Ayaw Ko'g Labda

1> Ayaw Ko'g Singkahi

1>Ayaw Ko'g Singkahi

"Move out!"

Sa kalit lang naay nisinghag nako while nagkaon kos cafeteria. Pagyanghag nako, nitiurok ko mga besh kay pwerting gwapoha sa guy nga isog kaayo ug tinan-awanan nako. Naigking kog one fourth! Igo ra gyud kong nitutok niya.

"What are you waiting? I said move out!"

Hala mga besh, isog jud kaayo ang gwapo ay ug sa akong panan-aw he looks more gwapo basta masuko siya ug samot. Pero this time nahuwasan nako maong nakatubag na intawn ko.

"Excuse me? And why should I? Ako'y nakauna dire! Ayaw kog singkahi ha kay wa ko nanghilabot nimo!" Duh pinabundak sad akong tingog kay nairita na gyud ko niya ay. Gwapo unta pero way batasan pataka lag paningka. Bisag unsa pa siya ka gwapo di jud ko niya mada noh!

"What?! Are you defying me?! Get out while I can still hold my temper!!!"

"Unya ug di diay ko?! Kadako anang space nganong di ka molingkod! Nagkaon ang tawo pahawaon nimo. Hilas ra kaayo ka dzong!"

Nibukal na gyud akong dugo naminaw niya. First day nako aning mahalon nga eskwelahan unya mao ni mosugat nako?! My ged how disappointing!

Hilason aning lakiha uy! Di naman lang molingkod ug moshare sa table nako. Kining akong kaanyag iyang papahawaon? Wa siya malipong...lahi ra gyud.

Ug kay nahuman naman kog kaon sa snacks nga akong gipalit, nitindog ko. But not because nahadlok ko niya. No way, as in never! Kinsa ba siya nga kahadlokan nako. Nibarog ko kay basin masukaan nako siya busog raba kaayo ko. Hihihi...

Paglingi nako, hala ha tanang tawo sa cafeteria nagtan-aw namo. Feeling nako I'm an instant celebrity! Kahimantayon ba's mga estudyante aning eskwelahana. Ingon mga datu ug sosyal nangiskwela dire?

"O hala dzong, soloha ng lamesa!" Ako siyang giisnaban dayong biya nako sa cafeteria.

Hay naguba akong adlaw duh wa pa gani ko kasulod sa unang klase kay nag emergency meeting ang faculty right after the general assembly. Maayo na lang busog ko. Kay ug gigutom pako nah gilapa na to nakong way modo nga laki ganina.

Gikan sa cafeteria gipangita nako ang senior high building. I hope di ko masaag ug asa akong classroom kay kadako ra ba ani nga school unya wa pa gyud ko'y kaila.

And finally, nadumduman ra gyud nako akong classroom naa ra diay sa second floor of the senior high building duol ra's cafeteria. At least di ko mapasmo ani kay duol rang kan-anan. Hehehe...

Pagsulod nako, gamay pa ang mga estudyante. Nilingkod ko dapit sa tungatunga duol sa bintana. Wa gyuy nitagad nako bisan usa. Murag kaila na sila daan kay nagtapoktapok sila into small groups. Ang mga girls kay sosyal kaayo ug dating while ang mga boys klaro kaayo nga puros loaded. Ako raman guro dire ang mediocre lang ug social status. Pero duh like I care!

Pagtingog sa bell, iyahay ug sulod ang mga estudyante nga nagtambay sa gawas. Alas diyes na, recess is over. I hope buotan ang mosulod nga teacher para di ra kaayo kulba ba.

"Good morning class! Welcome to senior high! I'm Mr. Rowin Villegas your Math teacher." Wow ka choi sa among teacher mainspire man sad tag eskuyla ani. Hihihi...

Murag tanan girls kay laglag ang panga pagsulod sa among Math teacher. In fairness he's a bit young murag fresh grad maguwang rag gamay namo. Boyfie material kaayo ay. I'm sure crush ni siya's tanan female students sa campus lakip nako. Wahaha!!

Hala uy hamis kaayo ang fair nga skin ni Sir ay makainsecure. Clean cut ang hair, tucked in ang long sleeves nga white, way gum-ot ang gray nga slacks, sinaw kaayo ug sapatos ug murag humot pa gyud ni siya kaayo. Aguy mainlove man kaha ko anig ahat. Ahahayyy!!

