علمتني الحب بارت 3
الكل منتظر يوم الاحد ...
علي اخذ خواته بدون علم امه وراح لبغداد علمود يخطب نور
نور كاعدة وماتدري شئ ولاتدري انه علي راح يجيها علي اتصل بتقوى وكاللها على السالفه تقوى خططت لكشي وي علي علمود يفاجؤن نور
بيت نور
نور :تقوى شبيج ليش هيج فرحانه والله حاسه وراج شئ
تقوى :دلبسي يانور هذا الفستان دشوفه عليج
نور:اكلج تقوى جايتني من يم اركان لهنا علمود تلبسيلي هذا الفستان بله بيش اشتريتي
تقوى:اووو نور شكد تلحين دلبسي وضلي لابسته اريد اشوف اختي الكمر
نور:ديالا يالله راح البسه اووف والله احس وراج شئ
تقوى: صدك انت مو مال وجه
نور:هاج مااريده عبالك مدري شجايبتلي
تقوى:يوو نور غلطنه ومنك السماح ياسيد بس البسي وفضيني اروح اشوف ماما شسوتلنا بالمطبخ
تقوى وطلعت من غرفة نور وطلعت تلفونها
تقوى :الو هلو علي يالله وين صرت تره بابا راح يطلع اي اي لاتخاف كامل كلشي اي اي ماما تدري بس بابا ميدري لالا شلون اكول لنور يالله مع السلامه ...
-------------------------------------------------------
علي :واني بالسياره اول ماطبيت بغداد اتصلت على تقوى بس ماردت كمت اقلق هي وره شويه اتصلت عليه وكلتلي كلشي كامل طبعا لانور ولا ابوها يدرون انه جينا نخطب بس ام نور وتقوى على الرغم من انه كتلها تكله لابوها بس مااعرف ليش ماكلتله يمكن لان تستحي منه شمدريني اهمشي هسه نور تصير الي ومايهمني كلشي
----------------------------------------------------
بيت نور
وره نص ساعه علي وصل بيت نور وهو فرحان وبيده ورد واخواته وياه نزل من السياره ونزل خواته ال3ودك الباب طلعله محمد
محمد بأستغراب :هلو علاوي شلونك هلا ام حمودي هلا ام سيف (نهى)هلا ام رضا (فرح)
الكل هلا بيك حمودي
علي :عمي موجود
محمد :اي اي تفضلوا
دخلوا للاستقبال رحب بيهم ابو احمد ودخلتلهم ام احمد سلمت على البنات وبوستهم وكعدوا وشربوا ماي
علي بعد ماكمل شرب ماي وذب الكلاص على الطبله الي كدامهم :عمي انت راس العشيرة والكل يحلف براسك واني تعرفني وتعرف شهادتي وتعرف عائلتي والاكثر انت مربيني عمي بعد ان خطبت بنتك منك كم مره كتلي الا بحضور امك بس عمي امي ماتقبل لهذا اخواتي وياي واكبر مني وهن مسؤلات عني حاليا لهذا اني جايبهن واريد منك كلمه ام احمد بأبتسامه :علاوي عل الراس انت وخواتك همات
ابو احمد :علي انه اسف منك ومن خواتك كتلك وراح اضل مصر الا امك تجي وتخطب بنتي يالله اوافق انت ماعندك مره يمنا الا امك تجي
#حياة
