Ayaw Ko'g Labda

41> Ayaw Ko'g Pangutan-a

41> Ayaw Ko'g Pangutan-a

Hapit gyud nako nabuhii akong cellphone mga besh pagkabasa nako sa gichat ni Ghenre. Ug aron motuo gyud ko kay nagsend siya ug picture ni Hendrix nga nagsayaw ug si Nur Eve. Sweet kaayo sila mga besh...huhuhu as in nagbalikos jud ang kamot ni Nur Eve sa liog ni Hendrix while his arms are enclosing her waist. Niblurred ug kalit akong panan-aw kay niagas na diay akong mga luha nga wa lang nako mabantayi. Murag giduslak sa makadaghang higayon akong heart ug hait kaayo nga kutsilyo. Wa na natabastabas napod sa di maihap nga piraso akong kasingkasing imbis nauli-ulian na unta ni.

Waaaaa...ikaw man gud Yumi gahi kaayo ka'g ulo! Nipromise naka nga dili na nimo siya tagdon pero tan-awa unsa imong gibuhat...imo pang gipadayon. Imo lang gyud siyang gihatagan ug higayon to break you again. Aware naman unta ka nga naa nay nanag-iya niya! Huhuhu suko kaayo akong self nako ay. Kung duha pa ni murag gabugno na gyud.

Unsaon man gyud nako uy mga besh nga kon naa na siya sa duol unya magpaluoy-luoy sa iyang dagway mo melt man gyud ang ice nga akong gitry ug coat sa akong heart aron mahimong cold ni towards niya. Inig ingon pa lang gani nga "babe.." Agoy tua nahilis na dayon. Mura gyud ug gabukal nga init tubig iyang tingog uy nga mopahilis sa akong gifroze nga pagbati.

So ang resulta...aws tyabaw inyong atey kay gisagpa napod sa kamatuoran kay nagpalimot-limot man. No matter how many times I told myself nga mopalayo ko and that I would ignore him...naproved gyud nako nga dili diay nako kaya basta moinsist gyud siya. Hunahuna ray gadako nako pero akong pagbati huyang kaayo. Mosucceed ra diay ko nga magpalayo niya basta dili mi magkita. Haayyy kafaets mga besh.

Ghenre calling...

"Hello et..."

"Sus et wa gyud ko nagdahum nga ang Hendrix nga imong gistorya nako kay mao tong gwapo kaayo sa party. Naa sad jud diay K tong tawhana nga makapatay-og sa imong world et uy!"

"Lagi et...as in nawagtang gyud deretso akong feelings for Khalil dihang nasuod ming Hendrix."

"Pero et..nganong sweet kaayo sila atong Nur Eve? He's into you man kaha?"

"Et tinuod diay tong giingon ni Marykhem nga gibuya na sila. Si Hendrix mismo gasulti nako."

Huot gyud akong dughan mga besh while nagstorya ming Ghenre kay maremember gyud nako tong gisultihan ko ni Hendrix sa Hilltop kung nganong dili siya pwedeng mocommit nako. Ouch nga way kabutangan ang kasakit. Dili pa gani officially kami nasakitan nako ug sama ani.

"Noh? Hala ka sayang pod uy. Gwapoooo raba kaayo sya!"

"Et uy...di raman sad tungod sa iyang itsura maong nahigugma ko niya."

"Hala taympa as in gugma gyud et? Heavy naba ana imong feelings uy!"

"Murag ana gyud et kay sakit man kaayo bih. Di ba ingana daw nang love grabeh ang sakit."

"Nah wa ko kahibaw uy kay wa pa ko mahigugma. Pero et, ok raka? Ayaw palabi uy. Bata pa kaayo ta...naa pay moabot nga mas labaw pa niya."

"I know et...just that sakit lang gyud sya."

Sa sige namo ug storya ni Ghenre nakalimot nalang ko unsa mi orasa nahuman kay nakatulog nako sa kakapoy. Pagbuntag kay bug-at kaayo akong pamati mura man ug akoy naiospital. Maayo gani wala na moapas si Mama gabii...masakpan unta ko nga gahilak. Si Papa kay hinanok man kaayo tungod guro sa tambal.

Should I tell them? Dili na kinahanglan kay magdugang lang sa ilang burden. I will keel it to myself na lang. I'm sure ma okay rako. Ako na baya ang new Yumi nga di magpatay-og sa mga problema. Nakaya gani nako sauna nga weak pa kaayo akong personality...karon pa kaha nga nakabaton nako ug kompyansa sa akong kaugalingon? I have to be stronger and firm kay wala ko nitransfer sa CIS aron lang mahigugma. I have to live up to the chairman's expectations aron dili pod mauwawan si Papa sa gigrant nga scholarship nako.

