Ayaw Ko'g Labda

30> Ayaw Ko'g Buanga

30> Ayaw Ko'g Buanga

Daghan kaayong tawo sa Basilica pag-abot namo unya mao pa gyud pagsugod sa misa. Didto mi sa right wing sa pilgrim center sa ibabaw. Maayo kay medyo landong wa kaayo mosidlak ang init. Naminaw gyud ko ug maayo sa wali sa pari dihang naay nasangit sa akong mata didto sa ground floor atbang gyud sa among pwesto.

Di gyud ko mahimong masayop, si Hendrix jud akong nakit-an...nikubakuba dayon akong dughan. Pero nalukot ug kalit akong itsura dihang naklaro nako ug kinsay iyang tupad. Oh my ged mga besh...si Nur Eve bitaw na iyang tupad!! Imposible pod kaayo ug coincidence lang noh nga nagkatupad sila. I have a feeling nga gakuyog jud ni silang duha. Wa na nuon ko nahimutang sa akong gilingkoran. Gasige nalang kog lantaw nila. Wa ko kasabot sa akong gibati.

Mao na lagi ning gikahadlokan nako...wa mi label so dili pod ko makasita niya ug nganong gakuyog sila. Huhu kafaets mga besh...magping-it kos kasakit ani sa hilom. Grrrrr wa gyud kay klaro Hendrix Gray. You're only toying with my feelings ra gyud. Unsay buot pasabot aning panagkuyog ninyo ni Nur Eve huh?

Imbis niari ko aron mag-ampo...murag magbakho naman nuon ko ani. Waaaaa sakit kaayo mga besh! Murag gi hansakan ug kutsilyo akong heart. Pero wa koy katungod masuko niya kay wa may kami! Arghhh...

Wa nalang ko magsaba ni Kuya nga nakit-an nako si Hendrix naay kuyog nga babaye kay mangutana unya ug kinsa. Sukit sukiton na nuon ko ug wa koy ikatubag. Gahuot jud akong dughan sa akong nakita. Labi na dihang nagpeace be with you. Waaaa nibeso beso gyud si Nur Eve ni Hendrix unya si Hendrix kay niamen sa tupad nga babaye ni Nur Eve ug sa babaye sa iyang kilid. Karon ra nako nanotice nga kuyog diay to nila. Mga early 40's guro tong mga bayhana. Elegant and sophisticated kaayo ug dating. Their appearance screams wealth. Hala basin iya nang mama iyang tupad noh? Then kanang tupad ni Nur Eve kay iya pong mama. So kon mao na...close sila ug suod pod ilang ginikanan. Aguyyy wa na jud koy bawt ani faets!

After sa misa kay nanagkot ming Kuya. Ug pastilang dimalasa kay didto atbang sa among gidagkotan kay nanagkot pod silang Hendrix. Huhu di na gyud masabot akong gibati. I hope dili ko niya makit-an ug dili pod sya makit-an ni Kuya. Gaduko duko lang gyud ko samtang nangamuyo.

Pero igo jud pagyanghag nako kay molakaw nami...mao say pagtan-aw ni Hendrix sa among nahimutangan ug nagkasugat jud among panan-aw. Nisiga iyang mata ug nilingi sa iyang tupad nga si Nur Eve nga gagunit sa iyang bukton ug nitan-aw sya nako ug balik. Giaksyon niya ug tangtang ang kamot ni Nur Eve nga gagunit niya. Pero nilingolingo ko ug dayon gigunitan nako si Kuya...palayo gikan sa dagkotanan. Whether nagtan-aw pa sya nako or nisunod wa nako kahibaw. Giingnan man nako si Kuya nga nisakit ug kalit akong tiyan manguli nami. Mao tong gadalidali mi ug adto sa exit.

I just want to get away from them. Murag nagkurog akong kahiladman sa akong nasaksihan. Bisan ug kapila pa siya moingon nga wa silay relasyon...dayag na kaayo ang kamatuoran nga duna gyud. Gakuyog pa gani sila sa Mama ni Nur Eve. When I was looking at them ganina, nafeel nako nga extra ra gyud ko ug wa koy lugar sa ilang kalibutan. Dili mi bagay ni Hendrix...mao na akong narealized sa akong nakita ganina. I feel so insignificant...gibuangan lang gyud nis Hendrix nako ay! Worst pa gyud kay gipasakay niya ug apil akong pamilya.

Pag-abot sa balay nideretso ko ug sulod sa akong kwarto. Gipasangil nako nga sakit akong tiyan. Wa raman pod nangutana si Kuya kay maayo baya kaayo ko moinartista. I kept myself from crying, pero di jud nako mapugngan nitulo jud akong luha on its own. Naglumbaanay ug dagayday bisan ug kapila na nako gitrapuhan. Mura gyud ug fountain gasige lang ug agas.

