رقمج
زينب.....********07 وانتي هم انطيني رقمج
زهراء.....*******07
زينب رجعت للبيت هلكانه كبل اخذت شاور ونمت كعدت اتصفح بالفون ولكيت زهراء مراسلتني ودازتلي طلب جاوبتهه وضلينه نتراسل حيل حبيتهه وارتاحيتلهه مرت ايام الكليه واني و زهراء  علاقتنه زاادت حيل حيل صرنه اكثر من الخوات 
زينب.....مرت حلوه الجامعه وخاصتا وي زهراء الي ان وصلنه لعطله نصف السنه واليوم اخر يوم امتحانات
زهراء.....ها بشري شلونج يل امتاحانات
زينب.....زوينه وانتي
زهراء....موزينه الاسئله صعبه
زينب.....خليهة ع الله لج اليوم اخر يوم هم ضايجه لان مراح اشوفج فتره
زهراء.....لج حته اني بس نفتح كاام
زينب.....بس خل نشبع نوم
زهراء.....يي والله
زينب....رجعت للبيت هلكانه كبل للحمام وانوب للفراش كعدت المغرب
زينب....مسائوووو
الاهل.....مسائوووو ورد
ام زينب.....زنوبه ماما حضري روحج باجر نروح لبيت عمج نضل فد اسبوع ونجي
زينب......اهوووووووو ما اروح اني
ابو زينب.....بابا عيب ذوله بيت عمج
علي...... يي بويه اني من زمان اريد اروح
زينب.....يي علمود اشرف
علي..... طبعا هذه الضلع
زينب..... شكد اكرهه
علي.....يجوز هذه يصير زوجج لان ابن عمج
زينب......بابا متشوفه شيحجي انتو شنووو هالتقليد العدكم
علي.....شنو انتي الزعطوطه تغيرين هذي التقاليد
ابو زينب.....كافي احترمونه احنه كاعدين وانته علي شنو هل الحجي هيه واشرف اخوان
زينب.....رحت سويت عشه ويه ماما وكلتلهه موزينه بلامتحان لان من رجعت كلتله زينه ادري بيهه تاكل راسي واني نعسانه
ام زينب......ليش من سالئج كلتي زينه
زينب.......ها ماما جنت تعبانه
ام زينب......والله كله من وره هل موبايلات والانترنيت عايفين دراستكم ومكابلين هذه الصخام شو حته شغل ما خليج تشتغلين
زينب.....ماما والله الاسئله صعبه
ام زينب.....الاسئله صعبه دكولي اني مقاريه لانوم لا نت يعني قابل جايبيهن من بره الكتاب
زينب.....اهووووو قابل انتو مطلعين دكتوراه
ام زينب.....احنه قابل نفسكم جنه طبخ وخبز
زينب......ضليت ماما تحجي لحتى تعبت وسكتت تعشينه وكملنه ورحنه نحضر غراضنه علمود ثاني يوم من الصبح نطلع لان همه بلناصريه

❤الكاتبه ايمان الربيعي ❤

يتبع ......