Sunday afternoon nadischarged si Papa sa ospital pero advised to rest gihapon. Gusto ganing mouli ni Kuya Yuri kay nagworry ppd siya ni Papa. Pero wala nalang siya papaulia kay wa man pod siyay mahimo masakripisyo pa iyang pag-eskuyla.

I dread Monday kay magkita napod ming Hendrix. After siya niuli atong Saturday afternoon, I haven't heard from him. Walay tawag or text man lang. Gicheck pod nako ang messenger wa sad siyay message. Haaayy galibog ko ug unsa gyuy plano ani niya why is he stringing me along aning complicated nga sitwasyon. Unsa kahay mahitabo ugma inig kita namo noh?

"Hoy Yumi, bangon na kay malate ka!"

Sayo kaayong namukaw si Mama ay. Kalaming di ibangon mga besh. Pwede pa lang moabsent. Pero di jud angay! He's just a guy...and what I'm going through is just a phase, molavay ra ni. Dasig lang gyud Yumi!

Sa gate pa lang gikulbaan nako ug sugod. Waaaa unsa pod ning akong dughan uy naa may iyang kaugalingong kalibutan. Inhale...exhale lang gyud ko.

"Good morning beautiful!"

Agoy kalami naman lang gyud sa smile ni Khalil nga nidungan nako ug lakaw padung sa among building.

"Uy good morning pod Khalil! Musta na mong Yvette?"

"Ha? Kami ni Yvette? Hmmm...ok ra man. We seldom talk nalang lately kay wala namay practice."

"Noh? I mean kamo pa man kaha gihapon?"

"Unsay kami? Wa man guy kami."

Unya nismile dayon sya ug 1,000 watts. Haha pero di naman ko kiligon uy mga besh. Wa na gyuy effect nako iyang mga pahiyom ay. Gitawag pa gani ko niya ug beautiful ganina pero wa gyuy epek nako. Pero taympa...unsa to? Walay sila? Di ba uyab man ni silang Yvette katong nakit-an namo sila sa mall kuyog ming Ghenre? Atikon sad ni sya duh!

"Wa diay? Sweet pa gani kaayo mo sa mall katong nagsugat ta ninyo kuyog ming Ghenre."

"Ay kato? Hahaha...it was just for show uy! Gipasuya rato ni Yvette iyang ex. She only asked me for a favor."

"Hala mao bah?"

Ayay ka leche ra ah! Nasakitan pako ug maayo ato unya fake ra diay nga relasyon?! Waaaa mao baya toy hinungdan nga nimove on ko niya dayon nakasulod si Hendrix sa akong heart kay naa nay space. Sala gyud ni nimo ron Khalil bah!

"Yeah...I was a good actor then kay nituo gyud ka. Hahaha!"

"Ambot nimo Khalil uy! Sige bye kay mosaka nako!"

Gibyaan nako ang amaw jay murag naglagot ko ug kalit. Siguro kung wala pa sila nagpakaaron-ingnon nga uyab ni Yvette dili ko magtransfer of affection...huhuhu nasakitan lang nuon ko ug maayo! Lain kaayo ka Khalil ay! Pero hinuon wa man sad sya masayod nga ultimate crush nako sya! Hahaha buingz man ko uy!

Before ko nakasulod sa among room, a hand grabbed my arm. Paglingi nako kay si Hendrix. Lawom kaayo ug mata murag way tulog pero bag-ong ligo. Gwapo ra gihapon tan-awn bisag unsaon!

I gave him a questioning look pero wa ko nitingog. Gibira ko niya palayo sa room ngadto sa unahan padung sa fire exit nga stairs. Mingaw pa man sad kay sayo pa man. Haayyy unsaon man gyud nako paglikay ani niya nga magsige man siya ug tunga sa wa damha.

"Let's talk..."

"About what?"

"About us..."

"There's no us Gray."

"Why are you like that Yumi?"

"Ha? Kay ngano diay ko? Ayaw ko ug pangutan-a. Ask yourself instead!"

Ako naman nuon iyang pangutan-on nga siya ramay libog kaayo intawn! He can't define us. Dili sya pwedeng mocommit...wala mi label kay naay Nur Eve sa iyang life. Unya di pod sya gustong mo let go nako. Asa man ko molugar dapit? Pwerti gyud kalibog nga sitwasyon...so complicated makasunggo sa utok ug labaw na nga makadugo sa heart!