Huot kaayo akong dughan mga besh. Huhuhu sakita lagi mura ko ug giduslak ug bangkaw. Wa man untay kami pero sakit jud sya. I feel so betrayed kay niingon na baya sya nga she's not his girlfriend. And in fact, niari pa siya sa balay...kana bitawng gipakita niya nako that his intentions are genuine and sincere. That even if wa siyay gisulti, his actions speak for his feelings. Pero lahi ra gyud ang akong nakit-an ganina sa simbahan.

Mao na lagi ni akong giingon nga di ko ganahan ug way label kay wa koy katungod...igo nalang ko anis pagpatulo sa akong luha. Ang saklap mga besh! Murag it ended even before it began.

Hendrix calling...

Ni ring akong fon pero wa nako panumbalinga. Gipasagdan nako magsigeg ring. Hinay raman pod ang volume, dili madungog sa gawas. Ug nganong gatawag tawag ni siya? Unsa iya napong itwist akong hunahuna? I don't think any explanation will ever change my mind. Naluoy ko sa akong self...pagkadali ba sad nakong nafall uy?! Nga unta si Khalil man akong ultimate crush...how come nga sa mubong panahon nibalhin akong pagbati ngadto niya ug mas nilabaw pa. I don't know kanus-a nagsugod...how or why wala pod ko kabalo. I just woke up one day and realized that I'm so into him na.

Hasta kapila siya nagmiss call. Wa gyud nako tubaga. Kapoy na ug paminaw sa iyang mga rason. Ilaron napod ko niya klaro kaayo. I guess, I have to move on bisan pa ug way kami. Eventually, gipul-an rapod siya ug tinawag nakasabot nga di jud ko motubag. Ug aron dili na siya magsamok pa...akong gi off akong fon.

I think things over. Kanang giprocess ug gidigest jud nako ba ang mga nahitabo lately. Daghang mga kausaban sa akong life that somehow it turned upside down and vice versa. I thought magmalinawn akong life once mobalhin nako sa CIS...but contrary to that, mas nisamot kagubot akong kinabuhi pero mas nahimo pod siyang exciting. I don't know if I'd be grateful ba or masagmuyo ko. But then who am I to complain di ba? At least I have a life.

Pagkaugma kay gusto kong moabsent. Wa koy gana moeskuyla kay di ko gustong magkita ming Hendrix. You know na maglisod ko ug likay kay tupad baya mi mga besh. Wa ko kahibaw unsa akong buhaton ug magkita mi. Gusto kong molikay na lang aron dili nako masakitan.

"Hello Yumi, good morning!"

Si Khalil nakadungan nako ug lakaw sa lobby padung sa among building. Ako na lang kahang ibalik akong feelings ngadto niya noh? Pero di gihapon pwede kay naa na siyay Yvette. Ug labaw na nga dili katudluan ang kasingkasing. Luh kadrama ba ni uy Yumi!

"Hi Khalil, morning."

"Kumusta ang newest celebrity sa CIS?"

"Hmp! Hilom diha...celebrity naman nuon."

"Bitaw! You were an instant celebrity during the acquaintance party. Daghan kaayong nibilib nimo."

"Ayaw ko ug atika Khalil kay sayo pa kaayo."

"Tinuod man gud na way dalang atik. Your powerful performance made many jaws dropped!"

"Really? Mauwaw man sad ta ana."

"You should be proud Yumi."

"Hihi..salamat."

"Ihatod na tika sa inyong classroom."

"Ayaw na...malangan raka."

"It's okay. Sayo paman sad."

So wa nalang ko mopalag nga iya kong ihatod kay just in case pod ug naa sa lobby si Hendrix or makit-an nako along the way...naa koy kuyog. Haayy I dread this day kay magkita napod mi and I don't know how to act or what to say. Bahala nas batman uy!

Khalil the forever gentleman, carries my things... Gadala gud kog mga libro kay basta weekend pandalhon man nako sa amo aron makaadvance reading pod ko. There is something about Khalil that is so calming. Pero beyond that wala na koy kilig nga gibati. I only see him as a friend.

Pag-agi namo sa lobby kay naa gyud si Hendrix. I don't know if nitan-aw ba sya nako kay wa ko motan-aw niya. Nagpa as if ko nga engrossed kaayo kos convo  namo ni Khalil. Ambot ngano nga murag di ko kaharong niya nga siya man unta ang sad-an. Murag ako nalay nauwaw para niya...waaaa...

Nideretso ko ug sulod sa room kay murag nafeel nako that Hendrix is boring a whole in my back with his stares. Makapaso iyang tinan-awan bisan pa man ug wa ko molingi niya. Grabe ka compelling iyang presence, but I will not give in. Di jud ko molingi...sorry sya!

Ayaw ko ug buanga Hendrix Gray! Igo na tong kausa...I am not dumb nga di makasabot. Way kita so dili nako molaum pa. Paasa ra gyud kaayo ka. How stupid of me nga nagpada ko sa imong sweet gestures. Nahagba man akong defenses...ako ning tukuron ug balik...and this time, it's far better and stronger. Good luck nimo!