Ug samtang nagtutok ming mga girls ni Sir nga nilingkod sa teacher's table, suddenly the door opened ug nilugwa ang laing gwapo nga nilalang. Pak! Lingi pod tanan sa purtahan! Pero nikalit ug saka akong bp pagkaklaro nako ug kinsa'y nisulod nga gwapo. Way lain kundi ang way batasan nga laki nga naningka nako sa cafeteria ganina. Nisurok ug kalit akong dugo pagtan-aw nako sa iyang hambugero kaayo nga dagway.

Wa gyu'y batasan ay nipaso pas atubangan murag way nahitabo mura raba'g wa malate. Wa gani ni good morning ni Sir. Hilason jud kaayo uy murag tag-iya sa kalibutan ay. Grrrr klasmet pa gyud mi laguta lagi!

Ug sa dihang wa nay laing bakanteng lingkuranan aside from the one next to me...Oh my ged magtupad pa gyud mi ani niya!! Kalaming ewalk out baya. Sus ug di pa lang gwapo si Sir mobalhin kog laing section uy if pwede pa lang. Huhuhu...

"Alright class, I guess everyone's here since there are no vacant seats left. Let's start with the overview of our subject."

Haaayyy kagwapo naman lang gyud ni Sir, taas kaayo ug ilong unya tupong pa gyud ang perfectly white teeth.

Dali rang nigawas si Sir, since first meeting pa man igo ra siya nihatag ug introduction sa subject ug unsay mga competencies to meet.

The rest of the morning pareho ra ang nahitabo. Puros ra introduction nya early dismissal. All throughout the entire morning kay wa gyud ko nilingi sa akong left kay di ko gustong magsugat among panan-aw sa akong tupad. Pa as if lang kong busy with my phone everytime mogawas na among teacher nya magwait mi's next teacher.

Ang naa sa akong front galingkod kay sige gyud ug lingi sa akong tupad nya kiligon dayon siya. Nuon gwapo sad jud ning hambugero nakong tupad. I don't know if he has any idea nga ako tong iyang gisingkahan ganina sa cafeteria kay wa man jud ko molingi niya.

After the last period in the morning kay lunch break na. I need to go back to the cafeteria napod. Wa pa gihapon ko'y amega. Arte man kaayo akong mga classmates nga girls while ang mga boys way paki. Fighting lang jud dzae!

Gaduko duko rako nga naglakaw towards the cafeteria kay hait kaayog tinan-awan nako akong mga nasugatan ay ambot ngano. Kung makatutok mura kog mahilis. Ug makamatay pa lang ilang tinan-awan gibilaran nako.

"Yumi?!"

Sa kalit lang naay nibabag sa akong agianan padung sa cafeteria. Familiar kaayo iyang soothing nga voice. When I looked up, I stare right into a pair of chocolate brown orbs. Tug dug...tug dug...halaaaa makabungog ang sound sa akong heart murag drum sa sinulog.

"Hoy Yumi! Are you alright?"

Murag nilayas akong dila leche kaayo. Nikipat kipat ra akong mata pero wa ko'y nasulti. Unsaon nga akong ultimate crush sa junior high pa ko kay mao may naa sa akong atubangan ug nigwapo pa gyud siya'g samot. Di ko katuo nga he's right in front of me. All of a sudden murag nistop ug tuyok ang kalibutan grabeh!

"A-ah...h-hi Khalil. Dire sad ka nagskwela?" Whew struggle is real jud mga besh galisod ko'g sulti uy.

"Yeah, ikaw nitransfer diay ka? You're still in grade 11 right?"

Wow mga besh nakaremember pa sya ug unsa kong gradoha. Schoolmates mi ani niya sa previous school nako. Ahead siya nako ug 1 year so grade 12 na siya ron, nitransfer ni siya after grade 10. Sus since grade 8 crush na kaayo ni nako siya duh pero ayaw ug saba kay he has no idea that I like him. Pero wa ko kahibaw gyud honest pa nga dire pod diay siya nagskwela sa Chaucer International School. Mao ni siya'y giingon ug what a coincidence!

"Hoy get out of the way! This is not a lover's lane!"

Unsa kuno?! Nitingkag akong dunggan pagkadungog nako sa tingog sa gwapo nga hambugero. Tubagon na unta nako siya dihang gibira ni Khalil akong kamot and he dragged me away from the monster.