Ayaw Ko'g Labda

80> Ayaw Ko'g Labda Bah

80> Ayaw Ko'g Labda Bah

Wa gyud ko katarong ug tulog. Or wa gyud siguro ko katulog. Nagpiyong akong mata pero naglatagaw ang akong hunahuna. Nagkalain-laing eksena ang misalida sa akong hunahuna samtang nagsige ug agay ang akong luha. Murag pwede nang barbecuehon akong kasingkasing kay maayo kaayong pagkahiwa-hiwa. Ingon ani diay ang bation sa mabroken-hearted noh mga besh? Huhuhu...

Ang mga gipanulti ni Hendrix nako ganina makalibog apan wa gyud makibhangi ang kasakit nga akong gibati. Ingon siya naa siya sa gawas apan di ko motuo. Human niya giputol ang tawag wa koy kisaw nga nabati sa gawas. Gikapoy ang tibuok nakong galamhan apan di gyud matulog ang akong hunahuna.

Akong gicheck unsa ng orasa sa akong cellphone. Alas tres na diay sa kadlawn apan bisan gamay wa ko katagpilaw. Lami na kaayong bugnuon akong self sa kalagot mga besh kay di gyud moundang ug replay sa mga nahitabo. Hangtod nabuntag murag wa rako katulog. Nagmukmok kos kwarto the whole day gipasangil lang nako nga naa koy gibuhat nga project. Pero ang tinuod hubag gyud kaayo akong mata.

Pagkaudto nitawag si Ghenre..

"Oh et musta na? Wa naman ka nagparamdam uy!"

"Hi et, sorry busy lang gyud."

Naguilty ko ug light kay wa na tuod ko kacommunicate ni Ghenre bisan text man lang. Occupied kaayo kos mga panghitabo sa akong life.

"Tse sige ka lang ug ka busy duh nus-a man ka mapresidenti?!" I could hear her sarcasm.

"Sorry na gud. Promise, I'll make it up to you."

"Unya when man pod na? Di nako kapaabot. Magkita ta tonight!"

"Et pwede next week na lang, klase man gud ugma."

"Di pwede...karon ra jud ko mohangyo nimo. Birthday kaha ron nako!"

Oh my ged..my bad!! Nalimot kos birthday sa akong bff..waaaa how unforgivable duh!

"Oh my ged et, sorry jud kaayo. Sige what time man ta magkita?"

"Aw ana ba! Alas siyete hapiton lang tika kay ipananghid pod tika ni Tita Grace. Wear something nice para gwapa tas picture. I'm bringing some friends."

Oh well, I guess it's better to hang out with Ghenre tonight para dili na kaayo ko maghunahuna ni Hendrix. Wala naman pod siya nagparamdam.

As agreed, niabot si Ghenre pagka alas syete. Ready to go napod ko. I'm wearing an off shoulder top and a high waist skinny jeans. I put on light make up para matabunan akong eyebags intawn ug aron modasig pod akong dagway. Nananghid nako daan ni Mama ug gisugtan ko niya. Nalimot man diay ko holiday man diay ugma. Pagkalimtanon naman lang gyud nako. Karon pa mahitabo nga nalimot kos birthday ni Ghenre.

"Wow et, shufaha na gud nimo!" Nagtingsi si Ghenre nga nag-atubang nako. Infectious kaayo ang iyang jolly disposition.

"Nihanap guro na imong panan-aw et uy!! Hahaha" Ako siyang gigakos. I so missed my best friend. Naguilty nuon ko ug maayo nga wala nakoy time para niya kay nabusy kos lovelife nga naudlot rapod diay. My bad..karma guro ni nako.

"O tana et kay tua na akong mga friends niuna na. Humana sad kog pananghid ni Tita Grace ug Tito Gilmar."

Nihunong ang taxi nga among gisakyan atubangan sa Coffee Prince. Niuna ug kanaug si Ghenre ug misunod ko.

"Dali et kay nagpareserved na sila ug table para nato."

"Ari ta dire et?" Natingala ko ug nganong ari siya gustong magcelebrate sa iyang birthday. Pero wa nalang ko mangutana, nisunod na lang ko niya.